15.58C Vancouver 15.58C VancouverFeb 5, 2020 3:22 PM -
ਜਪਾਨ ਦੇ ਤੱਟ ਤੇ ਇੱਕ ਸਮੁੰਦਰੀ ਜਹਾਜ਼ ਨੂੰ ਕਰੋਨਾਵਾਇਰਸ ਦੇ ਫੈਲਣ ਦੇ ਖਤਰੇ ਕਾਰਨ ਕੁਆਰੰਟੀਨ ਕਰ ਦਿੱਤਾ ਗਿਆ ਹੈ।
ਇਸ ਸਮੁੰਦਰੀ ਜਹਾਜ਼ ਵਿੱਚ 251 ਕਨੇਡੀਅਨ ਯਾਤਰੀ ਹਨ।
ਪ੍ਰਿੰਸੇਸ ਕਰੂਜ਼ਿਜ਼ (Princess Cruises) ਦੀ ਸਟੇਟਮੈਂਟ ਮੁਤਾਬਕ 10 ਵਿਅਕਤੀਆਂ ਨੂੰ ਕਰੋਨਾਵਾਇਰਸ ਵਾਸਤੇ ਪਾਜ਼ਟਿਵ ਟੈਸਟ ਕੀਤਾ ਗਿਆ ਪਰ ਇਨ੍ਹਾਂ ਵਿੱਚੋਂ ਕੋਈ ਵੀ ਕਨੇਡੀਅਨ ਨਹੀਂ ਹੈ।
ਇਸ ਸਮੁੰਦਰੀ ਜਹਾਜ਼ ਉੱਤੇ 2,666 ਯਾਤਰੀ ਅਤੇ 1,045 ਕਰੂ ਮੈਂਬਰ ਮੌਜੂਦ ਹਨ, ਜਿਨ੍ਹਾਂ ਨੂੰ ਯੋਕੋਹਾਮਾ ਵਿਖੇ 14 ਦਿਨਾਂ ਲਈ ਕੁਆਰੰਟੀਨ ਰੱਖਿਆ ਜਾਵੇਗਾ।
ਸਟੇਟਮੈਂਟ ਵਿੱਚ ਇਹ ਵੀ ਕਿਹਾ ਗਿਆ ਕਿ ਪ੍ਰਿੰਸੇਸ ਕਰੂਜ਼ਿਜ਼ ਅੰਤਰਰਾਸ਼ਟਰੀ ਸਿਹਤ ਅਧਿਕਾਰੀਆਂ ਅਤੇ ਜਪਾਨੀ ਸਰਕਾਰ ਵੱਲੋਂ ਦਿੱਤੀਆਂ ਹਦਾਇਤਾਂ ਉੱਤੇ ਲਗਾਤਾਰ ਅਮਲ ਕਰੇਗੀ।
ਕਰੋਨਾਵਾਇਰਸ ਜੋ ਕਿ ਚੀਨ ਵਿੱਚ ਸ਼ੁਰੂ ਹੋਇਆ ਸੀ ਹੁਣ ਤੱਕ ਦੇਸ਼ਾਂ ਵਿਦੇਸ਼ਾਂ ਵਿੱਚ 24,500 ਲੋਕਾਂ ਨੂੰ ਪ੍ਰਭਾਵਿਤ ਕਰ ਚੁੱਕਾ ਹੈ ਅਤੇ ਇਸ ਨਾਲ ਹੁਣ ਤੱਕ ਹੁਬਈ ਸੂਬੇ ਵਿੱਚ 490 ਵਿਅਕਤੀ ਮਾਰੇ ਜਾ ਚੁੱਕੇ ਹਨ ਅਤੇ
ਇੱਕ ਵਿਅਕਤੀ ਦੀ ਮੌਤ ਹਾਂਗਕਾਂਗ ਵਿੱਚ ਹੋਈ ਹੈ।
ਹਾਂਗਕਾਂਗ ਦੇ ਇੱਕ ਅਧਿਕਾਰੀ ਮੁਤਾਬਕ, ਇੱਕ ਹੋਰ ਸਮੁੰਦਰੀ ਜਹਾਜ਼ ਜਿਸ ਵਿੱਚ 18,00 ਲੋਕ ਸਫਰ ਕਰ ਰਹੇ ਹਨ ਅਤੇ ਜਿਸ ਨੂੰ ਤਾਈਵਾਨ ਬੰਦਰਗਾਹ ਤੋਂ ਵਾਪਸ ਮੋੜ ਦਿੱਤਾ ਗਿਆ ਸੀ ਨੂੰ ਵੀ ਕੁਆਰੰਟੀਨ ਕੀਤਾ ਗਿਆ ਹੈ।
