12.61C Vancouver 12.61C VancouverMay 28, 2021 7:29 PM -
ਬੀ.ਸੀ. ਦੀ ਐਂਡਿੰਗ ਵਾਇਲੈਂਸ ਐਸੋਸੀਏਸ਼ਨ ਨੂੰ ਜਿਨਸੀ ਹਮਲਿਆਂ ਸੰਬੰਧੀ 'ਰਿਸਪਾਂਸ ਸਰਵਿਸਿਜ਼ ਪ੍ਰੋਗਰਾਮ' ਦੇ ਲਈ $10 ਮਿਲੀਅਨ ਦੀ ਵਧੇਰੇ ਗ੍ਰਾਂਟ ਮਿਲ ਰਹੀ ਹੈ।
ਪਬਲਿਕ ਸੇਫਟੀ ਮੰਤਰੀ ਅਤੇ ਸੌਲੀਸਿਟਰ ਜਨਰਲ, ਮਾਈਕ ਫਾਰਨਵਰਥ ਨੇ ਕਿਹਾ ਕਿ ਜਿਨਸੀ ਹਮਲਿਆਂ ਅਤੇ ਕਈ ਹੋਰ ਪ੍ਰਕਾਰ ਦੀ ਜੈਂਡਰ ਸੰਬੰਧੀ ਹਿੰਸਾ ਦਾ ਪੀੜਤਾਂ 'ਤੇ ਬੇਹੱਦ ਮਾੜਾ ਪ੍ਰਭਾਵ ਪੈਂਦਾ ਹੈ।
ਉਨ੍ਹਾਂ ਕਿਹਾ ਕਿ ਇਸੇ ਕਾਰਨ ਪ੍ਰਭਾਵਿਤ ਲੋਕਾਂ ਦੇ ਸਹਿਯੋਗ ਲਈ ਸਰਕਾਰ ਵਧੇਰੇ ਮਦਦ ਪ੍ਰਧਾਨ ਕਰ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਇਸ ਪ੍ਰੋਗਰਾਮ ਦੇ ਪਹਿਲੇ ਦੌਰ ਦੀ ਕਾਮਯਾਬੀ ਬੇਹੱਦ ਚੰਗੀ ਰਹੀ ਸੀ।
ਉਨ੍ਹਾਂ ਕਿਹਾ ਕਿ ਉਹ ਖੁਸ਼ ਹਨ ਕਿ ਈ.ਵੀ.ਏ. ਬੀ.ਸੀ. ਨੂੰ ਹੋਰ ਗ੍ਰਾਂਟਸ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਹਨ।
ਫਾਰਨਵਰਥ ਨੇ ਕਿਹਾ ਕਿ ਵੱਡੇ ਪੱਧਰ 'ਤੇ ਸੂਬੇ 'ਚ ਇਹਨਾਂ ਸੇਵਾਵਾਂ ਦੀ ਲੋੜ ਹੈ।
ਯਾਦ ਰਹੇ ਮਾਰਚ 2020 'ਚ ਸਰਕਾਰ ਨੇ ਈ.ਵੀ.ਏ. ਬੀ.ਸੀ. ਨੂੰ $10 ਮਿਲੀਅਨ ਦੀ ਗ੍ਰਾਂਟ ਦੇ ਨਾਲ ਮਲਟੀ-ਈਅਰ ਐਮਰਜੈਂਸੀ ਸੈਕਸ਼ੂਅਲ ਅਸਾਲਟ ਸਰਵਿਸਿਜ਼ ਗ੍ਰਾਂਟ ਪ੍ਰੋਗਰਾਮ ਸਥਾਪਿਤ ਕਰਨ ਅਤੇ ਐਡਮਿਨਿਸਟਰ ਕਰਨ ਦੀ ਸ਼ੁਰੂਆਤ ਕੀਤੀ ਸੀ।
ਇਸ ਤਹਿਤ ਸੂਬੇ ਦੇ 23 ਸੰਗਠਨ ਇਹਨਾਂ ਸੇਵਾਵਾਂ ਤਹਿਤ ਕੰਮ ਕਰ ਰਹੇ ਹਨ।
