‘ਮਰਡਰ ਮੁਬਾਰਕ’, ਇਸ ਦਿਨ ਨੈੱਟਫਲਿਕਸ ‘ਤੇ ਰਿਲੀਜ਼ ਹੋਵੇਗੀ ਫਿਲਮ

ਨੈੱਟਫਲਿਕਸ ਨੇ ਆਪਣੀ ਅਗਲੀ ਫਿਲਮ ਮਰਡਰ ਮੁਬਾਰਕ ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰ ਦਿੱਤਾ ਹੈ। ਹੋਮੀ ਅਦਜਾਨੀਆ ਦੁਆਰਾ ਨਿਰਦੇਸ਼ਤ, ਇਹ ਮਲਟੀ-ਸਟਾਰਰ ਫਿਲਮ ਮੈਡੋਕ ਫਿਲਮਜ਼ ਦੁਆਰਾ ਨਿਰਮਿਤ ਹੈ।

ਮਰਡਰ ਮੁਬਾਰਕ ਅਨੁਜਾ ਚੌਹਾਨ ਦੀ ਕਿਤਾਬ ਕਲੱਬ ਯੂ ਟੂ ਡੈਥ ਦਾ ਸਕ੍ਰੀਨ ਰੂਪਾਂਤਰ ਹੈ। ਇਹ ਫਿਲਮ 15 ਮਾਰਚ ਨੂੰ ਨੈੱਟਫਲਿਕਸ ’ਤੇ ਰਿਲੀਜ਼ ਹੋਵੇਗੀ।

ਕਾਮੇਡੀ ਮਰਡਰ ਮੁਬਾਰਕ ’ਚ ਪੰਕਜ ਤ੍ਰਿਪਾਠੀ, ਸਾਰਾ ਅਲੀ ਖਾਨ, ਵਿਜੇ ਵਰਮਾ, ਡਿੰਪਲ ਕਪਾਡੀਆ, ਕਰਿਸ਼ਮਾ ਕਪੂਰ, ਸੰਜੇ ਕਪੂਰ, ਟਿਸਕਾ ਚੋਪੜਾ ਅਤੇ ਸੁਹੇਲ ਨਈਅਰ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਜਿਵੇਂ ਹੀ ਭੇਦ ਅਤੇ ਝੂਠ ਸਤ੍ਹਾ ’ਤੇ ਆਉਂਦੇ ਹਨ, ਕਈ ਸ਼ੱਕੀ ਵਿਅਕਤੀ ਪ੍ਰਗਟ ਹੁੰਦੇ ਹਨ ਅਤੇ ਸਟਾਰ ਕਾਸਟ ਦਾ ਖੁਲਾਸਾ ਹੁੰਦਾ ਹੈ।

ਫਿਲਮ ’ਚ ਪੰਕਜ ਪੁਲਸ ਜਾਸੂਸ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਹਾਲਾਂਕਿ, ਉਹ ਥੋੜ੍ਹਾ ਵੱਖਰਾ ਸੁਭਾਅ ਵਾਲਾ ਪੁਲਿਸ ਅਫਸਰ ਹੈ।

ਕਹਾਣੀ ਵਿੱਚ ਇਕ ਕਤਲ ਦੇ ਸੱਤ ਸ਼ੱਕੀ ਹਨ ਅਤੇ ਸਾਰੇ ਪਾਤਰਾਂ ਦੀ ਰੂਪਰੇਖਾ ਇਸ ਤਰ੍ਹਾਂ ਉਲੀਕੀ ਗਈ ਹੈ ਕਿ ਉਹ ਕਹਾਣੀ ਦੇ ਸਸਪੈਂਸ ਨੂੰ ਵਧਾ ਦਿੰਦੇ ਹਨ। ਫਿਲਮ ਦੀ ਕਹਾਣੀ, ਸਕ੍ਰੀਨਪਲੇਅ ਅਤੇ ਡਾਇਲਾਗ ਸੁਪ੍ਰੋਤਿਮ ਸੇਨਗੁਪਤਾ ਅਤੇ ਗ਼ਜ਼ਲ ਧਾਲੀਵਾਲ ਦੇ ਹਨ।