ਵਿੱਕੀ ਕੈਟਰੀਨਾ ਵੱਲੋਂ ਗੁੱਡ ਨਿਊਜ਼?, ਫੈਨਜ਼ ਹੋ ਰਹੇ ਖੁਸ਼

ਬਾਲੀਵੁੱਡ ਦੀ ਸਭ ਤੋਂ ਪਸੰਦੀਦਾ ਜੋੜੀ ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਇਨ੍ਹੀਂ ਦਿਨੀਂ ਲੰਡਨ ’ਚ ਛੁੱਟੀਆਂ ਮਨਾ ਰਹੇ ਹਨ। ਹਾਲ ਹੀ ’ਚ ਉਹ ਵਿੱਕੀ ਕੌਸ਼ਲ ਦੇ ਜਨਮਦਿਨ ’ਤੇ ਲੰਡਨ ਗਏ ਸਨ ਅਤੇ ਹੁਣ ਉਹ ਆਪਣਾ ਵਿਹਲਾ ਸਮਾਂ ਬਿਤਾਉਂਦੇ ਨਜ਼ਰ ਆਏ। ਵਾਇਰਲ ਹੋ ਰਹੀ ਇੱਕ ਵੀਡੀਓ ਵਿੱਚ ਦੋਵੇਂ ਹੱਥ ਫੜੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਸਭ ਦਾ ਧਿਆਨ ਕੈਟਰੀਨਾ ਕੈਫ ਵੱਲ ਖਿੱਚਿਆ ਗਿਆ, ਜੋ ਵੀਡੀਓ ’ਚ ਗਰਭਵਤੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ਦੇ ਸਾਹਮਣੇ ਆਉਣ ਤੋਂ ਬਾਅਦ ਇੰਟਰਨੈੱਟ ’ਤੇ ਹਲਚਲ ਮਚ ਗਈ ਹੈ।

ਵੀਡੀਓ ਨੂੰ ਕਾਫੀ ਦੂਰੀ ਤੋਂ ਸ਼ੂਟ ਕੀਤਾ ਗਿਆ ਹੈ ਪਰ ਇਸ ’ਚ ਸਾਫ ਨਜ਼ਰ ਆ ਰਿਹਾ ਹੈ ਕਿ ਕੈਟਰੀਨਾ ਨੇ ਓਵਰਕੋਟ ਪਾਇਆ ਹੋਇਆ ਹੈ ਅਤੇ ਉਹ ਆਪਣੇ ਬੇਬੀ ਬੰਪ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇੱਕ ਪਿਆਰ ਕਰਨ ਵਾਲੇ ਪਤੀ ਦੀ ਤਰ੍ਹਾਂ ਵਿੱਕੀ ਕੈਟਰੀਨਾ ਦਾ ਹੱਥ ਫੜ ਕੇ, ਉਸ ਦਾ ਸਮਰਥਨ ਕਰਦੇ ਅਤੇ ਉਸ ਦੀ ਰੱਖਿਆ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੇ ਉਨ੍ਹਾਂ ਅਟਕਲਾਂ ਨੂੰ ਹਵਾ ਦਿੱਤੀ ਹੈ ਜਿਸ ਵਿੱਚ ਲੋਕ ਕੈਟਰੀਨਾ ਦੇ ਗਰਭਵਤੀ ਹੋਣ ਦੀ ਗੱਲ ਕਰ ਰਹੇ ਸਨ। ਵਿੱਕੀ ਕੈਟਰੀਨਾ ਦਾ ਇਹ ਵੀਡੀਓ ਵਾਇਰਲ ਹੋ ਰਿਹਾ ਹੈ ਅਤੇ ਲੋਕ ਕੈਟਰੀਨਾ ਦੀ ਪ੍ਰੈਗਨੈਂਸੀ ਨੂੰ ਲੈ ਕੇ ਲਗਾਤਾਰ ਚਰਚਾ ਕਰ ਰਹੇ ਹਨ।

ਦੱਸ ਦੇਈਏ ਕਿ ਪੇਸ਼ੇਵਰ ਮੋਰਚੇ ’ਤੇ, ਵਿੱਕੀ ਕੌਸ਼ਲ ਐਮੀ ਵਿਰਕ ਦੇ ਨਾਲ ਬਾਲੀਵੁੱਡ ਪ੍ਰੋਜੈਕਟ ‘ਬੈਡ ਨਿਊਜ਼’ ਵਿੱਚ ਦਿਖਾਈ ਦੇਣ ਲਈ ਤਿਆਰ ਹੈ।