ਪ੍ਰਿਯੰਕਾ ਚੋਪੜਾ ਨੇ ਅਮਰੀਕਾ 'ਚ ਭਾਰਤੀ ਵਿਦਿਆਰਥੀ ਜਾਹਨਵੀ ਕੰਡੁਲਾ ਦੀ ਮੌਤ 'ਤੇ ਦਿੱਤਾ ਪ੍ਰਤੀਕਰਮ

America ਦੇ ਵਾਸ਼ਿੰਗਟਨ ਸੂਬੇ ਦੇ ਸਿਆਟਲ ਵਿਚ ਭਾਰਤੀ ਵਿਦਿਆਰਥਣ ਜਾਹਨਵੀ ਕੰਡੁਲਾ ਦੀ ਹੱਤਿਆ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਜੋਨਸ ਨੇ ਕਿਹਾ ਕਿ ਲਾਈਫ-ਲਾਈਫ ਹੁੰਦੀ ਹੈ, ਇਸ ਦੀ ਕੋਈ ਕੀਮਤ ਨਹੀਂ ਲਗਾ ਸਕਦਾ। 23 ਜਨਵਰੀ ਨੂੰ ਕੰਡੁਲਾ ਨੂੰ ਇੱਕ ਸਟ੍ਰੀਟ ਨੂੰ ਪਾਰ ਕਰਦੇ ਸਮੇਂ ਪੁਲਿਸ ਔਫੀਸਰ ਕੇਵਿਨ ਡੇਵ ਦੀ ਗੱਡੀ ਨੇ ਟੱਕਰ ਮਾਰ ਦਿੱਤੀ ਸੀ। ਉਹ 23 ਸਾਲ ਦੀ ਸੀ।

ਪੁਲਿਸ ਔਫੀਸਰ 119 ਕਿਲੋਮੀਟਰ ਤੋਂ ਵੱਧ ਦੀ ਰਫਤਾਰ 'ਤੇ ਸੀ।

ਇਸ ਹਾਦਸੇ ਵਿਚ ਕੰਡੁਲਾ 100 ਫੁੱਟ ਦੀ ਦੂਰੀ 'ਤੇ ਡਿੱਗੀ ਸੀ। ਇਸ ਘਟਨਾ ਦੀ ਸਾਹਮਣੇ ਆਈ ਬੌਡੀ ਕੈਮ ਫੁਟੇਜ ਵਿਚ ਇੱਕ ਹੋਰ ਔਫੀਸਰ ਵਿਦਿਆਰਥਣ ਦੀ ਮੌਤ ਦਾ ਮਜ਼ਾਕ ਉਡਾਉਂਦੇ ਹੋਏ ਦਿਸ ਰਿਹਾ ਹੈ।

ਸ਼ਨੀਵਾਰ ਰਾਤ ਇੰਸਟਾਗ੍ਰਾਮ 'ਤੇ ਪ੍ਰਿੰਯਕਾ ਨੇ ਲਿਖਿਆ- "ਇਹ ਬਹੁਤ ਡਰਾਉਣਾ ਹੈ ਕਿ 9 ਮਹੀਨੇ ਪਹਿਲਾਂ ਵਾਪਰੀ ਅਜਿਹੀ ਦੁਖਦਾਈ ਘਟਨਾ ਹੁਣ ਸਾਹਮਣੇ ਆ ਰਹੀ ਹੈ। ਜ਼ਿੰਦਗੀ ਇਕ ਜ਼ਿੰਦਗੀ ਹੁੰਦੀ ਹੈ। ਕੋਈ ਵੀ ਇਸ ਦੀ ਕੋਈ ਕੀਮਤ ਨਹੀਂ ਲਗਾ ਸਕਦਾ।"

ਵੀਡੀਓ ਵਿਚ ਔਫੀਸਰ ਡੈਨੀਅਲ ਔਡਰਰ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ, "ਹਾਂ ਬਸ ਇੱਕ ਚੈੱਕ ਲਿਖ ਦਿਓ..11,000 ਡਾਲਰ ਦਾ। ਉਹ ਵੈਸੇ ਵੀ 26 ਸਾਲ ਦੀ ਸੀ। ਉਸ ਦੀ ਇੰਨੀ ਕੁ ਹੀ ਕੀਮਤ ਸੀ।"