ਸਵਦੇਸ ਅਦਾਕਾਰਾ ਗਾਇਤਰੀ ਜੋਸ਼ੀ ਇਟਲੀ ਵਿਚ ਕਾਰ ਹਾਦਸੇ ਦਾ ਹੋਈ ਸ਼ਿਕਾਰ

ਬਾਲੀਵੁੱਡ ਅਦਾਕਾਰਾ ਗਾਇਤਰੀ ਜੋਸ਼ੀ ਜਿਸ ਨੇ ਸ਼ਾਹਰੁਖ ਖਾਨ ਨਾਲ ਸਵਦੇਸ਼ ਫਿਲਮ ਵਿਚ ਕੰਮ ਕੀਤਾ ਸੀ, ਇਟਲੀ ਵਿਚ ਆਪਣੇ ਪਤੀ ਵਿਕਾਸ ਓਬਰਾਏ ਨਾਲ ਇੱਕ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ।

ਗਾਇਤਰੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਪੂਰੀ ਘਟਨਾ ਨੂੰ ਸਾਂਝਾ ਕੀਤਾ ਅਤੇ ਕਿਹਾ ਕਿ ਉਹ ਸੁਰੱਖਿਅਤ ਅਤੇ ਠੀਕ ਹਨ।

ਗਾਇਤਰੀ ਨੇ ਕਿਹਾ ਕਿ ਉਹ ਸਾਰਡੀਨੀਆ ਵਿਚ ਛੁੱਟੀਆਂ ਮਨਾਉਣ ਲਈ ਗਏ ਸਨ ਜਦੋਂ ਉਨ੍ਹਾਂ ਦੀ ਕਾਰ ਕਈ ਕਾਰਾਂ ਅਤੇ ਇਕ ਕੈਂਪਰ ਕਾਰ ਨਾਲ ਟਕਰਾਈ।

ਰਿਪੋਰਟਸ ਮੁਤਾਬਕ ਇਸ ਹਾਦਸੇ 'ਚ ਦੋ ਲੋਕਾਂ ਦੀ ਮੌਤ ਹੋ ਗਈ।