ਪੰਜਾਬੀ ਗਾਇਕ ਮਨਕੀਰਤ ਔਲਖ ਬਾਰੇ ਇਕ ਵਾਰ ਫਿਰ ਛਿੜੇ ਚਰਚੇ

ਪੰਜਾਬੀ ਗਾਇਕ ਮਨਕੀਰਤ ਔਲਖ ਇਕ ਵਾਰ ਫਿਰ ਚਰਚਿਆਂ ਦੇ ਕੇਂਦਰ ਵਿੱਚ ਹੈ ਪਰ ਇਸ ਵਾਰ ਇਹ ਚਰਚੇ ਉਸ ਦੀ ਕਿਸੇ ਸੰਗੀਤ ਪੇਸ਼ਕਾਰੀ ਬਾਰੇ ਨਹੀਂ ਹਨ ਇਸ ਵਾਰ ਉਹ ਆਪਣੇ ਬਿਆਨਾਂ ਅਤੇ ਆਪਣੀ ਤਾਜ਼ਾ ਦਿਖ ਕਾਰਨ ਸੁਰਖੀਆਂ ਵਿੱਚ ਆਇਆ ਹੈ। ਪਿਛਲੇ ਦਿਨੀਂ ਮਨਕੀਰਤ ਦੇ ਕਈ ਵੀਡੀਓ ਵਾਇਰਲ ਹੋਏ, ਜਿਨ੍ਹਾਂ ਬਾਰੇ ਦਰਸ਼ਕ ਉਸ ਦੇ ਵਿਵਹਾਰ ਅਤੇ ਬਿਆਨਾਂ ਨੂੰ ਲੈ ਕੇ ਟਿੱਪਣੀਆਂ ਕਰ ਰਹੇ ਹਨ। ਕੁਝ ਲੋਕਾਂ ਨੇ ਤਾਂ ਅਜਿਹੇ ਦੋਸ਼ ਵੀ ਲਾਏ ਹਨ,ਜਿਵੇਂ ਗਾਇਕ ਨਸ਼ੇ ਦੇ ਪ੍ਰਭਾਵ ਹੇਠ ਜਾਪਦਾ ਹੋਵੇ।

ਇਨ੍ਹਾਂ ਚਰਚਿਆਂ ਦੇ ਵਿਰੁੱਧ ਮਨਕੀਰਤ ਵਲੋਂ ਕੋਈ ਤਸੱਲੀਬਖਸ਼ ਜਵਾਬ ਵੀ ਸਾਹਮਣੇ ਨਹੀਂ ਆਇਆ ਅਤੇ ਉਸ ਦੀ ਅਜੀਬ ਜਿਹੀ ਦਿਖ ਕਾਰਨ ਇਹ ਚਰਚੇ ਹੋਰ ਵੀ ਤੇਜ਼ ਹੋ ਗਏ। ਮਨਕੀਰਤ ਵਲੋਂ ਗਾਇਕ ਸੁਲਤਾਨ ਦੇ ਨਾਲ ਦਿੱਤੀ ਗਈ ਇਕ ਸਟੇਜ ਪੇਸ਼ਕਾਰੀ ਨੇ ਤਾੜੀਆਂ ਨਹੀਂ ਹਾਸਲ ਕੀਤੀਆਂ ਸਗੋਂ ਉਸ ਸ਼ੋਅ ਦੀ ਆਲੋਚਨਾ ਜ਼ਿਆਦਾ ਹੋਈ ਹੈ। ਉਸ ਪੇਸ਼ਕਾਰੀ ਦੇ ਕਈ ਕਲਿਪ ਵਾਇਰਲ ਹੋ ਰਹੇ ਹਨ, ਜਿਨ੍ਹਾਂ ਕਾਰਨ ਮਜ਼ਾਕ ਅਤੇ ਬਹਿਸ ਵੱਧਦੀ ਜਾ ਰਹੀ ਹੈ।

ਇਸ ਤੋਂ ਪਹਿਲਾਂ ਮਨਕੀਰਤ ਸਿੱਧੂ ਮੂਸੇਵਾਲਾ ਦੀ ਮੌਤ ਤੋਂ ਬਾਅਦ ਵੀ ਚਰਚਿਆਂ ਵਿੱਚ ਆਇਆ ਸੀ, ਜਦੋਂ ਉਸ ਦੇ ਗੈਂਗਸਟਰਾਂ ਨਾਲ ਸੰਬੰਧਾਂ ਦੇ ਚਰਚੇ ਵੀ ਛਿੜੇ ਸਨ।ਬਾਅਦ ਵਿੱਚ ਕਾਨੂੰਨੀ ਤੌਰ ਤੇ ਕੁਝ ਵੀ ਸਾਬਤ ਨਹੀਂ ਹੋਇਆ ਪਰ ਚਰਚੇ ਫਿਰ ਵੀ ਜਾਰੀ ਰਹੇ। ਕਾਫੀ ਸਮਾਂ ਮਨੋਰੰਜਨ ਦੇ ਦ੍ਰਿਸ਼ਾਂ ਤੋਂ ਦੂਰ ਰਿਹਾ ਅਤੇ ਪ੍ਰਸ਼ੰਸਕਾਂ ਨੇ ਅਜਿਹਾ ਸੋਚਣਾ ਸ਼ੁਰੂ ਕਰ ਦਿੱਤਾ ਕਿ ਉਹ ਕਿਸੇ ਦਬਾਅ ਹੇਠ ਹੈ ਜਾਂ ਕਿਸੇ ਵਿਵਾਦ ਕਾਰਨ ਸਾਹਮਣੇ ਨਹੀਂ ਆ ਰਿਹਾ।