ਸਾਰਾ ਤੇਂਦੁਲਕਰ ਨਹੀਂ ਉਤਰੇਗੀ ਬਾਲੀਵੁੱਡ ਵਿੱਚ

ਕ੍ਰਿਕਟ ਦੇ ਆਈਕਨ ਸਚਿਨ ਤੇਂਦੁਲਕਰ ਦੀ ਧੀ ਸਾਰਾ ਤੇਂਦੁਲਕਰ ਨੇ ਹਿੰਦੀ ਫਿਲਮ ਇੰਡਸਟਰੀ ਵਿੱਚ ਸੰਭਾਵੀ ਐਂਟਰੀ ਬਾਰੇ ਅਟਕਲਾਂ ਨੂੰ ਪੂਰੀ ਤਰ੍ਹਾਂ ਖਾਰਜ ਕਰ ਦਿੱਤਾ ਹੈ। ਇੱਕ ਪ੍ਰਮੁੱਖ ਮੈਗਜ਼ੀਨ ਨਾਲ ਇੱਕ ਹਾਲੀਆ ਇੰਟਰਵਿਊ ਵਿੱਚ,ਸਾਰਾ ਨੇ ਸਪੱਸ਼ਟ ਕੀਤਾ ਕਿ ਅਦਾਕਾਰੀ ਉਸਦੇ ਏਜੰਡੇ 'ਤੇ ਨਹੀਂ ਹੈ।

ਆਪਣੀਆਂ ਨਿੱਜੀ ਰੁਚੀਆਂ ਅਤੇ ਪੇਸ਼ੇਵਰ ਕੰਮਾਂ ਬਾਰੇ ਖੁੱਲ੍ਹ ਕੇ ਗੱਲ ਕਰਦੇ ਹੋਏ, ਸਾਰਾ ਨੇ ਆਪਣੇ ਬਚਪਨ, ਬਾਇਓਮੈਡੀਕਲ ਸਾਇੰਸ ਵਿੱਚ ਆਪਣੇ ਅਕਾਦਮਿਕ ਪਿਛੋਕੜ ਅਤੇ ਫੈਸ਼ਨ,ਸੁੰਦਰਤਾ ਅਤੇ ਜੀਵਨ ਸ਼ੈਲੀ ਵਿੱਚ ਆਪਣੀ ਮੌਜੂਦਾ ਭੂਮਿਕਾ 'ਤੇ ਵਿਚਾਰ ਕੀਤਾ। ਉਸਨੇ ਜ਼ੋਰ ਦੇ ਕੇ ਕਿਹਾ ਕਿ ਉਹ ਵੱਡੀਆਂ ਖੁਹਾਇਸ਼ਾਂ ਦੀ ਬਜਾਏ ਪ੍ਰਮਾਣਿਕਤਾ ਤੋਂ ਪ੍ਰੇਰਿਤ ਹੈ।

ਬਾਲੀਵੁੱਡ ਵਿੱਚ ਡੈਬਿਊ ਦੀਆਂ ਲਗਾਤਾਰ ਅਫਵਾਹਾਂ ਤੇ ਗੱਲ ਕਰਦੇ ਹੋਏ ਕਿਹਾ ਸਾਰਾ ਨੇ ਕਿਹਾ ਕਿ "ਅਦਾਕਾਰੀ ਅਜਿਹੀ ਚੀਜ਼ ਨਹੀਂ ਹੈ ਜਿਸ ਵਿੱਚ ਮੈਨੂੰ ਦਿਲਚਸਪੀ ਹੈ। ਮੈਂ ਇੱਕ ਅੰਤਰਮੁਖੀ ਹਾਂ,ਅਤੇ ਕੈਮਰੇ ਮੈਨੂੰ ਡਰਾਉਂਦੇ ਹਨ। ਮੈਂ ਸਾਰੀਆਂ ਫਿਲਮਾਂ ਦੀਆਂ ਪੇਛਗਿਛਾਂ ਨੂੰ ਠੁਕਰਾਅ ਦਿੱਤਾ ਹੈ ਕਿਉਂਕਿ ਮੈਨੂੰ ਨਹੀਂ ਲੱਗਦਾ ਕਿ ਮੈਂ ਕੰਮ ਨਾਲ ਇਨਸਾਫ ਕਰ ਸਕਾਂਗੀ । ਇਹ ਮੈਨੂੰ ਸੰਤੁਸ਼ਟੀ ਨਾਲੋਂ ਜ਼ਿਆਦਾ ਚਿੰਤਾ ਦੇਵੇਗਾ।"