16.93C Vancouver 16.93C VancouverFeb 7, 2022 11:25 PM - Connect News
ਬੀ.ਸੀ. 'ਚ ਨਵੰਬਰ ਦੇ ਮਹੀਨੇ 'ਚ ਹੜ੍ਹਾਂ ਵਿਚਾਲੇ ਨੁਕਸਾਨ ਝੱਲਣ ਵਾਲੇ ਕਿਸਾਨਾਂ ਲਈ ਰਾਹਤ ਪੈਕੇਜ ਦਾ ਐਲਾਨ ਕੀਤਾ ਗਿਆ ਹੈ।
ਹੜ੍ਹਾਂ ਦੇ ਮਾਰ ਝੱਲਣ ਵਾਲੇ ਕਿਸਾਨਾਂ ਲਈ $228 ਮਿਲੀਅਨ ਦੇ ਰਾਹਤ ਪੈਕੇਜ ਦਾ ਐਲਾਨ ਕੀਤਾ ਗਿਆ ਹੈ।
ਖੇਤਾਂ ਸੰਬੰਧੀ ਮਦਦ ਲਈ ਇਸ ਫੈਡਰਲ-ਪ੍ਰੋਵਿੰਸ਼ੀਅਲ ਸੱਪੋਰਟ ਨੂੰ ਹਾਸਿਲ ਕੀਤਾ ਜਾ ਸਕੇਗਾ।
ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਦੇ ਨਾਲ ਖੇਤਾਂ ਨੂੰ ਫਿਰ ਤੋਂ ਉਪਜਾਊ ਬਣਾਉਣ ਅਤੇ ਸੂਬੇ 'ਚ ਆਉਂਦੇ ਸਾਲਾਂ 'ਚ ਫੂਡ ਸਿਕਿਉਰਿਟੀ ਅਤੇ ਖੇਤੀਬਾੜੀ ਨਾਲ ਜੁੜੇ ਭਾਈਚਾਰੇ ਨੂੰ ਸਹਿਯੋਗ ਹਾਸਿਲ ਹੋ ਸਕੇਗਾ।
ਫੈਡਰਲ ਖੇਤੀਬਾੜੀ ਮੰਤਰੀ, ਮੈਰੀ ਕਲੌਡ ਬੀਬੋ ਅਤੇ ਬੀ.ਸੀ. ਦੀ ਐਗਰੀਕਲਚਰ ਮੰਤਰੀ, ਲਾਨਾ ਪੌਪਹਮ ਨੇ ਇਸ ਸੰਬੰਧੀ ਐਲਾਨ ਕੀਤਾ।
ਮੰਤਰੀਆਂ ਨੇ ਦੱਸਿਆ ਕਿ ਸੂਬੇ 'ਚ ਸਹਿਯੋਗ ਲਈ ਕੈਨੇਡਾ-ਬੀ.ਸੀ. ਫਲੱਡ ਰਿਕਵਰੀ ਫਾਰ ਫੂਡ ਸਿਕਿਉਰਿਟੀ ਪ੍ਰੋਗਰਾਮ 'ਚ ਰਾਸ਼ੀ ਪ੍ਰਦਾਨ ਕੀਤੀ ਜਾ ਰਹੀ ਹੈ।
ਮੈਰੀ ਕਲੌਡ ਬੀਬੋ ਨੇ ਕਿਹਾ ਕਿ ਬੀ.ਸੀ. ਦੇ ਖੇਤੀਬਾੜੀ ਭਾਈਚਾਰੇ ਨੇ ਮਜਬੂਤੀ ਅਤੇ ਦ੍ਰਿੜਤਾ ਨਾਲ ਹੜ੍ਹਾਂ ਦਾ ਸਾਹਮਣਾ ਕੀਤਾ ਹੈ ਅਤੇ ਉਸ ਤੋਂ ਅੱਗੇ ਵਧਣਾ ਜਾਰੀ ਰੱਖਿਆ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਰਿਕਵਰੀ ਦਾ ਰਸਤਾ ਲੰਮਾ ਹੈ ਅਤੇ ਇਸ 'ਚ ਫੈਡਰਲ ਸਰਕਾਰ ਬੀ.ਸੀ. ਸਰਕਾਰ ਦੇ ਨਾਲ ਮਿਲ ਕੇ ਕੰਮ ਕਰੇਗੀ।
ਬੀ.ਸੀ. ਸਰਕਾਰ ਵੱਲੋਂ ਜਾਰੀ ਜਾਣਕਾਰੀ ਲਈ ਲਿੰਕ ਕਲਿਕ ਕਰੋ:
