'ਫਰਜ਼ੀ ਸੀਜ਼ਨ 2' ਦੀ ਹੋਈ ਸ਼ੁਰੂਆਤ

ਆਖਰਕਾਰ ਇਕ ਵਾਰ ਫਿਰ ਖੇਡ ਵਾਪਸ ਆ ਗਈ ਹੈ। ਸ਼ਾਹਿਦ ਕਪੂਰ ਨੇ ਖੁਲਾਸਾ ਕੀਤਾ ਹੈ ਕਿ 'ਫਰਜ਼ੀ ਸੀਜ਼ਨ 2' ਦੀ ਸ਼ੁਰੂਆਤ ਹੋ ਰਹੀ ਹੈ। ਪਿਛਲੇ ਕੁਝ ਸਮੇਂ ਤੋਂ ਪ੍ਰਸ਼ੰਸਕ ਇਸ ਗੱਲ ਬਾਰੇ ਕਿਆਫੇ ਲਾ ਰਹੇ ਸਨ ਅਤੇ ਇਸ ਦੀ ਉਡੀਕ ਕਰ ਰਹੇ ਸਨ ਪਰ ਹੁਣ ਸ਼ਾਹਿਦ ਕਪੂਰ ਦੇ ਖੁਲਾਸੇ ਨਾਲ ਉਨ੍ਹਾਂ ਦੀ ਉਡੀਕ ਖਤਮ ਹੋ ਜਾਵੇਗੀ।

ਸ਼ਾਹਿਦ ਨੇ ਇਸ ਬਾਰੇ ਸ਼ੋਸਲ ਮੀਡੀਆ 'ਤੇ ਆਪ ਹੀ ਜਾਣਕਾਰੀ ਦਿੱਤੀ ਹੈ। ਸ਼ਾਹਿਦ ਨੇ ਸ਼ੋਅ ਦੇ ਮਾਸਟਰ ਮਾਈਂਡ ਰਾਜ ਨਿਧੀ ਮੁਰੂ ਕ੍ਰਿਸ਼ਨਾ ਡੀ.ਕੇ ਦੇ ਨਾਲ ਇਕ ਸਨੈਪਸ਼ਾਟ ਸਾਂਝਾ ਕਰਦਿਆਂ ਸਪੱਸ਼ਟ ਕਰ ਦਿੱਤਾ ਹੈ ਕਿ ਕਹਾਣੀ ਅੱਗੇ ਵੱਧ ਰਹੀ ਹੈ।ਸ਼ਾਹਿਦ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਲੋਕਾਂ ਨੂੰ ਬੰਨ੍ਹ ਕੇ ਰੱਖਣ ਵਾਲਾ ਇਹ ਕ੍ਰਾਈਮ ਡਰਾਮਾ ਫਿਰ ਤੁਹਾਡੇ ਸਾਹਮਣੇ ਆ ਰਿਹਾ ਹੈ। ਰਾਜ ਅਤੇ ਡੀ.ਕੇ ਨੇ ਵੀ ਆਪਣੇ ਇੰਸਟਾਗ੍ਰਾਮ 'ਤੇ ਇਨ੍ਹਾਂ ਚਰਚਿਆਂ ਨੂੰ ਹਵਾ ਦਿੱਤੀ ਹੈ। ਉਨ੍ਹਾਂ ਨੇ ਕਰੰਸੀ ਬੰਡਲਾਂ ਦੀ ਇਕ ਤਸਵੀਰ ਸਾਂਝੀ ਕਰਕੇ ਲਿਖਿਆ ਰਾਊਂਡ 2 ਪ੍ਰਗਤੀ ਵਿੱਚ ਹੈ।