13.67C Vancouver 13.67C VancouverJul 22, 2020 12:30 AM -
ਭਾਰਤ ਦੇ ਸੂਬੇ ਝਾਰਖੰਡ ਦੇ ਧਨਬਾਦ 'ਚ ਕੋਵਿਡ-19 ਨੇ ਇੱਕੋ ਪ੍ਰੀਵਬਰ ਦੇ 6 ਲੋਕਾਂ ਦੀ ਜਾਨ ਲੈ ਲਈ ਹੈ।
ਮੰਗਲਵਾਰ ਨੂੰ ਅਧਿਕਾਰੀਆਂ ਨੇ ਮਾਮਲੇ ਸੰਬੰਧੀ ਜਾਣਕਾਰੀ ਜਾਰੀ ਕੀਤੀ।
ਹਾਲਾਂਕਿ ਇਨ੍ਹਾਂ ਸਾਰੇ ਪਰਿਵਾਰਿਕ ਮੈਂਬਰਾਂ ਦੀ ਉਮਰ 60 ਸਾਲ ਤੋਂ ਵਧੇਰੇ ਸੀ।
ਸਿਵਿਲ ਸਰਜਨ ਗੋਪਾਲ ਦਾਸ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਵਾਇਰਸ ਲਈ ਪਾਜ਼ਿਟਿਵ ਪਾਏ ਗਏ ਇੱਕੋ ਪਰਿਵਾਰ ਦੇ 6 ਲੋਕਾਂ ਨੇ ਦਮ ਤੋੜ ਦਿੱਤਾ ਹੈ।
ਇਸੇ ਪਰਿਵਾਰ ਦੇ ਦੋ ਹੋਰ ਮੈਂਬਰਾਂ ਨੂੰ ਵੀ ਪਾਜ਼ਿਟਿਵ ਪਾਇਆ ਗਿਆ ਹੈ, ਪਰ ਉਨ੍ਹਾਂ ਦੀ ਹਾਲਤ ਸਥਿਰ ਦੱਸੀ ਗਈ ਹੈ।
ਉਨ੍ਹਾਂ ਦੱਸਿਆ ਕਿ ਮਾਮਲਾ ਉਜਾਗਰ ਹੋਣ ਤੋਂ ਬਾਅਦ ਕੰਟੈਕਟ ਟ੍ਰੇਸਿੰਗ ਵੀ ਕੀਤੀ ਜਾ ਰਹੀ ਹੈ।
ਪਹਿਲਾਂ 4 ਜੁਲਾਈ ਨੂੰ ਪਰਿਵਾਰ ਦੀ 88 ਸਾਲਾ ਮੈਂਬਰ ਨੇ ਦਮ ਤੋੜ ਦਿੱਤਾ।
ਇਸ ਮਾਂ ਦੀ ਮੌਤ ਤੋਂ ਬਾਅਦ ਉਸ ਦੇ 5 ਪੁੱਤਰਾਂ ਦੀ ਵੀ ਮੌਤ ਹੋ ਗਈ ਹੈ।
ਜਾਨ ਗਵਾਉਣ ਵਾਲੇ ਪੁੱਤਰਾਂ ਦੀ ਉਮਰ 65 ਸਾਲ, 67 ਸਾਲ, 72 ਸਾਲ, 70 ਸਾਲ ਅਤੇ 60 ਸਾਲ ਦੀ ਸੀ।
ਇਨ੍ਹਾਂ ਨੇ ਵੱਖੋ-ਵੱਖਰੇ ਹਸਪਤਾਲਾਂ 'ਚ ਦਮ ਤੋੜ ਦਿੱਤਾ।
ਵਾਇਰਸ ਲਈ ਪਾਜ਼ਿਟਿਵ ਪਾਏ ਜਾਣ ਤੋਂ 10 ਦਿਨ ਵਿਚਾਲੇ ਹੀ ਇਨ੍ਹਾਂ ਦੀ ਮੌਤ ਹੋ ਜਾਣ ਬਾਰੇ ਦੱਸਿਆ ਗਿਆ ਹੈ।
