ਵਿੱਕੀ ਨੂੰ ਮਿਲਿਆ ਯੂ-ਸਰਟੀਫਿਕੇਟ

ਨਿਰਮਾਤਾ ਰਾਜ ਸ਼ਨਡਾਲਿਆ ਦੀ ਵੱਡੀਆਂ ਉਮੀਦਾਂ ਵਾਲੀ ਫ਼ਿਲਮ ‘ਵਿੱਕੀ ਵਿਦਿਆ ਕਾ ਵੋਹ ਵਾਲਾ ਵੀਡੀਓ’ ਵੱਡੇ ਪਰਦੇ ’ਤੇ ਜਲਵਾਗਾਰ ਹੋ ਗਈ ਹੈ। ਫ਼ਿਲਮ ਦਾ ਵਿਅੰਗਆਤਮ ਸਿਰਲੇਖ ਦਰਸ਼ਕਾਂ ਦਾ ਧਿਆਨ ਆਪਣੇ ਵੱਲ ਖਿਚ ਰਿਹਾ ਹੈ।

ਕੁਝ ਹਫਤੇ ਪਹਿਲਾਂ ਜਦੋਂ ਇਸ ਫ਼ਿਲਮ ਦਾ ਟਰੇਲਰ ਰਿਲੀਜ਼ ਹੋਇਆ ਸੀ ਤਾਂ ਰਾਜ ਕੁਮਾਰ ਰਾਓ ਅਤੇ ਪ੍ਰੀਤੀ ਡਿਮਰੀ ਜੋ ਕਿ ਮੁੱਖ ਭੂਮਿਕਾਵਾਂ ’ਚ ਹਨ। ਜਦੋਂ ਸਿਨੇਮਾ ਦਰਸ਼ਕਾਂ ਦੀਆਂ ਵੱਡੀਆਂ ਆਸਾਂ ਜਾਗੀਆਂ ਸਨ। ਫ਼ਿਲਮ ਨੂੰ ਹਿੰਦੀ ਸਿਨੇਮਾ ਦੇ ਸੁਨਹਿਰੀ ਯੁੱਗ ਅਰਥਾਤ 1990 ਦੇ ਦਹਾਕੇ ਦੀ ਯਾਦ ਨਾਲ ਜੋੜਿਆ ਜਾ ਰਿਹਾ ਹੈ।

ਫਿਲਮ ਦੀ ਕਹਾਣੀ ਨੂੰ ਜਿਥੇ ਰੋਮਾਂਟਿਕ ਅੰਦਾਜ਼ ’ਚ ਨੇਪਰੇ ਚੜਾਇਆ ਗਿਆ ਹੈ ਉੱਥੇ ਕਾਮੇਡੀ ਦਾ ਤੜਕਾ ਵੀ ਲਾਇਆ ਗਿਆ ਹੈ। ਫਿਲਮ ’ਚ ਰਾਜ ਅਤੇ ਤਿਪਤੀ ਤੋਂ ਇਲਾਵਾ ਮਲਿਕਾ ਸ਼ੇਰਾਵਤ, ਅਰਚਣਾ ਪੂਰਨ ਸਿੰਘ, ਮੁਕੇਸ਼ ਤਿਵਾੜੀ, ਰਾਕੇਸ਼ ਬੇਦੀ, ਟੀਕੂ ਤਲਸਾਨੀਆ ਅਹਿਮ ਭੂਮਿਕਾਵਾਂ ’ਚ ਨਜ਼ਰ ਆ ਰਹੇ ਹਨ। ਲਗਭਗ ਢਾਈ ਘੰਟੇ ਮਿਆਦ ਵਾਲੀ ਇਹ ਫਿਲਮ ਬਾਲਗ ਅਤੇ ਨਾਬਾਲਗ ਦੋਵਾਂ ਵਰਗਾਂ ਦੇ ਦਰਸ਼ਕਾਂ ਲਈ ਮਨੋਰੰਜਨ ਭਰਪੂਰ ਹੋ ਸਕਦੀ ਹੈ।