16.4C Vancouver 16.4C VancouverJul 10, 2025 5:17 PM - Connect Newsroom
ਭਾਰਤੀ ਡਿਜੀਟਲ ਸਿਰਜਣਹਾਰ ਅਤੇ ਅਦਾਕਾਰਾ ਪ੍ਰਾਜਕਤਾ ਕੋਲੀ ਨੇ ਟਾਈਮ ਮੈਗਜ਼ੀਨ ਦੀ ਪਹਿਲੀ ਟਾਈਮ 100 ਰਚਨਾਕਾਰ ਸੂਚੀ 'ਚ ਜਗ੍ਹਾ ਬਣਾ ਲਈ ਹੈ। ਅਜਿਹਾ ਕਾਰਨਾਮਾ ਕਰਨ ਵਾਲੀ ਉਹ ਪਹਿਲੀ ਭਾਰਤੀ ਰਚਨਾਕਾਰ ਹੈ, ਜਿਸ ਨੇ ਇਸ ਵੱਕਾਰੀ ਸੂਚੀ 'ਚ ਨਾਂਅ ਦਰਜ ਕਰਵਾ ਕੇ ਕੌਮਾਂਤਰੀ ਪੱਧਰ 'ਤੇ ਮੀਲ ਪੱਥਰ ਕਾਇਮ ਕੀਤਾ ਹੈ।
ਟਾਈਮ ਮੈਗਜ਼ੀਨ ਦੀ ਇਹ ਸੂਚੀ ਦੁਨੀਆ ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਡਿਜੀਟਲ ਰਚਨਾਕਾਰਾਂ ਦਾ ਸਨਮਾਨ ਕਰਨ ਵਾਲੀ ਹੈ। ਆਪਣੇ ਲੱਖਾਂ ਪ੍ਰਸ਼ੰਸਕਾਂ 'ਚ ਪ੍ਰਾਜਕਤਾ ਮੋਸਟਲੀਸੇਨ ਦੇ ਨਾਂ ਨਾਲ ਪਛਾਣ ਬਣਾ ਚੁੱਕੀ ਹੈ ਅਤੇ ਹੁਣ ਉਸ ਨੇ ਟਾਈਮ ਮੈਗਜ਼ੀਨ ਦੀ ਸੰਸਾਰ ਪੱਧਰੀ ਸੂਚੀ 'ਚ ਨਾਂਅ ਦਰਜ ਕਰਵਾ ਕੇ ਪਹਿਲੀ ਭਾਰਤੀ ਰਚਨਾਕਾਰ ਹੋਣ ਦਾ ਮਾਣ ਹਾਸਲ ਕਰ ਲਿਆ ਹੈ।
ਇਸ ਤਰ੍ਰਾਂ ਪ੍ਰਾਜਕਤਾ ਭਾਰਤੀ ਮੂਲ ਦੇ ਬਰਤਾਨਵੀ ਲੇਖਕ ਅਤੇ ਪਾਡਕਾਸਟ ਹੋਸਟ ਜੈ ਸ਼ੈਟੀ ,ਟੈਕ ਯੂਟਿਊਬਰ ਮਾਰਕਸ ਬ੍ਰਾਊਨਲੀ, ਅਤੇ ਟਿੱਕਟੋਕ ਸਨਸੇਸ਼ਨ ਚਾਰਲੀ ਡੀ'ਅਮੇਲੀਓ ਵਰਗੇ ਵਿਸ਼ਵ ਪੱਧਰ 'ਤੇ ਮਾਨਤਾ ਪ੍ਰਾਪਤ ਲੋਕਾਂ ਦੇ ਸ਼੍ਰੇਣੀ 'ਚ ਸ਼ਾਮਲ ਹੋ ਗਈ ਹੈ। ਪ੍ਰਾਜਕਤਾ ਦੇ ਯੂਟਿਊਬ ਤੇ 7 ਮਿਲੀਅਨ ਤੋਂ ਵਧ ਅਤੇ ਇੰਸਟਾਗ੍ਰਾਮ ਤੇ 8 ਮਿਲੀਅਨ ਤੋਂ ਵਧ ਫੋਲੋਅਰਜ਼ ਹਨ। ਪ੍ਰਾਜਕਤਾ ਦੀ ਪਰਸੰਗਕ ਖਾਸ ਭਰਪੂਰ ਅਤੇ ਸਮਾਜਿਕ ਤੌਰ 'ਤੇ ਜਾਗਰੂਕ ਕਰਨ ਵਾਲੀ ਸਮੱਗਰੀ ਬਹੁਤ ਪਸੰਦ ਕੀਤੀ ਜਾਂਦੀ ਹੈ।
