ਕਪਿਲ ਸ਼ਰਮਾ ਨੇ ‘ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ’ ਦੇ ਦੂਜੇ ਸੀਜ਼ਨ ਦਾ ਕੀਤਾ ਐਲਾਨ

ਨੈੱਟਫਲਿਕਸ ਨੇ ਕੁਝ ਮਹੀਨੇ ਪਹਿਲਾਂ ਸੰਕੇਤ ਦਿੱਤਾ ਸੀ ਕਿ ‘ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ’ ਦਾ ਦੂਜਾ ਸੀਜ਼ਨ ਜਲਦੀ ਆਵੇਗਾ, ਅਤੇ ਹੁਣ ਕਪਿਲ ਸ਼ਰਮਾ ਨੇ ਨਵੇਂ ਸੀਜ਼ਨ ਦਾ ਐਲਾਨ ਕਰ ਦਿੱਤਾ ਹੈ। ਇਹ ਵੀ ਦੱਸਿਆ ਗਿਆ ਹੈ ਕਿ ‘ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ’ ਦੇ ਦੂਜੇ ਸੀਜ਼ਨ ਦੀ ਥੀਮ ਕੀ ਹੋਵੇਗੀ। ‘ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ’ ਦਾ ਪਹਿਲਾ ਸੀਜ਼ਨ 30 ਮਾਰਚ ਨੂੰ ਨੈੱਟਫਲਿਕਸ ’ਤੇ ਪ੍ਰਸਾਰਿਤ ਹੋਇਆ ਸੀ ਅਤੇ 22 ਜੂਨ ਤੱਕ ਚੱਲਿਆ ਸੀ।

ਹੁਣ ਕਪਿਲ ਸ਼ਰਮਾ ਨੇ ਨਵੇਂ ਸੀਜ਼ਨ ਦੀ ਪੁਸ਼ਟੀ ਕਰ ਦਿੱਤੀ ਹੈ। ਉਸ ਨੇ 15 ਅਗਸਤ ਨੂੰ ਇੰਸਟਾਗ੍ਰਾਮ ਸਟੋਰੀ ’ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਸੀ, ਜਿਸ ’ਚ ਫੁੱਲਾਂ ਦਾ ਗੁਲਦਸਤਾ ਅਤੇ ਸ਼ੋਅ ਦੀ ਕਾਸਟ ਦੀ ਤਸਵੀਰ ਦਿਖਾਈ ਦੇ ਰਹੀ ਹੈ। ਉਨ੍ਹਾਂ ਨੇ ਇਹ ਵੀ ਲਿਖਿਆ, ’ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ’ ਦਾ ਦੂਜਾ ਸੀਜ਼ਨ ਆ ਰਿਹਾ ਹੈ। ਦੂਜੇ ਸੀਜ਼ਨ ਦੇ ਥੀਮ ਦੀ ਇੱਕ ਝਲਕ।

ਤਸਵੀਰ ਦੇ ਇਕ ਪਾਸੇ ’ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ’ ਦੇ ਪਹਿਲੇ ਸੀਜ਼ਨ ਦੀ ਕਾਸਟ ਦੀ ਤਸਵੀਰ ਹੈ, ਜਿਸ ’ਚ ਪੂਰੀ ਕਾਸਟ ਏਅਰਪੋਰਟ ਥੀਮ ਵਾਲੀ ਪੋਸ਼ਾਕ ਪਹਿਨੀ ਹੋਈ ਹੈ। ਇਸ ਏਅਰਪੋਰਟ ਦੀ ਥੀਮ ਅਮਨ ਪੰਤ ਨੇ ਬਣਾਈ ਸੀ। ਪਰ ਉਸ ਨੇ ਦੂਜੇ ਸੀਜ਼ਨ ਦੀ ਥੀਮ ਵੀ ਸਾਂਝੀ ਕੀਤੀ ਹੈ।

ਕਪਿਲ ਨੇ ਤਸਵੀਰ ਦੇ ਨਾਲ ਨਵੇਂ ਸੀਜ਼ਨ ਦੇ ਇੰਸਟਰੂਮੈਂਟਲ ਥੀਮ ਦੇ ਸੰਗੀਤ ਦੇ ਨਾਲ, ਜਿਸ ਨੂੰ ਅਮਨ ਪੰਤ ਨੇ ਕੰਪੋਜ਼ ਕੀਤਾ ਹੈ।ਪਹਿਲੇ ਸੀਜ਼ਨ ਦੇ ਪਹਿਲੇ ਐਪੀਸੋਡ ਦੀ ਕਾਸਟ ਕੌਣ ਹੋਵੇਗੀ, ਇਸ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ, ਪਰ ਖਬਰਾਂ ਹਨ ਕਿ ’ਫੈਬਿਊਲਸ ਲਾਈਵਜ਼ ਆਫ ਬਾਲੀਵੁੱਡ ਵਾਈਵਜ਼’ ਦੀ ਟੀਮ ਮਹਿਮਾਨ ਵਜੋਂ ਪਹੁੰਚੇਗੀ। ਇਸ ਵਿੱਚ ਗੌਰੀ ਖਾਨ, ਨੀਲਮ ਕੋਠਾਰੀ, ਮਹੀਪ ਕਪੂਰ, ਸੀਮਾ ਖਾਨ ਅਤੇ ਭਾਵਨਾ ਪਾਂਡੇ ਨੇ ਅਭਿਨੈ ਕੀਤਾ ਹੈ।