ਨੋਰਾ ਫਤੇਹੀ ਨੇ ਸਟੇਜ ਤੇ ਕਰਨ ਔਜਲਾ ਨੂੰ ਕੀਤਾ ਜੁਆਇੰਨ

ਪੰਜਾਬੀ ਗਾਇਕ ਕਰਨ ਔਜਲਾ ਇਸ ਸਮੇਂ ਆਪਣੇ ਇੰਡੀਆ ਟੂਰ ਨੂੰ ਲੈ ਕੇ ਲਗਾਤਾਰ ਸੁਰਖ਼ੀਆਂ ਬਟੋਰ ਰਹੇ ਹਨ, ਬੀਤੀ 17 ਦਸੰਬਰ ਨੂੰ 'ਤੌਬਾ ਤੌਬਾ' ਗਾਇਕ ਨੇ ਦਿੱਲੀ ਵਿੱਚ ਆਪਣਾ ਸ਼ੋਅ ਕੀਤਾ, ਇਸ ਸ਼ੋਅ ਵਿੱਚ ਉਸ ਸਮੇਂ ਊਰਜਾ ਦੋਗੁਣੀ ਹੋ ਗਈ ਜਦੋਂ ਸਟੇਜ ਉਤੇ ਬਾਲੀਵੁੱਡ ਸੁੰਦਰੀ ਨੋਰਾ ਫਤੇਹੀ ਨੇ ਐਂਟਰੀ ਕੀਤੀ। ਹਾਲ ਹੀ ਵਿੱਚ ਅਦਾਕਾਰਾ ਨੇ ਗਾਇਕ ਦੇ ਨਵੇਂ ਗੀਤ ਵਿੱਚ ਬਤੌਰ ਮਾਡਲ ਵੀ ਭੂਮਿਕਾ ਨਿਭਾਈ ਹੈ।

ਹੁਣ ਨੋਰਾ ਦੇ ਇਸ ਸ਼ੋਅ ਦੀਆਂ ਵੀਡੀਓਜ਼ ਲਗਾਤਾਰ ਇੰਸਟਾਗ੍ਰਾਮ ਉਤੇ ਵਾਇਰਲ ਹੋ ਰਹੀਆਂ ਹਨ, ਅਜਿਹੇ ਵਿੱਚ ਹੀ ਇੱਕ ਅਜਿਹੀ ਵੀਡੀਓ ਵਾਇਰਲ ਹੋ ਰਹੀ ਹੈ,ਪ੍ਰਦਰਸ਼ਨ ਦੀ ਇੱਕ ਵੀਡੀਓ ਪੋਸਟ ਸਾਂਝੀ ਕਰਦੇ ਹੋਏ, ਉਸ ਨੇ ਆਪਣਾ ਧੰਨਵਾਦ ਪ੍ਰਗਟ ਕਰਦੇ ਹੋਏ ਲਿਖਿਆ, "ਦਿੱਲੀ ਵਿੱਚ ਮੇਰੇ ਨਾਲ ਆਪਣਾ ਮੰਚ ਸਾਂਝਾ ਕਰਨ ਲਈ @karanaujla ਦਾ ਧੰਨਵਾਦ!

ਇਸ ਦੌਰਾਨ ਜੇਕਰ ਕਰਨ ਔਜਲਾ ਬਾਰੇ ਗੱਲ ਕਰੀਏ ਤਾਂ 7 ਦਸੰਬਰ ਨੂੰ ਚੰਡੀਗੜ੍ਹ ਤੋਂ ਗਾਇਕ ਨੇ ਆਪਣਾ ਇੰਡੀਆ ਟੂਰ ਸ਼ੁਰੂ ਕੀਤਾ ਸੀ, ਹੁਣ ਅੱਜ 19 ਦਸੰਬਰ ਨੂੰ ਵੀ ਗਾਇਕ ਦਿੱਲੀ ਵਿੱਚ ਕੰਸਰਟ ਕਰਨ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਗਾਇਕ ਦੇਸ਼ ਦੇ ਹੋਰ ਵੀ ਕਈ ਸ਼ਹਿਰਾਂ ਵਿੱਚ ਸਭ ਦਾ ਮੰਨੋਰੰਜਨ ਕਰਦੇ ਨਜ਼ਰੀ ਪੈਣਗੇ।