13.98C Vancouver 13.98C VancouverOct 26, 2020 9:31 PM -
ਕਿਊਬੈਕ 'ਚ ਕੋਰੋਨਾ ਵਾਇਰਸ ਸੰਬੰਧੀ ਮਾਮਲੇ 1 ਲੱਖ ਤੋਂ ਪਾਰ ਹੋ ਗਏ ਹਨ।
ਸੂਬੇ ਦੇ ਕਈ ਇਲਾਕਿਆਂ 'ਚ ਵਧੇਰੇ ਪਬੰਦੀਆਂ ਵੀ ਲਗਾਈਆਂ ਗਈਆਂ ਹਨ, ਪਰ ਇਸ ਦੇ ਬਾਵਜੂਦ ਕਰੀਬ 200 ਜਿਮ, ਯੋਗਾ, ਡਾਂਸ ਸਟੂਡੀਓ ਅਤੇ ਮਾਰਸ਼ਲ ਆਰਟਸ ਬਿਜ਼ਨਸ ਨਾਲ ਸੰਬੰਧਤ ਗਰੁੱਪ ਨੇ ਆਪਣੇ ਦਰਵਾਜ਼ੇ ਖੋਲ੍ਹਣ ਦੀ ਗੱਲ ਆਖੀ ਹੈ।
ਇਹਨਾਂ ਦਾ ਕਹਿਣਾ ਹੈ ਕਿ ਪਬੰਦੀਆਂ ਦੀ ਪ੍ਰਵਾਹ ਨਾ ਕਰਦੇ ਹੋਏ, ਵਪਾਰਾਂ ਨੂੰ ਵੀਰਵਾਰ ਤੋਂ ਸ਼ੁਰੂ ਕੀਤਾ ਜਾਵੇਗਾ।
ਇਹਨਾਂ ਵੱਲੋਂ ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਨੂੰ ਮੰਗ ਕੀਤੀ ਗਈ ਹੈ ਕਿ 8 ਅਕਤੂਬਰ ਤੋਂ ਫਿਟਨੈਸ ਫੈਸਿਲਟੀਆਂ 'ਤੇ ਲਗਾਈ ਗਈ ਪਬੰਦੀ ਨੂੰ ਹਟਾਇਆ ਜਾਵੇ।
ਇੱਕ ਬਿਆਨ 'ਚ ਕਿਹਾ ਗਿਆ ਕਿ ਇਹ ਫੈਸਿਲਟੀਆਂ ਕਿਸੇ ਆਊਟਬ੍ਰੇਕ ਦਾ ਕਾਰਨ ਨਹੀਂ ਸਨ, ਅਤੇ ਇਹ ਲੋਕਾਂ ਦੀ ਸ਼ਰੀਰਕ ਅਤੇ ਮਾਨਸਿਕ ਸਿਹਤ 'ਚ ਚੰਗਾ ਯੋਗਦਾਨ ਪਾਉਂਦੀਆਂ ਹਨ।
ਇਨ੍ਹਾਂ ਦਾ ਕਹਿਣਾ ਹੈ ਕਿ ਲੌਕਡਾਊਨ ਦੇ ਹਾਲਾਤ ਇਹਨਾਂ ਦੇ ਵਪਾਰ ਬੰਦ ਕਰਵਾ ਦੇਣਗੇ।
ਇਹ ਵੀ ਕਿਹਾ ਗਿਆ ਕਿ ਸਿਹਤ ਸੰਬੰਧੀ ਨਿਰਦੇਸ਼ਾਂ ਦੀ ਪਾਲਣਾ ਕਰਨ ਲਈ ਇਹਨਾਂ ਵੱਲੋਂ ਵੱਡੇ ਨਿਵੇਸ਼ ਕੀਤੇ ਗਏ ਹਨ।
ਇਹ ਵੀ ਕਿਹਾ ਗਿਆ ਕਿ ਜੇਕਰ ਅਧਿਕਾਰੀ ਸਾਬਿਤ ਕਰ ਦੇਣ ਕਿ ਇਹਨਾਂ ਵਪਾਰਾਂ ਕਾਰਨ ਆਊਟਬ੍ਰੇਕ ਹੋ ਰਹੇ ਹਨ ਤਾਂ ਉਹ ਵਪਾਰ ਨਹੀਂ ਖੋਲ੍ਹਣਗੇ।
