11.62C Vancouver 11.62C VancouverMay 28, 2025 5:49 PM - Connect Newsroom
ਆਉਣ ਵਾਲੀ ਰੋਮਾਂਟਿਕ ਫਿਲਮ 'ਏਕ ਦੀਵਾਨੇ ਕੀ ਦੀਵਾਨੀਅਤ' ਦੇ ਪਹਿਲੇ ਪੋਸਟਰ ਤੋਂ ਪਰਦਾ ਹਟਾ ਦਿੱਤਾ ਗਿਆ ਹੈ। ਇਸ ਨਾਲ ਪ੍ਰਸ਼ੰਸਕਾਂ ਦੀ ਉਡੀਕ ਅਤੇ ਭਾਵੁਕਤਾ 'ਚ ਭਾਰੀ ਵਾਧਾ ਹੋਇਆ ਹੈ। ਫਿਲਮ ਦੀ ਖਾਸ ਗੱਲ ਇਹ ਹੈ ਕਿ ਇਸ 'ਚ ਹਰਸ਼ਵਰਧਨ ਰਾਣੇ ਅਤੇ ਸੋਨਮ ਬਾਜਵਾ ਜੋੜੀ ਦੇ ਰੂਪ 'ਚ ਦਿਖਾਈ ਦੇਣਗੇ ਨਿਰਦੇਸ਼ਕ ਮਿਲਾਪ ਜਾਵੇਰੀ ਦੀ ਇਹ ਫਿਲਮ 2 ਅਕਤੂਬਰ ਨੂੰ ਵੱਡੇ ਪਰਦੇ 'ਤੇ ਦਿਖਾਈ ਜਾਵੇਗੀ। ਜਦੋਂਕਿ ਉਸ ਦਿਨ ਗਾਂਧੀ ਜਯੰਤੀ ਅਤੇ ਦੁਸ਼ਹਿਰੇ ਦੀਆਂ ਦੋ ਪ੍ਰਮੁੱਖ ਛੁੱਟੀਆਂ ਵੀ ਹੋਣਗੀਆਂ।
ਫਿਲਮ ਦਾ ਪੋਸਟਰ ਜਨੂੰਨ ਦੇ ਨਾਲ-ਨਾਲ ਭਾਵਨਾਤਮਕ ਟਕਰਾਅ ਅਤੇ ਦਿਲ ਟੁੱਟਣ ਸੰਬੰਧੀ ਕਹਾਣੀ ਵੱਲ ਜ਼ਿਕਰ ਕਰਦਾ ਹੈ। ਹਰਸ਼ਵਰਧਨ ਨੇ ਪੋਸਟਰ ਸਾਂਝਾ ਕਰਦਿਆਂ ਲਿਖਿਆ ਹੈ ਕਿ ਇਸ ਵਾਰ ਗਾਂਧੀ ਜਯੰਤੀ ਅਤੇ ਦੁਸ਼ਿਹਰੇ ਦਾ ਅਨੁਭਵ ਥੀਏਟਰ 'ਚ ਕਰੋ ਅਤੇ ਨਾਲ ਹੀ ਮੁਹੱਬਤ, ਨਫਰਤ ਅਤੇ ਦੀਵਾਨੀਅਤ ਦੀ ਕਹਾਣੀ ਨੂੰ ਵੀ ਦੇਖੋ।
ਫਿਲਮ ਦਰਸ਼ਕਾਂ ਵਿੱਚ ਕਾਫੀ ਚਰਚਿਆਂ ਦਾ ਕਾਰਨ ਬਣ ਰਹੀ ਹੈ। ਸੋਨਮ ਬਾਜਵਾ ਹਿੱਟ ਕਾਮੇਡੀ ਫਿਲਮ ਹਾਊਸ ਫੁੱਲ ਦੀ ਪੰਜਵੀਂ ਲੜੀ 'ਚ ਵੀ ਕੰਮ ਕਰਨ ਲਈ ਤਿਆਰੀ ਕਰ ਰਹੀ ਹੈ।
