20.22C Vancouver 20.22C VancouverSep 12, 2022 12:01 PM - Agencies
ਪੰਜਾਬੀ ਗਾਇਕ ਗੁਰਦਾਸ ਮਾਨ ਨੇ ਹਾਲ ਹੀ ਵਿਚ ਨਵਾਂ ਪੰਜਾਬੀ ਗਾਣਾ ਰਿਲੀਜ਼ ਕੀਤਾ ਹੈ।
ਇੱਕ ਰਾਸ਼ਟਰ ਇੱਕ ਭਾਸ਼ਾ ਮੁੱਦੇ ਮਗਰੋਂ ਵਿਵਾਦਾਂ ਵਿਚ ਘਿਰੇ ਪੰਜਾਬੀ ਗੁਰਦਾਸ ਮਾਨ ਨੇ ਗੱਲ ਸੁਣੋ ਪੰਜਾਬੀ ਦੋਸਤੋ ਵਿਚ ਘਟਨਾ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
ਲਗਭਗ 8 ਮਿੰਟ ਦੇ ਇਸ ਗਾਣੇ ਵਿਚ ਗੁਰਦਾਸ ਮਾਨ ਆਪਣੇ ਆਲੋਚਕਾਂ ਨੂੰ ਸੰਬੋਧਨ ਕਰਦੇ ਤੇ ਆਪਣੇ ਸਮਰਥਕਾਂ ਦਾ ਧੰਨਵਾਦ ਕਰਦੇ ਦੇਖੇ ਜਾ ਸਕਦੇ ਹਨ। ਇਸ ਗਾਣੇ ਰਾਹੀਂ ਉਨ੍ਹਾਂ ਆਪਣੇ ਭਰੇ ਦਿਲ ਦੀ ਗੱਲ ਦੱਸਣ ਦੀ ਕੋਸ਼ਿਸ਼ ਕੀਤੀ ਹੈ।
ਗੁਰਦਾਸ ਮਾਨ ਵੱਲੋਂ ਗਾਏ, ਲਿਖੇ ਅਤੇ ਕੰਪੋਜ਼ ਕੀਤੇ ਗਏ ਇਸ ਗਾਣੇ ਦੀ ਵੀਡੀਓ ਦਾ ਨਿਰਦੇਸ਼ਨ ਉਨ੍ਹਾਂ ਦੇ ਬੇਟੇ ਗੁਰਿਕ ਜੀ ਮਾਨ ਨੇ ਕੀਤਾ ਹੈ।' ਦਿਲ ਦਾ ਮਾਮਲਾ ਹੈ' ਗਾਣੇ ਨਾਲ ਪ੍ਰਸਿੱਧ ਗੁਰਦਾਸ ਮਾਨ ਇਸ ਵੀਡੀਓ ਵਿਚ ਨੀਲੇ ਕੁੜਤੇ ਵਿਚ ਹਨ ਅਤੇ ਵੀਡੀਓ ਬਲੈਕ ਤੇ ਵ੍ਹਾਈਟ ਵਿਚ ਸ਼ੂਟ ਕੀਤੀ ਗਈ ਹੈ। ਗਾਣੇ ਵਿਚ ਉਨ੍ਹਾਂ ਦੇ ਬਿਆਨ ਅਤੇ ਵਾਇਰਲ ਸਟੇਜ ਵੀਡੀਓ ਖਿਲਾਫ ਹੋਏ ਪ੍ਰਦਰਸ਼ਨ ਦਿਖਾਏ ਗਏ ਹਨ।
ਗਾਣੇ ਵਿਚ ਅਵਲਿ ਅਲਹ ਨੂਰੁ ਉਪਾਇਆ ਕੁਦਰਤਿ ਕੇ ਸਭ ਬੰਦੇ, ਏਕ ਨੂਰ ਤੇ ਸਭੁ ਜਗੁ ਉਪਜਿਆ ਕਉਨ ਭਲੇ ਕੋ ਮੰਦੇ ਵਰਗੇ ਦੋਹੇ ਸ਼ਾਮਲ ਹਨ।
