ਐਬਟਸਫੋਰਡ ਵਿੱਚ ਦੋ ਹਥਿਆਰਬੰਦ ਸਟ੍ਰੀਟ ਲੁੱਟਾਂ ਦੇ ਮਾਮਲੇ ਵਿੱਚ ਨੌਜਵਾਨ ਗ੍ਰਿਫਤਾਰ

ਐਬਟਸਫੋਰਡ ਪੁਲਿਸ ਨੇ ਪਿਛਲੇ ਦਿਨੀਂ ਸ਼ਹਿਰ ਵਿਚ ਹਥਿਆਰ ਦੀ ਨੋਕ 'ਤੇ ਹੋਈਆਂ ਦੋ ਵੱਖ-ਵੱਖ ਸਟ੍ਰੀਟ robberies ਦੀਆਂ ਵਾਰਦਾਤਾਂ ਦੇ ਮਾਮਲੇ ਵਿਚ ਇੱਕ ਦੱਖਣੀ ਏਸ਼ੀਆਈ ਨੌਜਵਾਨ ਨੂੰ ਗ੍ਰਿਫਤਾਰ ਕੀਤਾ ਹੈ।

ਹਾਲਾਂਕਿ, ਉਸ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ। ਪੁਲਿਸ ਮੁਤਾਬਕ, ਪਹਿਲੀ ਵਾਰਦਾਤ 14 ਅਪ੍ਰੈਲ ਨੂੰ ਦੁਪਹਿਰ ਵੇਲੇ ਮੈਕਲੂਰ ਰੋਡ ਅਤੇ ਟ੍ਰੇਥਵੇ ਸਟ੍ਰੀਟ ਦੇ ਇੰਟਰਸੈਕਸ਼ਨ ਨੇੜੇ ਵਾਪਰੀ ਸੀ, ਜਦੋਂ ਕਿ ਦੂਜੀ ਵਾਰਦਾਤ 30 ਅਪ੍ਰੈਲ ਨੂੰ ਰਾਤ ਵੇਲੇ ਐਬਟਸਫੋਰਡ Exhibition ਪਾਰਕ ਦੇ ਨੇੜੇ ਡਿਸਕਵਰੀ ਟ੍ਰੇਲ 'ਤੇ ਅੰਜਾਮ ਦਿੱਤੀ ਗਈ ਸੀ। ਦੋਵਾਂ ਮਾਮਲਿਆਂ ਵਿਚ ਇੱਕੋ ਹੀ ਸ਼ੱਕੀ ਸ਼ਾਮਲ ਸੀ, ਜਿਸ ਨੇ ਪੀੜਤਾਂ 'ਤੇ ਗੰਨ ਤਾਣ ਕੇ ਉਨ੍ਹਾਂ ਦੇ ਗਹਿਣੇ ਲੁੱਟ ਲਏ ਸਨ।

ਮਾਮਲੇ ਦੀ ਜਾਂਚ ਦੌਰਾਨ ਪੁਲਿਸ ਨੇ 14 ਮਈ ਨੂੰ ਨੌਜਵਾਨ ਨਾਲ ਸਬੰਧਤ ਇੱਕ ਰਿਹਾਇਸ਼ੀ ਦੀ ਤਲਾਸ਼ੀ ਲਈ, ਜਿੱਥੋਂ ਵਾਰਦਾਤ ਵਿਚ ਵਰਤੀ ਗਈ ਸ਼ੱਕੀ ਗੱਡੀ ਬਰਾਮਦ ਹੋਈ। ਪੁਲਿਸ ਨੇ ਇਸ ਟੋਇਟਾ ਕੈਮਰੀ ਦੀ ਤਸਵੀਰ ਜਾਰੀ ਕਰਦੇ ਹੋਏ ਲੋਕਾਂ ਤੋਂ ਸ਼ੱਕੀ ਜਾਂ ਇਸ ਗੱਡੀ ਬਾਰੇ ਕੋਈ ਵੀ ਜਾਣਕਾਰੀ ਹੋਣ ਦੀ ਸੂਰਤ ਵਿਚ ਐਬਟਸਫੋਰਡ ਪੁਲਿਸ ਨਾਲ ਸੰਪਰਕ ਕਰਨ ਦੀ ਅਪੀਲ ਕੀਤੀ ਹੈ।