11.93C Vancouver 11.93C VancouverFeb 19, 2020 2:47 AM -
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਜਾਪਾਨ ਦੇ ਕੋਲ ਕੁਆਰੰਟੀਨ ਕੀਤੇ ਗਏ ਕਰੂਜ਼ ਸ਼ਿਪ 'ਤੇ ਹੁਣ ਤਕ 43 ਕਨੇਡੀਅਨਸ ਨੂੰ ਕੋਵਿਡ-19, ਯਾਨੀ ਕਿ ਕੋਰੋਨਾ ਵਾਇਰਸ ਦੇ ਨਾਲ ਪੀੜਤ ਪਾਇਆ ਗਿਆ ਹੈ।
ਇਹ ਖਬਰਾਂ ਉਸ ਵੇਲੇ ਆ ਰਹੀਆਂ ਹਨ, ਜਦ ਕਰੀਬ 200 ਤੋਂ ਵੱਧ ਕਨੇਡੀਅਨਸ ਨੂੰ ਫੈਡਰਲ ਸਰਕਾਰ ਵੱਲੋਂ ਭੇਜੇ ਜਾ ਰਹੇ ਇੱਕ ਹਵਾਈ ਜਹਾਜ਼ 'ਤੇ ਵਾਪਿਸ ਦੇਸ਼ ਲਿਆਉਣ ਦੀ ਤਿਆਰੀ ਹੋ ਚੁੱਕੀ ਹੈ।
ਇਹ 200 ਤੋਂ ਵੱਧ ਓਹ ਕਨੇਡੀਅਨ ਯਾਤਰੀ ਹਨ, ਜੋ ਅਜੇ ਤਕ ਇਸ ਬਿਮਾਰੀ ਤੋਂ ਬਚੇ ਹਨ।
ਖਬਰਾਂ ਹਨ ਕਿ ਇਨ੍ਹਾਂ ਲੋਕਾਂ ਨੂੰ ਲੈਕੇ ਕਨੇਡੀਅਨ ਹਵਾਈ ਜਹਾਜ਼ ਵੀਰਵਾਰ ਨੂੰ ਉਡਾਣ ਭਰੇਗਾ।
ਹਾਲਾਂਕਿ ਫੈਡਰਲ ਸਿਹਤ ਮੰਤਰੀ ਪੈਟੀ ਹਾਏਡੂ ਦਾ ਕਹਿਣਾ ਹੈ ਕਿ ਸਮੁੰਦਰੀ ਜਹਾਜ਼ 'ਤੇ ਕੁਝ ਅਜਿਹੇ ਲੋਕ ਵੀ ਹਨ, ਜੋ ਕਿ ਬਿਮਾਰ ਹੋਏ ਆਪਣੇ ਪਰਿਵਾਰਿਕ ਲੋਕਾਂ ਦੇ ਨਾਲ ਹੀ ਰਹਿਣਾ ਚਾਹੁੰਦੇ ਹਨ।
ਯਾਦ ਰਹੇ ਇਸ ਸਮੁੰਦਰੀ ਜਹਾਜ਼ 'ਤੇ ਹੁਣ ਤਕ 450 ਲੋਕ ਇਸ ਵਾਇਰਸ ਨਾਲ ਪੀੜਤ ਪਾਏ ਜਾ ਚੁੱਕੇ ਹਨ।
