‘ਪਨਜਾਬ’ ਜਾਂ ‘ਪੰਜਾਬ’ ਕੀ ਕਿਹਾ ਦਿਲਜੀਤ ਨੇ

ਪੰਜਾਬ ਦੇ ਅਤਿਅੰਤ ਲੋਕਪਿ੍ਰਅ ਗਾਇਕ ਦਿਲਜੀਤ ਦੋਸਾਂਝ ਨੇ ਆਖਰਕਾਰ ਆਪਣੇ ਇਕ ਟਵੀਟ ਨਾਲ ਪੈਦਾ ਹੋਏ ਉਸ ਵਿਵਾਦ ਨੂੰ ਹੱਲ ਕਰ ਦਿੱਤਾ ਹੈ, ਜਿਸ ’ਚ ਉਨ੍ਹਾਂ ਨੇ ਪੰਜਾਬ ਦੀ ਬਜਾਏ ਪਨਜਾਬ ਸ਼ਬਦ ਦੀ ਵਰਤੋਂ ਕਰ ਦਿੱਤੀ ਸੀ। ਗਾਇਕ ਨੇ ਇਸ ਸੰਬੰਧ ’ਚ ਕਿਸੇ ਵੀ ਤਰ੍ਹਾਂ ਦੀ ਸਾਜ਼ਿਸ਼ ਦੀਆਂ ਸੰਭਾਵਨਾਵਾਂ ਨੂੰ ਮੁੱਢੋਂ ਰੱਦ ਕਰ ਦਿੱਤਾ ਹੈ ਅਤੇ ਨਾਲ ਹੀ ਸੋਸ਼ਲ ਮੀਡੀਆ ਦੀਆਂ ਆਲੋਚਨਾਵਾਂ ਦਾ ਵੀ ਜਵਾਬ ਦਿੱਤਾ ਹੈ। ਖਾਸ ਕਰਕੇ ਜਦੋਂਕਿ ਉਸ ਦੇ ਟਵੀਟ ’ਚ ਤਿਰੰਗੇ ਦੇ ਇਮੋਜੀ ਘਾਟ ਹੋਣ ਕਰਕੇ ਬਹੁਤ ਤਿੱਖੇ ਪ੍ਰਤੀਕਰਮ ਪੇਸ਼ ਕੀਤੇ।

ਦਿਲਜੀਤ ਦੋਸਾਂਝ ਨੇ ਇਸ ਸਾਰੀ ਚਰਚਾ ਦੇ ਜਵਾਬ ’ਚ ਪੰਜਾਬੀ ਲਿੱਪੀ ’ਚ ਪੰਜਾਬ ਸ਼ਬਦ ਲਿਖਿਆ ਅਤੇ ਕਿਹਾ ਕਿ ਇਸ ਨੂੰ ਸਾਜ਼ਿਸ਼ ਦਾ ਨਾਂਅ ਦਿੱਤਾ ਜਾ ਰਿਹਾ ਹੈ। ਤੁਸੀਂ ਭਾਵੇਂ ਇਸ ਨੂੰ ਪਨਜਾਬ ਜਾਂ ਪੰਜਾਬ ਲਿਖੋ ਉਸ ਦੇ ਅਰਥ ਇਕੋ ਹੀ ਰਹਿਣਗੇ। ਇਹ ਵਿਵਾਦ ਉਦੋਂ ਛਿੜਿਆ ਸੀ ਜਦੋਂ ਦਿਲਜੀਤ ਨੇ ਚੰਡੀਗੜ੍ਹ ’ਚ ਆਯੋਜਿਤ ਕੀਤੇ ਜਾਣ ਵਾਲੇ ਸ਼ੋਅ ਸੰਬੰਧੀ ਇਸ ਖ਼ੇਤਰ ਨੂੰ ‘ਪਨਜਾਬ’ ਵਜੋਂ ਬਿਆਨਿਆ ਸੀ। ਜਿਸ ਨੂੰ ਕਿ ਕੁਝ ਲੋਕਾਂ ਵਲੋਂ ਪਾਕਿਸਤਾਨੀ ਪੰਜਾਬ ਦੇ ਨਾਲ ਜੋੜਨ ਦੀ ਕੋਸ਼ਿਸ਼ ਕੀਤੀ ਗਈ।

