16.49C Vancouver 16.49C VancouverJun 13, 2025 5:18 PM - Connect Newsroom
ਬਿੱਗ ਬਾਸ 19 ਬਾਰੇ ਭਾਵੇਂ ਕੋਈ ਰਸਮੀ ਐਲਾਨ ਅਜੇ ਤੱਕ ਨਹੀਂ ਹੋਇਆ ਪਰ ਇਸ ਸੰਬੰਧੀ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚੇ ਛਿੜ ਰਹੇ ਹਨ। ਬਿੱਗ ਬਾਸ ਦੇ ਪਹਿਲੇ ਸੀਜ਼ਨਾਂ ਤੋਂ ਹੱਟ ਕੇ ਇਸ ਦਾ 2025 ਵਾਲਾ ਐਡੀਸ਼ਨ ਕਾਫੀ ਲੰਮਾ ਚੱਲਣ ਦੀ ਉਮੀਦ ਹੈ। ਨਤੀਜੇ ਵਜੋਂ ਇਸ ਨਾਲ ਇਕ ਨਵਾਂ ਇਤਿਹਾਸ ਬਣਨ ਦੀਆਂ ਸੰਭਾਵਨਾਵਾਂ ਪਹਿਲਾਂ ਨਾਲੋਂ ਵਧੇਰੇ ਹਨ।
ਬਿੱਗ ਬਾਸ 19 ਦੇ ਨਿਰਮਾਤਾ ਇਸ ਨੂੰ ਕੁਝ ਨਵੇਂ ਅੰਦਾਜ਼ 'ਚ ਪੇਸ਼ ਕਰਨ ਦੀ ਯੋਜਨਾ ਘੜ ਰਹੇ ਹਨ ਅਤੇ ਇਸ ਦੀ ਕਾਸਟਿੰਗ ਬਾਰੇ ਵੀ ਕਈ ਤਰ੍ਰਾਂ ਦੀਆਂ ਖਬਰਾਂ ਹਲਚਲ ਪੈਦਾ ਕਰ ਰਹੀਆਂ ਹਨ। ਇਸ ਸ਼ੋਅ ਨਾਲ ਕਈ ਵੱਡੇ ਅਤੇ ਚਰਚਿਤ ਨਾਂਅ ਜੁੜ ਰਹੇ ਹਨ। ਇਨ੍ਹਾਂ 'ਚ ਪ੍ਰਸਿੱਧ ਯੂ ਟਿਊਬਰ ਅਤੇ ਫਿਟਨੈਸ ਖੇਤਰ ਦੇ ਜਾਣੇ ਪਛਾਣੇ ਨਾਅ ਗੌਰਵ ਤਨੇਜਾ ਦੇ ਨਾਲ-ਨਾਲ ਬਾਲੀਵੁੱਡ ਨਿਰਮਾਤਾ ਅਤੇ ਕਾਰੋਬਾਰੀ ਰਾਜ ਕੁੰਦਰਾ (ਸ਼ਿਲਪਾ ਸ਼ੈਟੀ ਦਾ ਪਤੀ) ਸੋਸ਼ਲ ਮੀਡੀਆ ਸਟਾਰ ਫੈਜ਼ਲ ਸ਼ੇਖ ਬਾਲੀਵੁੱਡ ਅਦਾਕਾਰਾ ਕ੍ਰਿਸ਼ਨਾ ਸ਼ਰਾਫ (ਜੈਕੀ ਸ਼ਰਾਫ ਦੀ ਧੀ) ਅਤੇ ਕਈ ਹੋਰ ਚਰਚਿਤ ਨਾਂਅ ਵੀ ਸ਼ਾਮਲ ਹਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਬਿਗ ਬਾਸ 19 ਇਸ ਸਾਲ ਜੁਲਾਈ ਤੋਂ ਲੈ ਕੇ ਜਨਵਰੀ 2026 ਤੱਕ ਪ੍ਰਸਾਰਿਤ ਹੋਵੇਗਾ। ਜੋ ਸ਼ਾਇਦ ਹੁਣ ਤੱਕ ਦਾ ਸਭ ਤੋਂ ਲੰਬਾ ਸੀਜ਼ਨ ਹੋ ਸਕਦਾ ਹੈ। ਇਸ ਦਾ ਨਿਰਮਾਣ ਐਂਡੇਮੋਲ ਸ਼ਾਈਨ ਇੰਡੀਆ ਵਲੋਂ ਕੀਤਾ ਜਾ ਰਿਹਾ ਹੈ। ਸਲਮਾਨ ਖਾਨ ਇਕ ਮੇਜ਼ਬਾਨ ਵਜੋਂ ਇਸ ਚ ਸਾਹਮਣੇ ਆਉਣਗੇ।
