10.17C Vancouver 10.17C VancouverDec 11, 2020 11:26 PM -
ਐਬਟਸਫੋਰਡ ਪੁਲਿਸ ਵੱਲੋਂ ਇੱਕ ਜ਼ਬਰਦਸਤੀ ਬੰਦੀ ਬਣਾਉਣ ਅਤੇ ਗੰਭੀਰ ਹਮਲੇ ਦੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਬਾਰੇ ਉਸ ਵੇਲੇ ਪਤਾ ਲੱਗਿਆ, ਜਦ ਇੱਕ ਵਿਅਕਤੀ ਲਹੂ ਨਾਲ ਲਥਪਥ ਹਾਲਤ ਅਤੇ ਬੰਨੇ ਹੋਏ ਹੱਥਾਂ ਨਾਲ ਇੱਕ ਘਰ ਦੀ ਖਿੜਕੀ ਤੋਂ ਬਾਹਰ ਟੱਪਿਆ ਅਤੇ ਮਦਦ ਲਈ ਪੁਕਾਰ ਲਗਾਉਂਦਾ ਹੋਇਆ ਭੱਜਿਆ।
ਪੁਲਿਸ ਨੂੰ ਘਟਨਾ ਸੰਬੰਧੀ ਕਲੀਅਰਬਰੁਕ ਰੋਡ 'ਤੇ 2300 ਬਲੌਕ ਕੋਲ ਸੱਦਿਆ ਗਿਆ ਸੀ।
ਇਸ ਵਿਅਕਤੀ ਦੀ ਘਰ ਤੋਂ ਕੁਝ ਦੂਰੀ 'ਤੇ ਗੰਭੀਰ ਜ਼ਖਮੀ ਹਾਲਤ 'ਚ ਭਾਲ ਹੋਈ।
ਹਾਲਾਂਕਿ ਜ਼ਖਮਾਂ ਨੂੰ ਜਾਨਲੇਵਾ ਨਹੀਂ ਦੱਸਿਆ ਗਿਆ।
ਘਰ ਤੱਕ ਪਹੁੰਚ ਕਰਨ 'ਤੇ ਪੁਲਿਸ ਨੂੰ ਘਰ 'ਚ ਕੋਈ ਸ਼ੱਕੀ ਵਿਅਕਤੀ ਨਹੀਂ ਮਿਲਿਆ।
ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
