9C Vancouver 9C VancouverJun 24, 2025 4:20 PM - Connect Newsroom
ਪੰਜਾਬੀ ਸਿਨੇਮਾ ਦੀ ਚਰਚਿਤ ਅਭਿਨੇਤਰੀ ਨੀਰੂ ਬਾਜਵਾ ਬਾਲੀਵੁੱਡ 'ਚ ਸ਼ਾਨਦਾਰ ਵਾਪਸੀ ਕਰ ਰਹੀ ਹੈ। ਇਸ ਵਾਰ ਉਹ ਅਜੈ ਦੇਵਗਨ ਨਾਲ 'ਸਨ ਆਫ ਸਰਦਾਰ 2' ਦੇ ਬ੍ਰਮੰਡ 'ਚ ਕਦਮ ਰੱਖ ਰਹੀ ਹੈ। 'ਜੱਟ ਐਂਡ ਜੂਲੀਅਟ', 'ਸਰਦਾਰ ਜੀ' ਅਤੇ 'ਲੋਂਗ ਲਾਚੀ' ਵਰਗੀਆਂ ਹਿੱਟ ਫਿਲਮਾਂ ਨਾਲ ਪਾਲੀਵੁੱਡ ਉੱਤੇ ਪ੍ਰਭਾਵਸ਼ਾਲੀ ਛੱਡਣ ਤੋਂ ਬਾਅਦ ਨੀਰੂ ਹੁਣ 2012 ਦੀ 'ਸਨ ਆਫ ਸਰਦਾਰ' ਦੇ ਸੀਕਵਲ 'ਚ ਹਿੰਦੀ ਸਿਨੇਮਾ 'ਚ ਪਰਦੇ 'ਤੇ ਉਤਰ ਰਹੀ ਹੈ।
ਉਹ ਫਿਲਮ 'ਚ ਅਜੈ ਦੇਵਗਨ ਦੀ ਆਨ ਸ੍ਰਕੀਨ ਪਤਨੀ ਦਾ ਕਿਰਦਾਰ ਨਿਭਾਵੇਗੀ ਅਤੇ ਉਨ੍ਹਾਂ ਦੀ ਪਹਿਲੀ ਸਾਂਝੀ ਪੇਸ਼ਕਾਰੀ ਹੋਵੇਗੀ। ਨੀਰੂ ਬਾਜਵਾ ਪੰਜਾਬੀ ਸਿਨੇਮਾ ਵਿੱਚ ਚਰਚਿਤ ਹੋਣ ਤੋਂ ਪਹਿਲਾਂ ਬਾਲੀਵੁੱਡ ਦੀਆਂ 'ਮੈਂ 16 ਬਰਸ ਕੀ' ਅਤੇ 'ਪ੍ਰਿੰਸ' ਵਰਗੀਆਂ ਫਿਲਮਾਂ 'ਚ ਐਂਟਰੀ ਕਰ ਚੁੱਕੀ ਹੈ।
ਹੁਣ ਲਗਭਗ ਇੱਕ ਦਹਾਕੇ ਬਾਅਦ ਫਿਰ ਆਪਣੀ ਅਦਾਕਾਰੀ ਦਾ ਕਮਾਲ ਦਿਖਾਉਣ ਲਈ ਤਿਆਰ ਹੈ। ਅਜੈ ਦੇਵਗਨ ਨਾਲ ਉਸ ਦੀ ਜੋੜੀ ਨੂੰ ਲੈ ਕੇ ਦਰਸ਼ਕਾਂ ਦੀਆਂ ਉਮੀਦਾਂ ਸਿਖਰ 'ਤੇ ਚੜੀਆਂ ਹਨ। ਇਹ ਉਸ ਦੀ ਜ਼ੋਰਦਾਰ ਵਾਪਸੀ ਹੋ ਸਕਦੀ ਹੈ।
