20.36C Vancouver 20.36C VancouverJan 11, 2024 4:18 PM - The Connect News
ਫਿਲਮਕਾਰ ਵਿਧੂ ਵਿਨੋਦ ਚੋਪੜਾ ਦੀ ਫਿਲਮ ‘12ਵੀਂ ਫੇਲ’ ਚੰਗੇ ਨਤੀਜਿਆਂ ਨਾਲ ਟਾਪ ’ਤੇ ਰਹੀ ਹੈ। ਵਿਕਰਾਂਤ ਮੈਸੀ ਸਟਾਰਰ ਬਾਇਓਗ੍ਰਾਫੀਕਲ ਡਰਾਮਾ ਲਗਾਤਾਰ ਦਿਲ ਜਿੱਤ ਰਹੀ ਹੈ।
ਇਹ ਫਿਲਮ ਹੁਣ ਆਈ.ਐੱਮ.ਡੀ.ਬੀ. ’ਤੇ ਹੁਣ ਤੱਕ ਦੀ ਸਭ ਤੋਂ ਉੱਚ ਦਰਜਾਬੰਦੀ ਵਾਲੀ ਭਾਰਤੀ ਫਿਲਮ ਬਣ ਗਈ ਹੈ। ਫਿਲਮ ਨੂੰ ਪਲੇਟਫਾਰਮ ’ਤੇ 9.2 ਰੇਟਿੰਗ ਦਿੱਤੀ ਗਈ ਹੈ, ਜਿਸ ਨੇ ‘ਓਪਨਹਾਈਮਰ’ (8.4) ਅਤੇ ’ਬਾਰਬੀ’ (6.9) ਵਰਗੀਆਂ ਵੱਡੀਆਂ 2023 ਰਿਲੀਜ਼ਾਂ ਨੂੰ ਪਿੱਛੇ ਛੱਡ ਦਿੱਤਾ ਹੈ।
ਆਈ.ਐੱਮ.ਡੀ.ਬੀ. ’ਤੇ ਟੌਪ 250 ਭਾਰਤੀ ਫਿਲਮਾਂ ਦੀ ਸੂਚੀ ’ਚ ‘12ਵੀਂ ਫੇਲ’ ਨੇ 10 ’ਚੋਂ 9.2 ਦੀ ਰੇਟਿੰਗ ਦੇ ਨਾਲ ਨੰਬਰ ਇਕ ਸਥਾਨ ਹਾਸਲ ਕੀਤਾ ਹੈ।
’12ਵੀਂ ਫੇਲ’ ਮਨੋਜ ਕੁਮਾਰ ਸ਼ਰਮਾ ਦੀ ਜੀਵਨੀ ’ਤੇ ਆਧਾਰਿਤ ਇੱਕ ਡਰਾਮਾ ਹੈ, ਜਿਸ ਨੇ ਗਰੀਬੀ ਨੂੰ ਮਾਤ ਦੇ ਕੇ ਆਈ.ਪੀ.ਐਸ. ਅਧਿਕਾਰੀ ਦਾ ਅਹੁਦਾ ਹਾਸਲ ਕੀਤਾ ਹੈ। ਵਿਧੂ ਵਿਨੋਦ ਚੋਪੜਾ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਵਿੱਚ ਵਿਕਰਾਂਤ ਮੈਸੀ ਅਤੇ ਮੇਧਾ ਸ਼ੰਕਰ ਮੁੱਖ ਭੂਮਿਕਾਵਾਂ ਵਿੱਚ ਹਨ।
