16.07C Vancouver 16.07C VancouverJun 17, 2025 4:31 PM - Connect Newsroom
ਪੰਜਾਬੀ ਫਿਲਮ 'ਸਰਦਾਰ ਜੀ 3' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ ਅਤੇ ਇਸ ਨੂੰ ਲੈ ਕੇ ਪ੍ਰਸ਼ੰਸਕਾਂ ਅਤੇ ਸਿਨੇਮਾ ਪ੍ਰੇਮੀਆਂ 'ਚ ਕਈ ਤਰ੍ਰਾਂ ਦੇ ਚਰਚੇ ਛਿੜੇ ਹਨ। ਦਿਲਜੀਤ ਦੋਸਾਂਝ ਦੀ ਮੁੱਖ ਭੂਮਿਕਾ ਵਾਲੀ ਇਸ ਫਿਲਮ 'ਚ ਨੀਰੂ ਬਾਜਵਾ, ਜੈਸਮੀਨ ਬਾਜਵਾ, ਗੁਲਸ਼ਨ ਗਰੋਵਰ, ਮਾਨਵ ਵਿਜ, ਸਪਨਾ ਪੱਬੀ ਆਦਿ ਅਹਿਮ ਭੂਮਿਕਾਵਾਂ ਨਿਭਾਅ ਰਹੇ ਹਨ।
ਫਿਲਮ 'ਚ ਭੂਤ ਭਜਾਉਣ ਦੇ ਕਾਰਜ ਨੂੰ ਐਕਸ਼ਨ ਅਤੇ ਕਾਮੇਡੀ ਨਾਲ ਮਿਲਾ ਕੇ ਪੇਸ਼ ਕੀਤਾ ਗਿਆ ਹੈ। ਅਮਰ ਹੁੰਦਲ ਦੇ ਨਿਰਦੇਸ਼ਨ ਵਾਲੀ ਇਹ ਫਿਲਮ 27 ਜੂਨ ਨੂੰ ਰਿਲੀਜ਼ ਹੋਵੇਗੀ। ਦਿਲਜੀਤ ਦੋਸਾਂਝ ਨੇ ਇਕ ਭੂਤ ਸ਼ਿਕਾਰੀ ਦੇ ਰੂਪ 'ਚ ਇਸ ਫਿਲਮ 'ਚ ਸਰਦਾਰ ਜੀ ਦੀ ਭੂਮਿਕਾ ਬਾਰੇ ਵਾਪਸੀ ਕੀਤੀ ਹੈ। ਜਿਸ ਨੂੰ ਬ੍ਰਿਟੇਨ 'ਚ ਇਕ ਡਰਾਉਣੀ ਆਤਮਾ ਤੋਂ ਪ੍ਰਭਾਵਿਤ ਹਵੇਲੀ ਨੂੰ ਛੁਡਾਉਣ ਲਈ ਸੱਦਿਆ ਜਾਂਦਾ ਹੈ।
ਦਿਲਜੀਤ ਦੋਸਾਂਝ ਦਾ ਵੀ ਇਸ ਫਿਲਮ ਬਾਰੇ ਕਹਿਣਾ ਹੈ ਕਿ ਸਰਦਾਰ ਜੀ ਟਾਈਟਲ ਵਾਲੀਆਂ ਫਿਲਮਾਂ ਦੀ ਲੜੀ ਡਰਾਉਣੇ ਅਤੇ ਖਾਸ ਭਰਪੂਰ ਅੰਦਾਜ਼ ਦੀ ਪੇਸ਼ਕਾਰੀ ਲਈ ਵਿਸ਼ੇਸ਼ ਸਥਾਨ ਰੱਖਦੀ ਹੈ। ਫਿਲਮ ਦਾ ਨਿਰਦੇਸ਼ਨ ਰੋਹਿਤ ਜੁਗਰਾਜ ਨੇ ਕੀਤਾ ਹੈ।
