ਸ਼ਾਹਰੁਖ ਖਾਨ ਨਾਲ ਕੰਮ ਕਰੇਗੀ ਰਾਣੀ ਮੁਖਰਜੀ

'ਪਠਾਨ' ਦੀ ਵੱਡੀ ਸਫਲਤਾ ਤੋਂ ਬਾਅਦ ਸ਼ਾਹਰੁਖ ਖਾਨ ਇਕ ਵਾਰ ਫਿਰ ਡਾਇਰੈਕਟਰ ਸਿਧਾਰਥ ਆਨੰਦ ਨਾਲ ਐਕਸ਼ਨ ਭਰਪੂਰ ਪ੍ਰਾਜੈਕਟ ਲਈ ਇਕੱਠੇ ਕੰਮ ਕਰਨਗੇ। ਰੈੱਡ ਚਿਲੀਜ਼ ਅਤੇ ਮਾਰਫਲਿਕਸ ਵਲੋਂ ਸਾਂਝੇ ਤੌਰ 'ਤੇ ਬਣਾਈ ਜਾਣ ਵਾਲੀ ਇਸ ਫਿਲਮ 'ਚ ਸ਼ਾਹਰੁਖ ਅਤੇ ਦੀਪਿਕਾ ਪਾਦੁਕੋਣ ਮੁੱਖ ਭੂਮਿਕਾਵਾਂ ਨਿਭਾਉਣਗੇ।ਸੁਹਾਨਾ ਖਾਨ ਵੀ ਇਸ ਫਿਲਮ ਨਾਲ ਵੱਡੇ ਪਰਦੇ 'ਤੇ ਉਤਰੇਗੀ। ਫਿਲਮ ਦੀ ਟੀਮ 'ਚ ਅਭਿਸ਼ੇਕ ਬਚਨ,ਅਨਿਲ ਕਪੂਰ, ਜੈਕੀ ਸ਼ਰਾਫ, ਅਰਸ਼ਦ ਵਾਰਸੀ, ਜੈਦੀਪ ਅਹਲਾਵਤ ਅਤੇ ਅਭੈ ਵਰਮਾ ਵੀ ਸ਼ਾਮਲ ਹੋਣਗੇ।

ਇਹ ਕਿਹਾ ਜਾ ਰਿਹਾ ਹੈ ਕਿ ਰਾਣੀ ਮੁਖਰਜੀ ਸੁਹਾਨਾ ਖਾਨ ਦੇ ਕਿਰਦਾਰ ਦੀ ਮਾਂ ਦੀ ਭੂਮਿਕਾ ਨਿਭਾਏਗੀ। ਇੱਕ ਅਜਿਹੀ ਭੂਮਿਕਾ ਜੋ ਕਹਾਣੀ ਵਿੱਚ ਇੱਕ ਭਾਵਨਾਤਮਕ ਅਤੇ ਪ੍ਰਰੇਣਾਦਾਇਕ ਰੰਗ ਭਰੇਗੀ। ਰਾਣੀ ਦੇ ਰੋਲ ਵਾਸਤੇ ਉਸ ਨੂੰ ਸਿਰਫ ਪੰਜ ਦਿਨਾਂ ਦੀ ਸ਼ੂਟਿੰਗ ਦੀ ਲੋੜ ਹੈ ਪਰ ਇਸ ਰੋਲ ਨੂੰ ਫਿਲਮ ਦੀ ਕਹਾਣੀ ਦਾ ਕੇਂਦਰੀ ਨੁਕਤਾ ਮੰਨਿਆ ਜਾ ਰਿਹਾ ਹੈ। ਇਸ ਤੋਂ ਪਹਿਲਾਂ ਸ਼ਾਹਰੁਖ ਖਾਨ ਨਾਲ ਅਭਿਨੈ ਕਰਨ ਵਾਲੀ ਰਾਣੀ ਮੁਖਰਜੀ ਨੇ ਇਸ ਫਿਲਮ ਦੀ ਸਕ੍ਰਿਪਟ ਸੁਣਦਿਆਂ ਹੀ ਤੁਰੰਤ ਆਪਣੀ ਸਹਿਮਤੀ ਦੇ ਦਿੱਤੀ।