ਡੂਨ ਪ੍ਰੋਫੇਸੀ ਸੀਰੀਅਲ ’ਚ ਤਬੂ ਦਿਖਾਏਗੀ ਆਪਣੀ ਅਦਾਕਾਰੀ

ਅਮਰੀਕਾ ਦੇ ਜਲਦੀ ਪ੍ਰਦਰਸ਼ਿਤ ਹੋਣ ਵਾਲੇ ਟੀ.ਵੀ. ਸੀਰੀਅਲ ਡੂਨ ਪ੍ਰੋਫੇਸੀ ਤਬੂ ਸਿਸਟਰ ਫਰਾਂਸਿਸਕਾ ਦੇ ਪਾਤਰ ਵਜੋਂ ਜਲਵੇਦਾਰ ਹੋਵੇਗੀ। ਬੀਤੇ ਦਿਨ ਉਸ ਨੇ ਆਪਣੀ ਇਸ ਸੀਰੀਅਲ ਸੰਬੰਧੀ ਇਕ ਝਲਕ ਨੂੰ ਸੋਸ਼ਲ ਮੀਡੀਆ ’ਤੇ ਸਾਂਝਾ ਕੀਤਾ ਸੀ। ਤੰਬੂ ਦੇ ਇਸ ਸੀਰੀਅਲ਼ ਦੇ ਨਿਰਮਾਤਾਵਾਂ ਵਲੋਂ ਉਸ ਪ੍ਰਤੀ ਦਿਖਾਏ ਗਏ ਭਰੋਸੇ ਬਾਰੇ ਆਪਣਾ ਉਤਸ਼ਾਹ ਅਤੇ ਧੰਨਵਾਦ ਜ਼ਾਹਰ ਕੀਤ।

ਉਸ ਨੇ ਕਿਹਾ ਕਿ ਮੇਰੇ ਵਾਸਤੇ ਇਹ ਬਹੁਤ ਵਧੀਆ ਮੌਕਾ ਹੈ ਕਿ ਮੈਨੂੰ ਇਸ ਸੀਰੀਅਲ ’ਚ ਕੰਮ ਕਰਨ ਦਾ ਮਾਣ ਪ੍ਰਾਪਤ ਹੋਇਆ ਹੈ। ਡੂਨ ਪ੍ਰੋਫੇਸੀ ਪਾਲ ਐਟ੍ਰੀਡਜ਼ ਦੇ ਪਾਵਰ ’ਚ ਆਉਣ ਤੋਂ 10,000 ਸਾਲ ਪਹਿਲਾਂ 2 ਭੈਣਾ ਦੇ ਸੰਘਰਸ਼ ਦੇ ਇਤਿਹਾਸ ਨੂੰ ਬਿਆਨ ਕਰਦੀ ਹੈ। ਦੋਵੇਂ ਭੈਣਾਂ ਮਨੁੱਖਤਾ ਦੇ ਭਵਿੱਖ ਲਈ ਖਤਰਾ ਬਣਨ ਵਾਲੀਆਂ ਅਣਮਨੁੱਖੀ ਤਾਕਤਾਂ ਨਾਲ ਲੜਦੀਆਂ ਅਤੇ ਪ੍ਰਸਿੱਧ ਬੇਨੇ ਗੇਸੇਰਿਟ ਸੰਪਰਦਾ ਦੀ ਸਥਾਪਨਾ ਕਰਦੀਆਂ ਹਨ। ਇਹ ਸੀਰੀਜ਼ ਦੇ ਪ੍ਰਦਰਸ਼ਨ ਦੀ ਤਾਰੀਖ਼ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਪਰ ਭਾਰਤ ’ਚ ਇਹ ਜੀਓ ਸਿਨੇਮਾ ’ਤੇ ਉਪਲੱਬਧ ਹੋਵੇਗੀ।