ਸ਼ਾਹਰੁਖ ਖਾਨ ਨੇ ਕੀਤੀ ਫਿਲਮ ਵਾਰਨਿੰਗ ਦੀ ਪ੍ਰਸੰਸਾ: ਪ੍ਰਿੰਸ ਕੰਵਲਜੀਤ ਸਿੰਘ

ਬਹੁਤ ਉਡੀਕੀ ਜਾ ਰਹੀ ਪੰਜਾਬੀ ਥਰਿੱਲਰ ਫਿਲਮ ਵਾਰਨਿੰਗ-2 ਦੇ ਟ੍ਰੇਲਰ ਨੇ ਪਹਿਲਾਂ ਹੀ ਦਰਸ਼ਕਾਂ ਨਾਲ ਇੱਕ ਸੰਬੰਧ ਜੋੜ ਲਿਆ ਹੈ, ਪਰ ਸਭ ਦਾ ਧਿਆਨ “ਵੀਰੇ ਪੰਮਾ ਬੋਲਦਾ” ਇੱਕ ਲਾਈਨ ਨੇ ਖਿੱਚਿਆ ਹੈ। ਇਸੇ ਲਈ, ਕੁਨੈਕਟ ਸਿਨੇ ਨੇ ਪੰਮਾ ਉਰਫ਼ ਪ੍ਰਿੰਸ ਕੰਵਲਜੀਤ ਨੂੰ ਇੱਕ-ਤੇ-ਇੱਕ ਖੁੱਲੀ ਗੱਲ ਬਾਤ ਲਈ ਸੱਦਾ ਦਿੱਤਾ।

ਕੁਨੈਕਟ ਸਿਨੇ ਦੇ ਮੇਜ਼ਬਾਨ ਜੈਸਮੀਨ ਸਿੰਘ ਨਾਲ ਗੱਲਬਾਤ ਵਿੱਚ, ਪ੍ਰਿੰਸ ਕੰਵਲਜੀਤ ਨੇ ਆਪਣੀ ਆਉਣ ਵਾਲੀ ਫਿਲਮ ਵਾਰਨਿੰਗ-2, ਗਿੱਪੀ ਦੇ ਆਪਣੀ ਜ਼ਿੰਦਗੀ ਅਤੇ ਕਰੀਅਰ ਵਿੱਚ ਰੋਲ, ਪੰਜਾਬੀ ਫਿਲਮ ਅਦਾਕਾਰਾਂ ਵਲੋਂ ਪ੍ਰੋਡਕਸ਼ਨ ਹਾਊਸ ਖੋਲ੍ਹਣਾ ਅਤੇ ਹੋਰ ਬਾਰੇ ਵਿਸਤਾਰ ਨਾਲ ਗੱਲਬਾਤ ਕੀਤੀ।

ਅਣੋਖੇ ਕਿਰਦਾਰਾਂ ਦੀ ਚੋਣ ਲਈ ਜਾਣੇ ਜਾਂਦੇ ਪ੍ਰਿੰਸ ਕੰਵਲਜੀਤ ਦੇ ਨਾਲ ਉਨ੍ਹਾਂ ਦੇ ਸਹਿ-ਅਦਾਕਾਰ ਜੱਗੀ ਸਿੰਘ ਨੇ ਇਸ ਮੁਲਾਕਾਤ ‘ਚ ਸਾਥ ਦਿੱਤਾ।

ਪ੍ਰਿੰਸ ਨੇ ਬੇਝਿਜਕ ਮੰਨਿਆ ਕਿ ਉਨ੍ਹਾਂ ਨੂੰ ਕੁਨੈਕਟ ਐਫ.ਐਮ. ਸਟੂਡੀਓ ਆਉਣਾ ਅਤੇ ਟੀਮ ਨਾਲ ਗੱਲਬਾਤ ਕਰਨੀ ਪਸੰਦ ਹੈ। “ਮੈਨੂੰ ਕੁਨੈਕਟ ਐਫ.ਐਮ. 'ਤੇ ਆਪਣੀ ਪਛਾਣ ਦੱਸਣ ਦੀ ਕਿਸੇ ਨੂੰ ਲੋੜ ਨਹੀਂ ਹੁੰਦੀ, ਉਹਨਾਂ ਨੂੰ ਪਤਾ ਜਦੋਂ ਵੀ ਪ੍ਰਿੰਸ ਇੱਥੇ ਹੀ ਆਉਂਦਾ ਹੈ, ਉਸ ਦੀ ਜੈਸਮੀਨ ਨਾਲ ਮਜ਼ੇਦਾਰ ਗੱਲਬਾਤ ਹੁੰਦੀ ਹੈ। ਐਥੇ ਮਾਹੌਲ ਹੀ ਬਹੁਤ ਆਰਾਮਦਾਇਕ ਤੇ ਮਜ਼ੇਦਾਰ ਹੁੰਦਾ ਹੈ”। ਪ੍ਰਿੰਸ ਨੇ ਪ੍ਰਸੰਨਤਾ ਨਾਲ ਆਪਣਾ ਦਿਲ ਦੀ ਗੱਲ ਸਾਂਝੀ ਕੀਤੀ।

