13.01C Vancouver 13.01C VancouverNov 18, 2021 8:30 PM - The Canadian Press
ਐਬਟਸਫੋਰਡ 'ਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੂਮਾਸ ਪ੍ਰਾਇਰੀ ਇਲਾਕੇ 'ਚ 40 ਦੇ ਕਰੀਬ ਲੋਕਾਂ ਵੱਲੋਂ ਘਰ ਖਾਲੀ ਕਰਨ ਦੇ ਨਿਰਦੇਸ਼ਾਂ ਦੀ ਪਾਲਣਾ ਨਹੀਂ ਕੀਤੀ ਜਾ ਰਹੀ।
ਪੁਲਿਸ ਚੀਫ਼ ਮਾਈਕ ਸੀਰ ਨੇ ਕਿਹਾ ਕਿ ਪਾਣੀ ਦਾ ਪੱਧਰ ਹੇਠ-ਉੱਤੇ ਹੋਣਾ ਜਾਰੀ ਹੈ ਅਤੇ ਹੁਣ ਵੀ ਜਾਨਲੇਵਾ ਸਾਬਿਤ ਹੋਣ ਵਾਲੀਆਂ ਪ੍ਰਿਸਥਿਤੀਆਂ ਬਣੀਆਂ ਹੋਈਆਂ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਇਹ ਲੋਕ ਫਰਸਟ ਰਿਸਪਾਂਡਰਸ ਦੀ ਜਾਨ ਲਈ ਵੀ ਖਤਰਾ ਖੜਾ ਕਰ ਰਹੇ ਹਨ ਕਿਉਂਕਿ ਜੇਕਰ ਬਾਅਦ 'ਚ ਇਨ੍ਹਾਂ ਨੂੰ ਇਵੈਕੂਏਟ ਕਰਨਾ ਪੈਂਦਾ ਹੈ ਤਾਂ ਉਸ ਵੇਲੇ ਹਾਲਾਤ ਹੋਰ ਗੰਭੀਰ ਹੋ ਸਕਦੇ ਹਨ।
ਐਬਟਸਫੋਰਡ ਦੇ ਮੇਅਰ ਹੈਨਰੀ ਬ੍ਰਾਉਨ ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਲਾਕੇ 'ਚ 600 ਲੋਕਾਂ ਨੂੰ ਇਵੈਕੂਏਟ ਕੀਤਾ ਜਾ ਚੁੱਕਿਆ ਹੈ ਅਤੇ ਬੀਤੀ ਰਾਤ ਵੀ 11 ਲੋਕਾਂ ਨੂੰ ਇਵੈਕੂਏਟ ਕੀਤਾ ਗਿਆ।
ਉਨ੍ਹਾਂ ਕਿਹਾ ਕਿ ਇਲਾਕੇ 'ਚ ਹਾਲਾਤ ਬਿਹਤਰ ਹੋਣ 'ਚ ਅਜੇ ਕਾਫੀ ਸਮਾਂ ਲਗ ਸਕਦਾ ਹੈ।
