20.04C Vancouver 20.04C VancouverMar 14, 2020 1:23 AM -
ਕੋਰੋਨਾ ਵਾਇਰਸ ਨਾਲ ਪੀੜਤਭਾਰਤ 'ਚ ਦੂਜੇ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਜਾਨ ਗਵਾਉਣ ਦਾ ਇਹ ਮਾਮਲਾ ਦਿੱਲੀ ਨਾਲ ਸੰਬੰਧਤ ਹੈ।
ਦਿੱਲੀ 'ਚ ਇੱਕ 68 ਸਾਲਾ ਔਰਤ ਦੀ ਜਾਨ ਚਲੀ ਗਈ ਹੈ।
ਦੱਸਿਆ ਗਿਆ ਹੈ ਕਿ ਔਰਤ ਡਾਇਬਿਟੀਜ਼ ਅਤੇ ਹਾਈਪਰਟੈਨਸ਼ਨ ਨਾਲ ਵੀ ਜੂਝ ਰਹੀ ਸੀ।
ਹਾਲਾਂਕਿ ਔਰਤ ਨੂੰ ਕੋਰੋਨਾ ਵਾਇਰਸ ਨਾਲ ਪੀੜਤ ਪਾਇਆ ਗਿਆ ਸੀ।
ਸਿਹਤ ਮੰਤਰਾਲੇ ਨੇ ਸ਼ੁੱਕਰਵਾਰ ਨੂੰ ਇਸ ਸੰਬੰਧੀ ਜਾਣਕਾਰੀ ਜਾਰੀ ਕੀਤੀ ਹੈ।
ਮ੍ਰਿਤਕ ਔਰਤ ਆਪਣੇ ਪੁੱਤਰ ਦੇ ਸੰਪਰਕ 'ਚ ਆਈ ਸੀ।
ਪੀੜਤ ਦਾ ਪੁੱਤਰ ਵਿਦੇਸ਼ ਤੋਂ ਪਰਤਿਆ ਸੀ, ਅਤੇ ਉਸਨੂੰ ਕੋਵਿਡ-19 ਨਾਲ ਪੀੜਤ ਪਾਇਆ ਗਿਆ ਸੀ।
ਔਰਤ ਦਾ ਇਲਾਜ ਰਾਮ ਮਨੋਹਰ ਲੋਹੀਯਾ ਹਸਪਤਾਲ 'ਚ ਚੱਲ ਰਿਹਾ ਸੀ।
ਇਸਤੋਂ ਪਹਿਲਾਂ ਵੀਰਵਾਰ ਨੂੰ ਕਰਨਾਟਕ ਦੇ ਕਲਬੁਰਜੀ ਵਿੱਚ ਇੱਕ 76 ਸਾਲਾ ਵਿਅਕਤੀ ਨੇ ਵੀ ਇਸ ਵਾਇਰਸ ਕਾਰਨ ਆਪਣੀ ਜਾਨ ਗਵਾ ਦਿੱਤੀ ਸੀ।
ਹੁਣ ਤਕ ਭਾਰਤ 'ਚ ਇਸ ਵਾਇਰਸ ਨਾਲ ਜੁੜੇ 82 ਮਾਮਲੇ ਉਜਾਗਰ ਹੋ ਚੁੱਕੇ ਹਨ।
