14.21C Vancouver 14.21C VancouverAug 30, 2023 9:03 PM - CONNECT NEWS
ਸੁਪਰਸਟਾਰ ਸ਼ਾਹਰੁਖ ਖਾਨ ਆਪਣੀ ਫਿਲਮ 'ਜਵਾਨ' ਦੀ ਰਿਲੀਜ਼ ਤੋਂ ਪਹਿਲਾਂ ਜੰਮੂ-ਕਸ਼ਮੀਰ ਦੇ ਰਿਆਸੀ ਜ਼ਿਲ੍ਹੇ ਵਿਚ ਤ੍ਰਿਕੁਟਾ ਪਹਾੜੀਆਂ 'ਤੇ ਸਥਿਤ ਮਾਤਾ ਵੈਸ਼ਨੋ ਦੇਵੀ ਦੇ ਮੰਦਰ ਵਿਚ ਨਤਮਸਤਕ ਹੋਏ।
ਇਕ ਅਧਿਕਾਰੀ ਅਨੁਸਾਰ 57 ਸਾਲਾ ਅਦਾਕਾਰ ਮੰਗਲਵਾਰ ਦੇਰ ਰਾਤ ਮੱਥਾ ਟੇਕਣ ਪਹੁੰਚੇ, ਜਿੱਥੇ ਉਨ੍ਹਾਂ ਪ੍ਰਾਰਥਨਾ ਕੀਤੀ ਅਤੇ ਜਲਦੀ ਚਲੇ ਗਏ।
ਸ਼ਾਹਰੁਖ ਖਾਨ ਇਸ ਦੌਰਾਨ ਬਲਿਊ ਜੈਕੇਟ ਵਿਚ ਸਨ ਅਤੇ ਉਨ੍ਹਾਂ ਨੇ ਆਪਣਾ ਪੂਰਾ ਫੇਸ ਕਵਰ ਕੀਤਾ ਹੋਇਆ ਸੀ। ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਹੈ।
ਇਸ ਵੀਡਿਓ ਕਲਿੱਪ ਵਿਚ ਉਨ੍ਹਾਂ ਨਾਲ ਵੈਸ਼ਨੋ ਦੇਵੀ ਸ਼ਰਾਇਨ ਬੋਰਡ ਦੇ ਅਧਿਕਾਰੀ, ਕੁਝ ਪੁਲਿਸ ਵਾਲੇ ਅਤੇ ਅਦਾਕਾਰ ਦੇ ਨਿਜੀ ਸਟਾਫ ਮੈਂਬਰ ਦੇਖੇ ਜਾ ਸਕਦੇ ਹਨ।
ਪਿਛਲੇ 9 ਮਹੀਨਿਆਂ ਵਿਚ ਸ਼ਾਹਰੁਖ ਦੀ ਇਹ ਦੂਜੀ ਵੈਸ਼ਨੋ ਦੇਵੀ ਮੰਦਰ ਦੀ ਯਾਤਰਾ ਹੈ। ਇਸ ਤੋਂ ਪਹਿਲਾਂ ਦਸੰਬਰ 2022 ਵਿਚ ਉਹ ਆਪਣੀ ਬਲਾਕਬਸਟਰ ਹਿੱਟ ਫਿਲਮ ਪਠਾਨ ਦੀ ਰਿਲੀਜ਼ ਤੋਂ ਇੱਕ ਮਹੀਨਾ ਪਹਿਲਾਂ ਵੈਸ਼ਨੋ ਦੇਵੀ ਮੰਦਰ ਗਏ ਸਨ।
ਗੌਰਤਲਬ ਹੈ ਕਿ 'ਜਵਾਨ', ਤਾਮਿਲ ਫਿਲਮ ਨਿਰਮਾਤਾ ਐਟਲੀ ਵਲੋਂ ਨਿਰਦੇਸ਼ਤ ਹੈ। ਇਹ 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਆਉਣ ਵਾਲੀ ਹੈ।
