14.33C Vancouver 14.33C VancouverAug 19, 2024 3:56 PM - The Associated Press
ਇਟਲੀ ਦੇ ਤੱਟ ਕੋਲ ਸੋਮਵਾਰ ਸਵੇਰ ਇੱਕ ਲਗਜ਼ਰੀ ਬ੍ਰਿਟਿਸ਼ ਕਿਸ਼ਤੀ ਹਾਦਸਾਗ੍ਰਸਤ ਹੋ ਗਈ। ਇਹ ਕਿਸ਼ਤੀ 10 ਕਰੂ ਮੈਂਬਰ ਸਮੇਤ 12 ਲੋਕ ਨੂੰ ਲਿਜਾ ਰਹੀ ਸੀ, ਜੋ ਬਿ੍ਰਟਿਸ਼, ਅਮਰੀਕਨ ਤੇ ਕੈਨੇਡੀਅਨ ਨਾਗਰਿਕ ਸਨ। ਖਰਾਬ ਮੌਸਮ ਕਾਰਨ ਇਹ ਸਿਸਲੀ ਦੇ ਤੱਟ ਕੋਲ ਡੁੱਬ ਗਈ, ਜਦੋਂ ਇਹ ਘਟਨਾ ਵਾਪਰੀ ਤਾਂ ਇਹ ਬੰਦਰਗਾਹ ਤੋਂ ਲਗਭਗ 700 ਮੀਟਰ ਦੀ ਦੂਰੀ ’ਤੇ ਸੀ।
ਐਮਰਜੈਂਸੀ ਸਰਵਿਸ ਨੂੰ ਰੈਸਕਿਊ ਓਪਰੇਸ਼ਨ ਦੌਰਾਨ ਇੱਕ ਵਿਅਕਤੀ ਦੀ ਲਾਸ਼ ਬਰਾਮਦ ਹੋਈ ਤੇ ਛੇ ਹੋਰ ਲੋਕ ਲਾਪਤਾ ਹਨ, ਜਦੋਂ ਕਿ 15 ਲੋਕਾਂ ਨੂੰ ਨੇੜਿਓਂ ਲੰਘ ਰਹੇ ਡੱਚ ਫਲੈਗ ਵਾਲੇ ਸਮੁੰਦਰੀ ਜਹਾਜ਼ ਦੇ ਅਧਿਕਾਰੀਆਂ ਨੇ ਬਚਾਇਆ ਅਤੇ ਐਮਰਜੈਂਸੀ ਦੇ ਸਰਵਿਸ ਦੇ ਪਹੁੰਚਣ ਤੱਕ ਉਨ੍ਹਾਂ ਦੀ ਦੇਖਭਾਲ ਕੀਤੀ।
ਲੋਕਲ ਮੀਡੀਆ ਮੁਤਾਬਕ, ਬੇਸੀਅਨ ਨਾਮ ਦੀ ਕਿਸ਼ਤੀ ਰਾਤ ਵਿਚ ਆਏ ਭਾਰੀ ਤੂਫਾਨ ਕਾਰਨ ਡੁੱਬੀ। ਗੋਤਾਖੋਰਾਂ ਨੂੰ ਪਾਣੀ ਦੀ ਸਤ੍ਹਾ ਤੋਂ 50 ਮੀਟਰ ਹੇਠਾਂ ਮਲਬਾ ਮਿਲਿਆ ਅਤੇ ਲਾਪਤਾ ਲੋਕਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਸੇ ਮਲਬੇ ਦੇ ਬਾਹਰ ਇੱਕ ਵਿਅਕਤੀ ਦੀ ਲਾਸ਼ ਮਿਲੀ, ਜਿਸ ਦੀ ਪਛਾਣ ਬਾਰੇ ਅਜੇ ਪੁਸ਼ਟੀ ਨਹੀਂ ਹੋਈ ਹੈ। ਦੱਸਿਆ ਜਾਂਦਾ ਹੈ ਕਿ ਲਾਪਤਾ ਲੋਕਾਂ ਵਿਚ ਬ੍ਰਿਟਿਸ਼ ਕਾਰੋਬਾਰੀ ਮਾਈਕ ਲਿੰਚ ਵੀ ਸ਼ਾਮਲ ਹੈ।