“ਤੁਸੀਂ ਟ੍ਰੇਲਰ ਵੇਖਿਆ?” ਉਸ ਨੇ, ਜੈਸਮੀਨ ਤੋਂ, ਕੁਝ ਚੰਗੇ ਵਿਸ਼ੇਸ਼ਣਾਂ ਦੀ ਉਮੀਦ ਕਰਦਿਆਂ ਪੁੱਛਿਆ। “ਜੇ ਤੁਸੀਂ ਸੋਚਦੇ ਹੋ ਕਿ ਐਨੀਮਲ ਹਿੰਸਕ ਸੀ, ਤਾਂ ਤੁਸੀਂ ਵਾਰਨਿੰਗ 2 ਵੇਖਣ ਦਾ ਇੰਤਜ਼ਾਰ ਕਰੋ,” ਇਹ ਕਹਿ ਉਸ ਨੇ ਗੱਲ ਅੱਗੇ ਤੋਰੀ। ਹਾਲਾਂਕਿ, ਉਸ ਨੂੰ ਇਹ ਪਸੰਦ ਨਹੀਂ ਆਇਆ ਕਿ ਜ਼ਿਆਦਾਤਰ ਲੋਕ ਅਰਜੁਨ ਵੈਲੀ ਨੂੰ ਹਰੀ ਸਿੰਘ ਨਲਵੇ ਦੇ ਨਾਲ ਗਲਤੀ ਨਾਲ ਜੋੜਦੇ ਹਨ। “ਮੇਰਾ ਬਹੁਤ ਦਿਲ ਦੁਖਿਆ, ਅਰਜੁਨ ਵੈਲੀ ਦਾ ਕੋਈ ਲੈਣਾ ਦੇਣਾ ਨਹੀਂ ਹਰੀ ਸਿੰਘ ਨਲਵਾ ਨਾਲ”, ਪ੍ਰਿੰਸ ਨੇ ਆਪਣੀ ਨਿਰਾਸ਼ਾ ਨੂੰ ਪ੍ਰਗਟਾਇਆ।

ਅਤੇ ਜਦੋਂ ਗੱਲ ਫਿਲਮਾਂ ‘ਚ ਐਕਸ਼ਨ ਸ਼ੈਲੀ ਦੀ ਆਈ, ਤਾਂ ਪ੍ਰਿੰਸ ਨੇ ਕਈ ਉਦਾਹਰਣਾਂ ਨਾਲ ਇਸ ਗੱਲ ਨੂੰ ਸਹੀ ਠਹਿਰਾਇਆ ਕਿ ਕਿਉਂ ਪੰਜਾਬੀਆਂ ਨੂੰ ਐਕਸ਼ਨ ਬਹੁਤ ਪਸੰਦ ਹੈ। “ਪੰਜਾਬੀਆਂ ਨੂੰ ਬਸ ਐਕਸ਼ਨ ਪਸੰਦ ਹੁੰਦਾ ਹੈ; ਇਹ ਉਨ੍ਹਾਂ ਦੇ ਖੂਨ ਵਿੱਚ ਹੈ। ਮੈਂ ਦੱਸਾਂ, ਚਾਹੇ ਵਿਨੋਦ ਖੰਨਾ, ਮੁਕੇਸ਼ ਖੰਨਾ ਜਾਂ ਧਰਮਿੰਦਰ ਹੋਣ, ਜਦੋਂ ਵੀ ਦਰਸ਼ਕਾਂ ਨੇ ਇਹਨਾਂ ਅਦਾਕਾਰਾਂ ਨੂੰ ਪਰਦੇ 'ਤੇ ਐਕਸ਼ਨ ਦ੍ਰਿਸ਼ ਕਰਦੇ ਦੇਖਿਆ, ਉਹ ਪਾਗਲ ਹੋ ਜਾਂਦੇ ਸਨ। ਇੰਨਾ ਹੀ ਨਹੀਂ, ਕਈ ਲੋਕ ਉਨ੍ਹਾਂ ਦੇ ਸਟਾਈਲ ਅਤੇ ਸੰਵਾਦ ਵੀ ਨਕਲ ਕਰਦੇ ਸਨ,” ਇਹ ਕਹਿ ਪ੍ਰਿੰਸ ਨੇ, ਨਿਰਦੇਸ਼ਕ ਅਮਰ ਹੁੰਦਲ ਅਤੇ ਲਿਖਾਰੀ ਗਿੱਪੀ ਗਰੇਵਾਲ, ਦੀ ਬਹੁਤ ਉਡੀਕੀ ਜਾ ਰਹੀ ਫਿਲਮ ਵਾਰਨਿੰਗ 2 ਵੱਲ ਗੱਲਬਾਤ ਨੂੰ ਮੋੜਿਆ।

