12.76C Vancouver 12.76C VancouverSep 3, 2021 12:15 AM -
ਮੈਟਰੋ ਵੈਨਕੂਵਰ 'ਚ 3 ਔਰਤਾਂ 'ਤੇ ਅਣਜਾਣ ਵਿਅਕਤੀ ਵੱਲੋਂ ਕੀਤੇ ਗਏ ਹਮਲੇ ਦੇ ਮਾਮਲੇ 'ਚ ਪੁਲਿਸ ਨੇ ਇੱਕ 15 ਸਾਲਾ ਲੜਕੇ ਨੂੰ ਗ੍ਰਿਫਤਾਰ ਕੀਤਾ ਹੈ।
ਬਰਨਬੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਉਨ੍ਹਾਂ ਟੀਨੇਜਰ ਲੜਕੇ ਨੂੰ ਇੱਕ ਸਕਾਈਟਰੇਨ ਸਟੇਸ਼ਨ ਤੋਂ ਨਿਕਲਦੇ ਹੋਏ ਗ੍ਰਿਫਤਾਰ ਕੀਤਾ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਲੜਕੇ ਖਿਲਾਫ ਜਿਨਸੀ ਹਮਲੇ ਦੇ ਦੋਸ਼ ਲਗਾਉਣ ਦੀ ਸਿਫਾਰਿਸ਼ ਕੀਤੀ ਗਈ ਹੈ।
ਅਧਿਕਾਰੀਆਂ ਨੇ ਇਹ ਸਪਸ਼ਟ ਨਹੀਂ ਕੀਤਾ ਹੈ ਕਿ ਆਖਿਰ ਇਸ ਸ਼ੱਕੀ ਤਕ ਪਹੁੰਚ ਕਿਵੇਂ ਕੀਤੀ ਗਈ।
ਹਾਲਾਂਕਿ ਇਹ ਜਰੂਰ ਦੱਸਿਆ ਗਿਆ ਹੈ ਕਿ ਇਹ ਜਾਂਚ ਬਰਨਬੀ ਆਰ.ਸੀ.ਐਮ.ਪੀ. ਸੀਰੀਅਸ ਕਰਾਈਮ ਯੂਨਿਟ (Burnaby RCMP Serious Crimes Unit), ਪਰੌਲੀਫਿਕ ਔਫੈਂਡਰ ਯੂਨਿਟ (Prolific Offender Unit), ਸਟ੍ਰਾਈਕ ਫੋਰਸ ਟੀਮ (Strike Force Team), ਇੰਵੈਸਟੀਗੇਟਿਵ ਸੱਪੋਰਟ ਟੀਮ (Investigative Support Team) ਅਤੇ ਨਿਊ ਵੈਸਟਮਿਨਸਟਰ ਪੁਲਿਸ ਡਿਪਾਰਟਮੈਂਟ (New Westminster Police Department) ਦਾ ਸਾਂਝਾ ਆਪਰੇਸ਼ਨ ਸੀ।
3 ਔਰਤਾਂ 'ਤੇ 28 ਅਗਸਤ, 31 ਅਗਸਤ ਅਤੇ 1 ਸਿਤੰਬਰ ਨੂੰ ਅਣਜਾਣ ਵਿਅਕਤੀ ਨੇ ਹਮਲਾ ਕੀਤਾ ਸੀ।
ਇਸ ਮਾਮਲੇ ਤੋਂ ਬਾਅਦ ਬੁੱਧਵਾਰ ਨੂੰ ਬਰਨਬੀ ਆਰ.ਸੀ.ਐਮ.ਪੀ. ਨੇ ਪਬਲਿਕ ਚੇਤਾਵਨੀ ਵੀ ਜਾਰੀ ਕੀਤੀ ਸੀ।
