14.28C Vancouver 14.28C VancouverSep 20, 2023 8:48 PM - CONNECT NEWS
'ਥੈਂਕ ਯੂ ਫਾਰ ਕਮਿੰਗ' ਦੀ ਸਟਾਰ ਕਾਸਟ ਨੇ ਬੁੱਧਵਾਰ ਨੂੰ ਨਵੇਂ ਸੰਸਦ ਭਵਨ ਦਾ ਦੌਰਾ ਕੀਤਾ। ਉਨ੍ਹਾਂ ਇੱਥੇ ਮਹਿਲਾ ਰਾਖਵੇਂਕਰਨ ਬਿੱਲ ਦੀ ਸਿਫਤ ਕੀਤੀ। ਅਦਾਕਾਰਾ ਭੂਮੀ ਪੇਡਨੇਕਰ, ਸ਼ਹਿਨਾਜ਼ ਗਿੱਲ, ਸ਼ਿਬਾਨੀ ਬੇਦੀ, ਕੁਸ਼ਾ ਕਪਿਲ ਅਤੇ ਡੋਲੀ ਸਿੰਘ ਨੇ ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਨਾਲ ਵੀ ਮੁਲਾਕਾਤ ਕੀਤੀ।
ਫਿਲਮ ਦੀ ਗੱਲ ਕਰੀਏ ਤਾਂ 'ਥੈਂਕ ਯੂ ਫਾਰ ਕਮਿੰਗ' ਨੂੰ ਨਿਰਮਾਤਾ ਰੀਆ ਕਪੂਰ ਦੇ ਪਤੀ ਕਰਨ ਬੂਲਾਨੀ ਨੇ ਡਾਇਰੈਕਟ ਕੀਤਾ ਹੈ। ਫਿਲਮ ਵਿਚ ਅਨਿਲ ਕਪੂਰ ਅਤੇ ਕਰਨ ਕੁੰਦਰਾ ਨੇ ਵੀ ਕੰਮ ਕੀਤਾ ਹੈ।
ਇਸ ਤੋਂ ਪਹਿਲਾਂ, ਫਿਲਮ ਨੇ ਟੋਰਾਂਟੋ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਵਿਚ ਸੈਂਟਰ ਸਟੇਜ ਸਾਂਭੀ ਅਤੇ ਭੂਮੀ ਨੂੰ ਉਸ ਦੇ ਪ੍ਰਦਰਸ਼ਨ ਲਈ ਇੱਕ ਜ਼ਬਰਦਸਤ ਹੱਲਾਸ਼ੇਰੀ ਅਤੇ ਸਟੈਂਡਿੰਗ ਓਵੇਸ਼ਨ ਮਿਲੀ।
ਰੈੱਡ ਕਾਰਪੇਟ ਇਵੈਂਟ ਵਿਚ ਫਿਲਮ ਦੀ ਸਟਾਰ ਕਾਸਟ ਦੇ ਨਾਲ-ਨਾਲ ਡਾਇਰੈਕਟਰ ਕਰਨ ਅਤੇ ਪ੍ਰੋਡਿਊਸਰ ਏਕਤਾ ਆਰ ਕਪੂਰ ਵੀ ਸ਼ਾਮਲ ਹੋਏ। ਉਨ੍ਹਾਂ ਦੀ ਐਂਟਰੀ ਸਮੇਂ ਢੋਲ ਵਜਾਇਆ ਗਿਆ।
ਇਹ ਫਿਲਮ ਫੀਮੇਲ ਦੋਸਤੀ, ਇਕੱਲੀ ਔਰਤ, ਪਿਆਰ ਅਤੇ ਖੁਸ਼ੀ ਦੇ ਰੰਗ ਦਿਖਾਉਂਦੀ ਹੈ। ਇਹ ਇਕੱਲੀ ਅਜਿਹੀ ਫਿਲਮ ਹੈ ਜਿਸ ਨੂੰ ਗਾਲਾ ਵਰਲਡ ਪ੍ਰੀਮੀਅਰ ਵਿਚ ਸਨਮਾਨਿਤ ਕੀਤਾ ਗਿਆ।
ਬਾਲਾਜੀ ਟੈਲੀਫਿਲਮਜ਼ ਲਿਮਿਟਡ ਅਤੇ ਅਨਿਲ ਕਪੂਰ ਫਿਲਮ ਕਮਿਊਨੀਕੇਸ਼ਨ ਨੈੱਟਵਰਕ ਪ੍ਰਾਈਵੇਟ ਲਿਮਿਟਡ ਵਲੋਂ ਪ੍ਰੋ਼ਡਿਊਸ ਅਤੇ ਰਾਧਿਕਾ ਆਨੰਦ ਅਤੇ ਪ੍ਰਸ਼ਤੀ ਸਿੰਘ ਵਲੋਂ ਲਿਖੀ ਇਹ ਫਿਲਮ ਵਰਲਵਾਈਡ ਥਿਏਟਰ ਵਿਚ 6 ਅਕਤੂਬਰ 2023 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।
