13.99C Vancouver 13.99C VancouverJan 20, 2021 8:31 PM -
ਇੰਟੀਰੀਅਰ ਹੈਲਥ ਨਾਲ ਸੰਬੰਧਤ ਇੱਕ ਮੈਡਿਕਲ ਹੈਲਥ ਅਫ਼ਸਰ ਦਾ ਕਹਿਣਾ ਹੈ ਕਿ ਕੈਲੋਨਾ ਦੇ ਸਕੀ ਰਿਜ਼ਾਰਟ 'ਚ ਕੰਮ ਕਰਦੇ ਜਾਂ ਇਸ ਦੇ ਨੇੜੇ ਰਹਿੰਦੇ ਲੋਕਾਂ 'ਚ ਅਜੇ ਵੀ ਕੋਵਿਡ-19 ਫੈਲ ਰਿਹਾ ਹੈ।
ਡਾ. ਸਿਲਵੀਨਾ ਮੇਮਾ ਦਾ ਕਹਿਣਾ ਹੈ ਕਿ ਹੈਲਥ ਅਥਾਰਿਟੀ 'ਬਿਗ ਵਾਈਟ ਰਿਜ਼ਾਰਟ' ਕੋਲ ਵੱਡੇ ਪੱਧਰ 'ਤੇ ਟੈਸਟ ਕਰ ਰਹੀ ਹੈ।
ਬੀਤੇ ਹਫ਼ਤੇ ਉਜਾਗਰ ਹੋਏ ਕਲਸਟਰ ਨਾਲ ਸੰਬੰਧਤ ਹੁਣ 28 ਹੋਰ ਮਾਮਲੇ ਸਾਹਮਣੇ ਆਏ ਹਨ।
ਇਸ ਦੇ ਨਾਲ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ 203 ਤੱਕ ਪਹੁੰਚ ਗਈ ਹੈ।
ਇਸ 'ਚ 43 ਮਾਮਲੇ ਐਕਟਿਵ ਦੱਸੇ ਗਏ ਹਨ।
ਸਕੀ ਰਿਜ਼ਾਰਟ ਅਤੇ ਲੋਕਲ ਅਥਾਰਿਟੀਸ ਵੱਲੋਂ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਸੰਕ੍ਰਮਣ ਦੇ ਮਾਮਲਿਆਂ ਬਾਰੇ ਪਤਾ ਕੀਤਾ ਜਾ ਸਕੇ।
ਬਿਗ ਵਾਈਟ ਨੇ ਦੱਸਿਆ ਹੈ ਕਿ ਇੰਟੀਰੀਅਰ ਹੈਲਥ ਦੀ ਔਨਲਾਈਨ ਅਪਡੇਟ ਤੋਂ ਪਤਾ ਚਲਦਾ ਹੈ ਕਿ ਵਧੇਰੇ ਪੀੜਤ ਪਹਾੜੀ 'ਤੇ ਕੰਮ ਕਰਦੇ ਸਨ।
