12.6C Vancouver 12.6C VancouverMar 28, 2024 1:24 PM - Connect Newsroom
ਨਿਰਦੇਸ਼ਕ ਨਿਤੇਸ਼ ਤਿਵਾਰੀ ਦੀ 'ਰਾਮਾਇਣ' ਨਾਲ ਜੁੜੀ ਨਵੀਂ ਅਪਡੇਟ ਸਾਹਮਣੇ ਆਈ ਹੈ। ਫਿਲਮੀ ਬੀਟ ਦੀ ਰਿਪੋਰਟ ਮੁਤਾਬਕ ਹੁਣ 'ਦੰਗਲ' ਫੇਮ ਅਦਾਕਾਰਾ ਸਾਕਸ਼ੀ ਤੰਵਰ ਨੇ ਇਸ ਫਿਲਮ 'ਚ ਐਂਟਰੀ ਕੀਤੀ ਹੈ।
ਸੁਣਨ 'ਚ ਆਇਆ ਹੈ ਕਿ ਫਿਲਮ 'ਚ ਰਾਵਣ ਦੀ ਪਤਨੀ ਮੰਦੋਦਰੀ ਦਾ ਕਿਰਦਾਰ ਨਿਭਾਉਣ ਲਈ ਮੇਕਰਸ ਨੇ ਸਾਕਸ਼ੀ ਨੂੰ ਕਾਸਟ ਕੀਤਾ ਹੈ। ਹਾਲਾਂਕਿ ਇਸ ਬਾਰੇ ਮੇਕਰਸ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।
ਫਿਲਮ ਨਾਲ ਜੁੜੇ ਇਕ ਸੂਤਰ ਮੁਤਾਬਕ ਸਾਕਸ਼ੀ ਇਨ੍ਹੀਂ ਦਿਨੀਂ ਫਿਲਮ ਦੀ ਟੀਮ ਨਾਲ ਸਕ੍ਰਿਪਟ ਰੀਡਿੰਗ ਸੈਸ਼ਨਾਂ 'ਚ ਹਿੱਸਾ ਲੈ ਰਹੀ ਹੈ। ਫਿਲਮ 'ਚ ਉਹ ਦੱਖਣ ਦੇ ਸੁਪਰਸਟਾਰ ਯਸ਼ ਦੇ ਨਾਲ ਨਜ਼ਰ ਆਵੇਗੀ, ਜੋ 'ਰਾਮਾਇਣ' 'ਚ ਰਾਵਣ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਇਸ ਰੀਡਿੰਗ ਸੈਸ਼ਨ 'ਚ ਨਾ ਸਿਰਫ ਸਾਕਸ਼ੀ ਸਗੋਂ ਲਾਰਾ ਦੱਤਾ ਅਤੇ ਰਕੁਲ ਪ੍ਰੀਤ ਸਿੰਘ ਵੀ ਸ਼ਾਮਲ ਹੋਏ।
ਹਾਲ ਹੀ 'ਚ ਅਦਾਕਾਰਾ ਇੰਦਰਾ ਕ੍ਰਿਸ਼ਨਾ ਨੇ ਰਣਬੀਰ ਕਪੂਰ ਨਾਲ ਸੈਲਫੀ ਸ਼ੇਅਰ ਕੀਤੀ ਹੈ। ਉਦੋਂ ਤੋਂ ਇਹ ਵੀ ਚਰਚਾ ਹੋ ਰਹੀ ਹੈ ਕਿ ਇੰਦਰਾ ਇਸ ਫਿਲਮ 'ਚ ਭਗਵਾਨ ਰਾਮ ਦੀ ਮਾਂ ਮਹਾਰਾਣੀ ਕੌਸ਼ੱਲਿਆ ਦਾ ਕਿਰਦਾਰ ਨਿਭਾਏਗੀ।
ਚਰਚਾ ਹੈ ਕਿ ਨਿਤੀਸ਼ ਅਪ੍ਰੈਲ 2024 ਤੱਕ ਰਣਬੀਰ ਅਤੇ ਸਾਈਂ ਨਾਲ ਇਸ ਫਿਲਮ ਦੇ ਪਹਿਲੇ ਭਾਗ ਦੀ ਸ਼ੂਟਿੰਗ ਸ਼ੁਰੂ ਕਰ ਦੇਣਗੇ। ਫਿਲਮ ਵਿੱਚ ਰਾਵਣ ਦੀ ਭੂਮਿਕਾ ਨਿਭਾਉਣ ਵਾਲੇ ਯਸ਼ ਜੁਲਾਈ 2024 ਵਿੱਚ ਇਸ ਦੀ ਸ਼ੂਟਿੰਗ ਵਿੱਚ ਸ਼ਾਮਲ ਹੋਣਗੇ। ਨਿਰਮਾਤਾ ਇਸ ਦੇ ਪਹਿਲੇ ਭਾਗ ਨੂੰ ਸਾਲ 2025 ਦੇ ਦੂਜੇ ਅੱਧ ਤੱਕ ਰਿਲੀਜ਼ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।
