ਸਿੱਧੂ ਮੂਸੇਵਾਲਾ ਦੇ '295' ਦੀ ਬਿਲਬੋਰਡ ਗਲੋਬਲ 200 ਚਾਰਟ 'ਚ ਹੋਈ ਐਂਟਰੀ, ਯੂਟਿਊਬ 'ਤੇ ਪਹੁੰਚਿਆ ਤੀਜੇ ਨੰਬਰ 'ਤੇ

ਇੰਟਰਨੈੱਟ ਹੌਲੀ-ਹੌਲੀ ਸਿੱਧੂ ਮੂਸੇਵਾਲਾ ਦੇ ਜਾਦੂ ਦਾ ਕਾਇਲ ਹੋ ਰਿਹਾ ਹੈ ਕਿਉਂਕਿ ਮਰਹੂਮ ਪੰਜਾਬੀ ਗਾਇਕ ਦੇ ਗਾਣੇ "295" ਨੇ ਬਿਲਬੋਰਡ ਗਲੋਬਲ 200 ਚਾਰਟ 'ਚ ਜਗ੍ਹਾ ਬਣਾ ਲਈ ਹੈ।

ਮੂਸੇਵਾਲਾ, ਜਿਨ੍ਹਾਂ ਦਾ ਅਸਲੀ ਨਾਮ ਸ਼ੁਭਦੀਪ ਸਿੰਘ ਸੀ, ਦੇ "ਸੋ ਹਾਈ", "ਸੇਮ ਬੀਫ", "ਦੀ ਲਾਸਟ ਰਾਈਡ" ਅਤੇ "ਜਸਟ ਲਿਸਨ" ਵਰਗੇ ਗੀਤਾਂ ਦੀ ਭਾਰਤ ਵਿੱਚ ਇੱਕ ਅਲੱਗ ਫਾਲੋਇੰਗ ਸੀ।

ਹੁਣ ਪੰਜਾਬ ਵਿਚ ਉਨ੍ਹਾਂ ਦੀ ਭਿਆਨਕ ਹੱਤਿਆ ਤੋਂ ਕੁਝ ਹਫ਼ਤਿਆਂ ਬਾਅਦ, ਗਲੋਬਲ ਡਾਇਸਪੋਰਾ ਨੇ ਗਾਇਕ ਦੀ ਵਿਸ਼ਾਲ ਡਿਸਕੋਗ੍ਰਾਫੀ ਦੀ ਪੜਚੋਲ ਕਰਨੀ ਸ਼ੁਰੂ ਕਰ ਦਿੱਤੀ ਹੈ।

ਮੂਸੇਵਾਲਾ ਦੇ "295" ਨੇ ਇਸ ਹਫ਼ਤੇ ਅਚਾਨਕ ਬਿਲਬੋਰਡ ਗਲੋਬਲ 200 ਚਾਰਟ 'ਚ ਐਂਟਰੀ ਕੀਤੀ ਅਤੇ ਸ਼ੁੱਕਰਵਾਰ ਤੱਕ ਇਹ 154 ਸਥਾਨ 'ਤੇ ਸੂਚੀਬੱਧ ਹੈ।

ਇਸ ਸੂਚੀ ਵਿੱਚ ਅਮਰੀਕੀ ਗਾਇਕਾ ਕੇਟ ਬੁਸ਼ ਦਾ "ਰਨਿੰਗ ਅੱਪ ਦੇਟ ਹਿੱਲ (ਏ ਡੀਲ ਵਿਦ ਗੌਡ)" ਸਭ ਤੋਂ ਉੱਪਰ ਹੈ ਅਤੇ ਇਸ ਵਿੱਚ ਹੈਰੀ ਸਟਾਈਲਜ਼, ਬੈਡ ਬੰਨੀ, ਲਿਜ਼ੋ, ਕੈਮਿਲਾ ਕੈਬੇਲੋ, ਐਡ ਸ਼ੀਰਨ ਅਤੇ ਜਸਟਿਨ ਬੀਬਰ ਵਰਗੇ ਕਲਾਕਾਰਾਂ ਦੇ ਗਾਣੇ ਵੀ ਸ਼ਾਮਲ ਹਨ।

ਮੂਸੇਵਾਲਾ ਨੇ "295" ਅਤੇ ਇਸ ਦਾ ਅਧਿਕਾਰਤ ਵੀਡੀਓ ਜੁਲਾਈ 2021 'ਚ ਰਿਲੀਜ਼ ਕੀਤਾ ਸੀ | ਹੁਣ ਇਹ ਯੂਟਿਊਬ ਅਤੇ ਇਸ ਦੇ ਸੰਗੀਤ ਸਟ੍ਰੀਮਿੰਗ ਪਲੇਟਫ਼ਾਰਮ, 'ਯੂਟਿਊਬ ਮਿਊਜ਼ਿਕ' 'ਤੇ ਵੀ ਤਹਿਲਕਾ ਮਚਾ ਰਿਹਾ ਹੈ।

ਯੂ-ਟਿਊਬ 'ਤੇ "295" ਦੇ ਦਰਸ਼ਕਾਂ ਦੀ ਗਿਣਤੀ 200 ਮਿਲੀਅਨ ਦੇ ਨੇੜੇ ਪਹੁੰਚ ਗਈ ਹੈ ਅਤੇ ਇਸ ਦੇ ਚੋਟੀ ਦੇ 100 ਮਿਊਜ਼ਿਕ ਵੀਡੀਓ ਗਲੋਬਲ ਚਾਰਟ 'ਚ ਇਹ ਗਾਣਾ ਤੀਜੇ ਸਥਾਨ 'ਤੇ ਸੂਚੀਬੱਧ ਕੀਤਾ ਗਿਆ ਹੈ।

ਮੂਸੇਵਾਲਾ ਦੇ ਇੱਕ ਹੋਰ ਟਰੈਕ "ਦਿ ਲਾਸਟ ਰਾਈਡ" ਇਹ ਹੁਣ ਛੇਵੇਂ ਸਥਾਨ 'ਤੇ ਸੂਚੀਬੱਧ ਹੈ। ਵੀਡੀਓ ਨੂੰ ਯੂਟਿਊਬ 'ਤੇ 73 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।

"295" ਯੂ-ਟਿਊਬ ਮਿਊਜ਼ਿਕ ਦੇ ਗਲੋਬਲ ਚਾਰਟ ਚ ਚੌਥੇ ਸਥਾਨ 'ਤੇ ਹੈ, ਜਦੋਂ ਕਿ ਉਹ ਪਲੇਟਫ਼ਾਰਮ ਦੀ ਟਾਪ ਆਰਟਿਸਟ ਸੂਚੀ 'ਚ ਦੂਜੇ ਸਥਾਨ 'ਤੇ ਹੈ।