12.46C Vancouver 12.46C VancouverJan 28, 2021 3:30 AM -
ਅੱਜ ਬੀ.ਸੀ. 'ਚ ਕੋਵਿਡ-19 ਦੇ 485 ਹੋਰ ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਦੁੱਖ ਦੀ ਗੱਲ ਸੀ ਕਿ 4 ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਬਾਰੇ ਦੱਸਿਆ ਗਿਆ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 65,719 ਤੱਕ ਪਹੁੰਚ ਗਈ ਹੈ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਅੱਜ ਦੇ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 1,172 ਹੋ ਗਈ ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ 4,299 ਤੱਕ ਪਹੁੰਚ ਗਏ ਹਨ।
ਕੁੱਲ 303 ਲੋਕ ਹਸਪਤਾਲ 'ਚ ਦਾਖਿਲ ਹਨ ਤੇ ਇਸ 'ਚ 74 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਬੀ.ਸੀ. 'ਚ 124,365 ਲੋਕਾਂ ਨੂੰ ਮਿਲ ਚੁੱਕੀ ਵੈਕਸੀਨ
ਹੁਣ ਤੱਕ ਬੀ.ਸੀ. 'ਚ ਕੋਵਿਡ-19 ਵੈਕਸੀਨ ਦੀਆਂ 124,365 ਖੁਰਾਕਾਂ ਤੋਂ ਵਧੇਰੇ ਗਿਣਤੀ ਪ੍ਰਦਾਨ ਕੀਤੀ ਜਾ ਚੁੱਕੀ ਹੈ।
ਇਸ 'ਚ 4,160 ਲੋਕਾਂ ਤੱਕ ਵੈਕਸੀਨ ਦੀਆਂ ਦੂਜੀਆਂ ਖੁਰਾਕਾਂ ਪਹੁੰਚ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਬੁੱਧਵਾਰ ਤੱਕ ਦੇ ਅੰਕੜਿਆਂ ਅਨੁਸਾਰ ਬੀ.ਸੀ. ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਦਾ ਕਹਿਣਾ ਹੈ ਕਿ ਹੁਣ ਤੱਕ ਸੂਬੇ 'ਚ ਕੁੱਲ 1,44,550 ਵੈਕਸੀਨ ਖੁਰਾਕਾਂ ਡਿਲਿਵਰ ਹੋ ਚੁੱਕੀਆਂ ਹਨ।
ਯਾਦ ਰਹੇ ਵੀਰਵਾਰ ਦੁਪਹਿਰ 3 ਵਜੇ ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਵੱਲੋਂ ਬੀਤੇ ਨਿਊਜ਼ ਕਾਨਫਰੰਸ ਕਰ ਕੋਵਿਡ-19 ਸੰਬੰਧੀ ਅੰਕੜੇ ਸਾਂਝੇ ਕੀਤੇ ਜਾਣਗੇ।
ਕੋਵਿਡ-19 ਵੈਕਸੀਨ ਦੀ ਡਿਲੀਵਰੀ 'ਚ ਪਏ ਵਿਘਨ ਕਾਰਨ ਵੈਕਸੀਨ ਦੀਆਂ ਦੋਨਾਂ ਖੁਰਾਕਾਂ ਵਿਚਾਲੇ ਦੇ ਫਰਕ ਨੂੰ 42 ਦਿਨ ਤੱਕ ਵਧਾਇਆ ਜਾ ਰਿਹਾ ਹੈ।
ਪਹਿਲਾਂ 35 ਦਿਨ ਦੇ ਫਰਕ 'ਤੇ ਦੂਜੀ ਖੁਰਾਕ ਦੇਣ ਦੀ ਗੱਲ ਆਖੀ ਗਈ ਸੀ।
ਫਰੇਜ਼ਰ ਵੈਲੀ ਦੀ ਇੱਕ ਹੋਰ ਜੇਲ੍ਹ 'ਚ ਆਊਟਬ੍ਰੇਕ ਐਲਾਨਿਆ
ਫਰੇਜ਼ਰ ਵੈਲੀ ਦੀ ਇੱਕ ਹੋਰ ਜੇਲ੍ਹ 'ਚ ਕੋਵਿਡ-19 ਆਊਟਬ੍ਰੇਕ ਐਲਾਨੀ ਗਈ ਹੈ।
ਬੁੱਧਵਾਰ ਨੂੰ ਜਾਰੀ ਇੱਕ ਪ੍ਰੈਸ ਰਿਲੀਜ਼ 'ਚ ਫਰੇਜ਼ਰ ਹੈਲਥ ਨੇ ਆਊਟਬ੍ਰੇਕ ਦਾ ਐਲਾਨ ਕੀਤਾ।
ਮੇਪਲ ਰਿਜ ਦੇ ਫਰੇਜ਼ਰ ਵੈਲੀ ਰੀਜਨਲ ਕ੍ਰੈਕਸ਼ਨਲ ਫੈਸਿਲਿਟੀ 'ਚ ਹਿਰਾਸਤ 'ਚ ਰੱਖੇ 9 ਲੋਕ ਅਤੇ 2 ਸਟਾਫ਼ ਮੈਂਬਰ ਪੀੜਤ ਪਾਏ ਗਏ ਹਨ।
ਸ਼ਨੀਵਾਰ ਤੱਕ ਫੈਸਿਲਟੀ 'ਚ ਜਾਰੀ ਮਾਮਲਿਆਂ ਦੀ ਗਿਣਤੀ 8 ਦੱਸੀ ਗਈ ਸੀ। \
ਉਸ ਵੇਲੇ ਫੈਸਿਲਟੀ 'ਚ ਆਊਟਬ੍ਰੇਕ ਨਹੀਂ ਐਲਾਨੀ ਗਈ ਸੀ।
ਫਰੇਜ਼ਰ ਹੈਲਥ ਰਿਜਨ 'ਚ ਕਿਸੇ ਕ੍ਰੈਕਸ਼ਨਲ ਫੈਸਿਲਟੀ 'ਚ ਐਲਾਨੀ ਗਈ ਇਹ ਤੀਜੀ ਆਊਟਬ੍ਰੇਕ ਹੈ।
