10.13C Vancouver 10.13C VancouverMay 26, 2020 2:53 AM -
ਅੱਜ ਤੋਂ ਭਾਰਤ 'ਚ ਘਰੇਲੂ ਜਹਾਜ਼ਾਂ ਦੀ ਸੇਵਾ ਵੀ ਲੌਕਡਾਊਨ ਦੌਰਾਨ ਬਹਾਲ ਕਰ ਦਿੱਤੀ ਗਈ ਹੈ।
ਅਨੇਕਾਂ ਯਾਤਰੀ ਉਡਾਣ ਰਾਹੀਂ ਆਪਣੇ ਘਰਾਂ ਨੂੰ ਪਹੁੰਚ ਗਏ ਹਨ।
ਇਸ ਦੌਰਾਨ ਇੱਕ ਪੰਜ (5) ਸਾਲਾ ਬੱਚਾ ਵੀ ਉਡਾਣ ਵਿੱਚ ਦਿੱਲੀ ਤੋਂ ਬੈਂਗਲੁਰੂ ਪਹੁੰਚਿਆ ਅਤੇ ਕਰੀਬ ਤਿੰਨ ਮਹੀਨਿਆਂ ਬਾਅਦ ਆਪਣੀ ਮਾਂ ਨੂੰ ਮਿਲਿਆ।
ਭਾਰਤ 'ਚ ਲੌਕਡਾਊਨ ਕਾਰਨ ਇਹ ਬੱਚਾ ਤਿੰਨ ਮਹੀਨਿਆਂ ਤੋਂ ਦਿੱਲੀ ਵਿੱਚ ਆਪਣੇ ਨਾਨਾ-ਨਾਨੀ ਦੇ ਨਾਲ ਸੀ ਅਤੇ ਆਪਣੀ ਮਾਂ ਕੋਲ ਨਹੀਂ ਪਹੁੰਚ ਪਾਇਆ ਸੀ।
ਪੰਜ ਸਾਲ ਦੇ ਬੱਚੇ ਦਾ ਨਾਮ ਵਿਹਾਨ ਸ਼ਰਮਾ ਹੈ।
ਵਿਹਾਨ ਦੀ ਮਾਂ ਆਪਣੇ ਬੇਟੇ ਨੂੰ ਲੈਣ ਲਈ ਬੈਂਗਲੁਰੂ ਦੇ ਹਵਾਈ ਅੱਡੇ ਪਹੁੰਚੀ।
ਮਾਸਕ-ਦਸਤਾਨੇ ਅਤੇ ਹੱਥ ਵਿੱਚ ਸਪੈਸ਼ਲ ਕੈਟੇਗਰੀ (ਖਾਸ ਵਰਗ) ਦਾ ਸਟਿੱਕਰ ਪਹਿਨ ਕੇ ਵਿਹਾਨ ਹਵਾਈ ਅੱਡੇ ਦੇ ਬਾਹਰ ਪਹੁੰਚਿਆ।
ਉਸ ਦੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਹਵਾਈ ਅੱਡੇ ਦੇ ਬਾਹਰ ਕਈ ਪੱਤਰਕਾਰਾਂ ਨੇ ਵਿਹਾਨ ਨੂੰ ਘੇਰ ਲਿਆ ਅਤੇ ਉਸ ਦੀ ਯਾਤਰਾ ਬਾਰੇ ਉਸ ਤੋਂ ਜਾਨਣ ਦੀ ਕੋਸ਼ਿਸ਼ ਕੀਤੀ।
