ਸੋਸ਼ਲ ਮੀਡੀਆ ਸਟਾਰ ਓਰੀ ਬਾਰੇ ਛਿੜੇ ਨਵੇਂ ਚਰਚੇ

ਸੋਸ਼ਲ ਮੀਡੀਆ ਸਟਾਰ ਓਰੀ ਇਕ ਵਾਰ ਫਿਰ ਨਵੇਂ ਚਰਚਿਆਂ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਉਹ ਜੋ ਕੁਝ ਵੀ ਕਰਦਾ ਹੈ ਉਸ ਬਾਰੇ ਸੁਰਖੀਆਂ ਬਣ ਜਾਂਦੀਆਂ ਹਨ। ਭਾਵੇਂ ਇਹ ਉਸ ਦੇ ਚਿੱਤਰਾਂ ਬਾਰੇ ਹੋਣ ਜਾਂ ਉਸ ਦੇ ਫੋਨ ਦੇ ਕਵਰ ਨਾਲ ਸੰਬੰਧਿਤ। ਹਾਲ ਹੀ ’ਚ ਇਕ ਪੋਡ ਕਾਸਟ ਦੌਰਾਨ ਕਾਮੇਡੀ ਅਦਾਕਾਰਾ ਭਾਰਤੀ ਸਿੰਘ ਉਸ ਨੂੰ ਪੁੱਛ ਬੈਠੀ ਕਿ ਉਹ ਲਾਲ ਚਾਵਲ ਖਾਣੇ ਪਸੰਦ ਕਰੇਗਾ।

ਓਰੀ ਦਾ ਹੁੰਗਾਰਾ ਅਜੀਬੋ-ਗਰੀਬ ਸੀ, ਜਿਵੇਂ ਕਿ ਉਹ ਜਾਣਦਾ ਹੀ ਨਹੀਂ ਸੀ ਕਿ ਲਾਲ ਜਾਂ ਗੁਲਾਬੀ ਚੋਲ ਕਿਹੜੇ ਹੁੰਦੇ ਹਨ। ਉਹ ਮੁਸਕੁਰਾਉਂਦਾ ਹੋਇਆ ਕਹਿੰਦਾ ਹੈ ਕਿ ਉਹ ਤਾਂ ਬੱਸ ਦਾਲ ਚਾਵਲ ਨਾਲ ਪਿਆਰ ਕਰਦਾ ਹੈ ਅਤੇ ਖਾਣ ਤੋਂ ਪਹਿਲਾਂ ਉਨ੍ਹਾਂ ਨਾਲ ਖੇਡਦਾ ਵੀ ਹੈ। ਉਸ ਦੇ ਅਜਿਹੇ ਬਿਆਨ ਵੀ ਚਰਚਾ ਦਾ ਵਿਸ਼ਾ ਬਣ ਜਾਂਦੇ ਹਨ ਪਰ ਯਕੀਨਨ ਅਜਿਹਾ ਹੁੰਦਾ ਹੈ ਅਤੇ ਇਹ ਬੜਾ ਮਜ਼ਾਕੀਆ ਲੱਗਦਾ ਹੈ।