ਆਲੋਚਕਾਂ ਵਲੋਂ ਇਹ ਵੀ ਕਿਹਾ ਗਿਆ ਟਵੀਟ ਦੇ ਨਾਲ ਤਿਰੰਗੇ ਦੀ ਇਮੋਜੀ ਨਾ ਹੋਣ ਕਾਰਨ ਵੀ ਕਈ ਤਰ੍ਹਾਂ ਦੇ ਸਵਾਲ ਖੜ੍ਹੇ ਹੁੰਦੇ ਹਨ। ਦਿਲਜੀਤ ਨੇ ਉਨ੍ਹਾਂ ਲੋਕਾਂ ਦੀ ਭਰਪੂਰ ਆਲੋਚਨਾ ਕੀਤੀ, ਜਿਹੜੇ ਉਸ ਦੇ ਇਰਾਦਿਆਂ ’ਤੇ ਸਵਾਲ ਉਠਾਉਂਦੇ ਹਨ ਅਤੇ ਕਿਹਾ ਕਿ ਪੰਜਾਬ ਤਾਂ ਇਤਿਹਾਸਕ ਸ਼ਬਦ ਪੰਜ+ਆਬ ਤੋਂ ਲਿਆ ਗਿਆ ਹੈ ਜਿਸ ਦਾ ਅਰਥ ਹੈ ਪਾਣੀ ਜਾਂ ਪੰਜ ਦਰਿਆਵਾਂ ਦੀ ਧਰਤੀ। ਉਸ ਨੇ ਕਿਹਾ ਕਿ ਅੰਗਰੇਜ਼ੀ ਭਾਸ਼ਾ ਦੇ ਅੱਖਰਾਂ ਵੱਲ ਧਿਆਨ ਨਹੀਂ ਦਿੱਤਾ ਜਾਣਾ ਚਾਹੀਦਾ। ਉਸ ਨੇ ਕਿਹਾ ਕਿ ਭਵਿੱਖ ’ਚ ਮੈਂ ਸਿਰਫ ਪੰਜਾਬੀ ’ਚ ਹੀ ਲਿਖਾਂਗਾ। ‘ਪੰਜਾਬ’

ਇਸ ਘਟਨਾ ਚੱਕਰ ਨੇ ਉਦੋਂ ਇਕ ਹੋਰ ਮੋੜ ਲੈ ਲਿਆ ਜਦੋਂ ਗਾਇਕ ਗੁਰੂ ਰੰਧਾਵਾ ਨੇ ਇਕ ਸੰਦੇਸ਼ ’ਚ ਤਿਰੰਗੇ ਦੀ ਇਮੋਜੀ ਜੋੜਦੇ ਹੋਏ ਪੰਜਾਬ ਲਿਖਿਆ। ਤਾਂ ਇਸ ਤਰ੍ਹਾਂ ਦੇ ਅੰਦਾਜ਼ੇ ਵੀ ਲਗਾਏ ਜਾਣ ਲੱਗੇ ਸਨ ਕਿ ਗੁਰੂ ਰੰਧਾਵਾ ਨੇ ਦਿਲਜੀਤ ’ਤੇ ਨਿਸ਼ਾਨਾ ਲਾਇਆ ਸੀ ਪਰ ਇਹ ਸਪੱਸ਼ਟ ਨਹੀਂ ਕੀਤਾ ਕਿ ਉਸ ਦੀ ਪੋਸਟ ਦੀ ਮਕਸਦ ਸੀ।