20.12C Vancouver 20.12C VancouverMay 14, 2021 11:19 PM -
ਬਰਨਬੀ 'ਚ ਬੀਤੇ ਕੱਲ ਹੋਈ ਜਾਨਲੇਵਾ ਸ਼ੂਟਿੰਗ ਦੇ ਮਾਮਲੇ 'ਚ ਪੀੜਤ ਵਿਅਕਤੀ ਦੀ ਪਛਾਣ ਹੋ ਗਈ ਹੈ।
ਇਸ ਵਾਰਦਾਤ 'ਚ ਜਾਨ ਗਵਾਉਣ ਵਾਲੇ ਵਿਅਕਤੀ ਦੀ ਪਛਾਣ ਜਸਕੀਰਤ ਕਲਕਟ ਵਜੋਂ ਹੋਈ ਹੈ।
ਪੀੜਤ ਵਿਅਕਤੀ ਦੀ ਉਮਰ 23 ਸਾਲ ਸੀ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਦੇ ਸਰਜੇਂਟ ਫਰੈਂਕ ਜੈਂਗ ਦਾ ਕਹਿਣਾ ਸੀ ਕਿ ਘਟਨਾ ਤੋਂ ਕੁਝ ਸਮੇਂ ਬਾਅਦ ਉਨ੍ਹਾਂ ਨੂੰ ਰਾਤ ਕਰੀਬ 9 ਵਜੇ ਸਰੀ ਆਰ.ਸੀ.ਐਮ.ਪੀ. ਤੋਂ ਜਾਣਕਾਰੀ ਮਿਲੀ ਸੀ ਕਿ ਇੱਕ ਵਾਹਨ ਨੂੰ ਅੱਗ ਦੇ ਹਵਾਲੇ ਕੀਤੇ ਪਾਇਆ ਗਿਆ ਹੈ।
ਰਾਤ ਕਰੀਬ 9 ਵਜੇ ਇੱਕ ਚਿੱਟੇ ਰੰਗ ਦੀ ਐਸ.ਯੂ.ਵੀ. ਨੂੰ 18 ਐਵੀਨਿਊ ਦੇ 18500 ਬਲੌਕ 'ਚ ਅੱਗ ਦੇ ਹਵਾਲੇ ਕੀਤੇ ਪਾਇਆ ਗਿਆ।
ਉਨ੍ਹਾਂ ਦੱਸਿਆ ਕਿ ਘਟਨਾ 'ਚ 2 ਲੋਕ ਜ਼ਖਮੀ ਵੀ ਹੋਏ ਹਨ ਜਿੰਨਾ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਸਰਜੇਂਟ ਫਰੈਂਕ ਜੈਂਗ ਨੇ ਕਿਹਾ ਕਿ ਮਾਮਲੇ 'ਚ ਜਾਂਚ ਜਾਰੀ ਹੈ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਇਹ ਹਮਲਾ ਟਾਰਗੈਟਿਡ ਸੀ ਅਤੇ ਇਸ 'ਚ ਜ਼ਖਮੀ ਲੋਕਾਂ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ ਸੀ।
ਯਾਦ ਰਹੇ ਇਸ ਘਟਨਾ ਨੂੰ ਰਾਤ ਕਰੀਬ 8.30 ਵਜੇ ਮਾਰਕਿਟ ਕ੍ਰੌਸਿੰਗ ਸ਼ਾਪਿੰਗ ਕੰਪਲੈਕਸ ਕੋਲ ਕੈਕਟਸ ਕਲੱਬ ਰੈਸਟੂਰੈਂਟ ਕੋਲ ਅੰਜਾਮ ਦਿੱਤਾ ਗਿਆ ਸੀ।