“ਵਾਰਨਿੰਗ-2 ‘ਚ ਅਗਲੇ ਪੱਧਰ ਦਾ ਐਕਸ਼ਨ ਹੈ। ਗਿੱਪੀ ਬਾਈ ਨੇ ਕਮਾਲ ਦਾ ਕੰਮ ਕੀਤਾ”, ਪ੍ਰਿੰਸ ਨੇ ਗੱਲਬਾਤ ਦੇ ਹਰ ਪਲ ਦਾ ਆਨੰਦ ਲਿਆ ਅਤੇ ਆਪਣੇ ਵਿਚਾਰ ਇਕੱਠੇ ਕਰਨ ਲਈ ਲੰਬੇ ਵਿਰਾਮ ਲਿਆ। “ਗਿੱਪੀ ਬਾਈ ਬਾਰੇ ਕੀ ਕਹਾਂ? ਮੈਂ ਅੱਜ ਇੱਥੇ ਉਸ ਕਾਰਨ ਹਾਂ। ਪੰਜਾਬੀ ਫਿਲਮਾਂ ਜਿਵੇਂ ਇੱਕ ਕੁੜੀ ਪੰਜਾਬ, ਚੱਕ ਜਵਾਨਾ ਲਈ ਮੈਂ ਸੰਵਾਦ ਲਿਖ ਰਿਹਾ ਸੀ ਪਰ ਉਸ ਨੇ ਮੈਨੂੰ ਨਾ ਸਿਰਫ ਸੰਵਾਦ ਲਿਖਣ ਦਾ ਸਗੋਂ ਅਦਾਕਾਰੀ ਕਰਨ ਦਾ ਵੀ ਮੌਕਾ ਦਿੱਤਾ," ਪ੍ਰਿੰਸ ਨੇ ਦਸਿਆ ਪਰ ਇਸ ਵਾਰ ਉਹ ਨਿਰਦੇਸ਼ਕ ਅਮਰ ਹੁੰਦਲ ਬਾਰੇ ਆਪਣੇ ਵਿਚਾਰਾਂ ਨਾਲ ਗੱਲਬਾਤ 'ਚ ਵਾਪਸ ਆਏ। “ਉਹ ਇੱਕ ਹੋਰ ਹੀ 'ਵੈਰਾਇਟੀ' ਹਨ, ਕੋਈ ਅਜਿਹਾ ਜੋ ਹਮੇਸ਼ਾ ਕੁਝ ਵੱਖਰਾ ਕਰਨ ਦੇ ਵਿਚਾਰਾਂ ਨਾਲ ਭਰਪੂਰ”।

ਇੰਟਰਵਿਊ ਦੌਰਾਨ ਪ੍ਰਿੰਸ ਨੇ ਸ਼ਾਹਰੁਖ ਖਾਨ ਅਤੇ ਉਸ ਦੇ ਪੁੱਤਰ ਆਰੀਅਨ ਖਾਨ ਦੀ ਆਪਣੇ ਪ੍ਰਤੀ ਚਾਹਤ ਬਾਰੇ ਵੀ ਗੱਲ ਕੀਤੀ। “ਸ਼ਾਹਰੁਖ ਅਤੇ ਉਸ ਦੇ ਪੁੱਤਰ ਨੂੰ ਮੇਰਾ ਕਿਰਦਾਰ ਫਿਲਮ ਵਾਰਨਿੰਗ ਵਿੱਚ ਬਹੁਤ ਪਸੰਦ ਆਇਆ। ਅਸਲ ਵਿੱਚ ਉਨ੍ਹਾਂ ਨੇ ਗਿੱਪੀ ਨੂੰ ਫੋਨ ਕਰਕੇ ਕਿਹਾ ਕਿ ਮੇਰੇ ਨਾਲ ਉਨ੍ਹਾਂ ਦੀ ਪਸੰਦ ਦਾ ਜਿਕਰ ਕਰਨ”, ਪ੍ਰਿੰਸ ਨੇ ਵਿਨਮ੍ਰਤਾ ਨਾਲ ਦਸਿਆ।

ਇਸ ਦਿਲਚਸਪ ਇੰਟਰਵਿਊ ਦੇ ਹਰ ਹਿੱਸੇ ਨੂੰ ਇਸ ਲਿੰਕ ਰਾਹੀਂ ਦੇਖੋ।