ਸਰਗੁਣ ਅਤੇ ਰਵੀ ਲੈ ਕੇ ਆ ਰਹੇ ਹਨ ਨਵੇਂ ਸ਼ੋਅ

ਟੈਲੀਵਿਜ਼ਨ ਇੰਡਸਟਰੀ ਦੇ ਦੋ ਸਭ ਤੋਂ ਲੋਕਪਿ੍ਰਅ ਨਾਂਅ ਅਭਿਸ਼ੇਕ ਕੁਮਾਰ ਅਤੇ ਮਾਹਿਰ ਪਾਂਧੀ ਇਕ ਆਗਾਮੀ ਰੋਮਾਂਟਿਕ ਕਾਮੇਡੀ ਸੀਰੀਜ਼ ’ਚ ਸ੍ਰਕੀਨ ਸਾਂਝੀ ਕਰਨ ਲਈ ਤਿਆਰ ਹਨ। ਅਭਿਸ਼ੇਕ ਬਿਗ ਬਾਸ 16 ’ਚ ਆਪਣੇ ਕੰਮਕਾਜ ਦੇ ਨਾਲ ਇਕ ਘਰੇੂਲ ਨਾਂਅ ਬਣ ਗਏ, ਜਦਕਿ ਮਾਹਿਰ ਨੇ ਵੰਸ਼ਜ਼ ’ਚ ਆਪਣੀ ਸ਼ਾਨਦਾਰ ਭੂਮਿਕਾ ਦੇ ਲਈ ਪਛਾਣ ਬਣਾਈ।

ਦੋਵਾਂ ਦਿਲਾਂ ਦੀ ਧੜਕਣ ਹੁਣ ‘ਤੁਝਸੇ ਹੈ ਆਸ਼ਿਕੀ’ ’ਚ ਇਕੱਠੇ ਅਭਿਨੈ ਕਰਨਗੇ, ਜਿਸ ਨੂੰ ਸਰਗੁਣ ਮਹਿਤਾ ਅਤੇ ਰਵੀ ਦੁਬੇ ਦੀ ਡਰੀਮਅਤਾ ਡਰਾਮਾ ਦੇ ਬੈਨਰ ਹੇਠ ਬਣਾਇਆ ਜਾ ਰਿਹਾ ਹੈ।

‘ਤੁਝਸੇ ਹੈ ਆਸ਼ਿਕੀ’ ਦੀ ਮੁੱਖ ਮਹਿਲਾ ਦਾ ਖੁਲਾਸਾ ਹੋਣਾ ਬਾਕੀ ਹੈ ਪਰ ਪ੍ਰਸ਼ੰਸਕ ਅਭਿਸ਼ੇਕ ਅਤੇ ਮਾਹਿਰ ਨੂੰ ਪਹਿਲੀ ਵਾਰ ਇਕੱਠੇ ਦੇਖਣ ਲਈ ਪਹਿਲਾਂ ਤੋਂ ਹੀ ਉਤਸ਼ਾਹਿਤ ਹਨ। ਇਸ ਦੇ ਨਾਲ ਹੀ ਸਰਗੁਣ ਅਤੇ ਰਵੀ ਕਈ ਹੋਰ ਸ਼ੋਅ ਲਾਂਚ ਕਰ ਰਹੇ ਹਨ, ਜਿਨ੍ਹਾਂ ’ਚ ਲਵਲੀ ਲੋਲਾ ਅਤੇ ਰਫੂ ਸ਼ਾਮਲ ਹੈ।

ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਟੈਲੀਵਿਜ਼ਨ ਅਦਾਕਾਰਾ ਗੌਹਰ ਖਾਨ, ਈਸ਼ਾ ਮਾਲਵੀ ਦੇ ਨਾਲ ਲਵਲੀ ਲੋਲਾ ’ਚ ਮੁੱਖ ਭੂਮਿਕਾ ਨਿਭਾਏਗੀ, ਜਦਕਿ ਕਰਨ ਵੀ ਗਰੋਵਰ, ਰਫੂ ’ਚ ਮੁੱਖ ਭੂਮਿਕਾ ਨਿਭਾਉਣਗੇ।