11.74C Vancouver 11.74C VancouverNov 2, 2022 2:06 PM - Agencies
ਇੰਡੋ-ਕੈਨੇਡੀਅਨ ਗਾਇਕ ਅਤੇ ਰੈਪਰ ਏ. ਪੀ. ਢਿੱਲੋਂ (ਅਮ੍ਰਿਤਪਾਲ ਸਿੰਘ ਢਿੱਲੋਂ) ਅਮਰੀਕਾ ਟੂਰ ਦੌਰਾਨ ਇੰਜਰੀ ਕਾਰਨ ਹਸਪਤਾਲ ਵਿਚ ਭਰਤੀ ਹਨ।
ਦੱਸ ਦਈਏ ਕਿ 'ਬ੍ਰਾਊਨ ਮੁੰਡੇ', 'ਡਿਜ਼ਾਇਰ' ਅਤੇ 'ਸਮਰ ਹਾਈ' ਵਰਗੇ ਹਿੱਟ ਗੀਤ ਗਾਉਣ ਵਾਲੇ ਪੰਜਾਬੀ ਗਾਇਕ ਏ. ਪੀ. ਢਿੱਲੋਂ 8 ਅਕਤੂਬਰ ਤੋਂ ਉੱਤਰੀ ਅਮਰੀਕਾ ਲਈ ਟੂਰ 'ਤੇ ਸਨ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦਾ ਇਹ ਟੂਰ 4 ਨਵੰਬਰ ਨੂੰ ਖਤਮ ਹੋਣਾ ਸੀ।
ਉਹ ਅਮਰੀਕਾ ਦੇ ਲਾਸ ਏਜੰਲਸ ਅਤੇ ਸਾਨ ਫਰਾਂਸਿਸਕੋ ਵਿਚ ਕੰਸਰਟ ਕਰਨ ਲਈ ਪੁੱਜੇ ਸਨ ਪਰ ਇੰਜਰੀ ਕਾਰਨ ਉਨ੍ਹਾਂ ਨੂੰ ਇਹ ਪ੍ਰੋਗਰਾਮ ਰੱਦ ਕਰਨਾ ਪਿਆ। ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਹਸਪਤਾਲ ਵਿਚ ਭਰਤੀ ਹੋਣ ਮਗਰੋਂ ਦੀ ਤਸਵੀਰ ਸਾਂਝੀ ਕੀਤੀ ਤੇ ਆਪਣੇ ਫੈਨਜ਼ ਕੋਲੋਂ ਮੁਆਫੀ ਮੰਗੀ। ਉਨ੍ਹਾਂ ਕਿਹਾ ਕਿ ਉਹ ਠੀਕ ਹਨ ਪਰ ਕੰਸਰਟ ਵਿਚ ਨਹੀਂ ਜਾ ਸਕਦੇ।
ਇਸ ਦੇ ਬਾਅਦ ਉਨ੍ਹਾਂ ਇਕ ਵੀਡੀਓ ਸਾਂਝੀ ਕਰਦਿਆਂ ਦੱਸਿਆ ਕਿ 1 ਅਤੇ 2 ਨਵੰਬਰ ਨੂੰ ਹੋਣ ਵਾਲੇ ਕੰਸਰਟ ਹੁਣ ਉਹ 13 ਅਤੇ 14 ਦਸੰਬਰ ਨੂੰ ਕਰਨਗੇ। ਇਸ ਦੇ ਇਲਾਵਾ ਲਾਸ ਏਂਜਲਸ ਵਿਚ ਜਿਹੜਾ ਕੰਸਰਟ 4 ਨਵੰਬਰ ਨੂੰ ਹੋਣਾ ਸੀ ਹੁਣ ਉਹ 11 ਦਸੰਬਰ ਨੂੰ ਹੋਵੇਗਾ।
