23.19C Vancouver 23.19C VancouverSep 10, 2021 8:42 PM -
ਅਫਗਾਨਿਸਤਾਨ ਦੀਆਂ ਪਹਿਲਾਂ 2 ਮਹਿਲਾ ਓਲੰਪੀਅਨਸ ਦੇ ਵਿੱਚੋਂ ਇੱਕ ਦਾ ਕਹਿਣਾ ਹੈ ਕਿ ਕੈਨੇਡਾ ਨੂੰ ਅਫਗਾਨਿਸਤਾਨ ਤੋਂ ਮਹਿਲਾ ਖਿਡਾਰਨਾਂ ਨੂੰ ਕੱਢਣ 'ਚ ਮਦਦ ਕਰਨੀ ਚਾਹੀਦੀ ਹੈ।
ਵੈਨਕੂਵਰ 'ਚ ਰਹਿਣ ਵਾਲੀ ਫਰੀਬਾ ਰੇਜ਼ਾਈ ਦਾ ਕਹਿਣਾ ਹੈ ਕਿ ਅਫਗਾਨਿਸਤਾਨ ਦੇ ਤਾਲਿਬਾਨ ਦੇ ਕਬਜੇ 'ਚ ਆਉਣ ਤੋਂ ਬਾਅਦ ਉਸ ਨੂੰ ਫੋਨ 'ਤੇ ਕਿੰਨੇ ਹੀ ਸੁਨੇਹੇ ਆਏ ਹਨ ਜਿਸ 'ਚ ਖਿਡਾਰਨਾਂ ਨੇ ਮਦਦ ਦੀ ਅਪੀਲ ਕੀਤੀ ਹੈ।
ਰੇਜ਼ਾਈ ਇੱਕ ਸੰਸਥਾ ਦੀ ਫਾਊਂਡਰ ਮੈਂਬਰ ਹੈ ਜਿਸ ਦਾ ਨਾਮ 'ਵਿਮੈਨ ਲੀਡਰਸ ਆਫ ਟੂਮੌਰੋ' ਦੱਸਿਆ ਜਾਂਦਾ ਹੈ।
ਇਹ ਸੰਗਠਨ ਅਫਗਾਨ ਔਰਤਾਂ ਦਾ ਸਹਿਯੋਗ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਅਥਲੈਟਿਕ ਅਤੇ ਸਿੱਖਿਆ ਦੇ ਮੌਕੇ ਪ੍ਰਦਾਨ ਕਰਦਾ ਹੈ।
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਤਾਲਿਬਾਨ ਵੱਲੋਂ ਭਰੋਸਾ ਦਵਾਇਆ ਗਿਆ ਹੈ ਕਿ ਲੋਕਾਂ ਨੂੰ ਦੇਸ਼ ਛੱਡਣ ਦੀ ਇਜਾਜਤ ਦਿੱਤੀ ਜਾਵੇਗੀ ਜੇਕਰ ਉਨ੍ਹਾਂ ਕੋਲ ਹੋਰ ਦੇਸ਼ਾਂ ਦੀ ਔਥੋਰਾਈਜੇਸ਼ਨ ਉਪਲਬਧ ਹੋਵੇ।
ਹਾਲਾਂਕਿ ਫੈਡਰਲ ਸਰਕਾਰ ਨੇ ਮੰਨਿਆ ਹੈ ਕਿ ਸਿਕਿਉਰਿਟੀ ਦੇ ਹਾਲਾਤ ਡਾਵਾਂਡੋਲ ਹਨ।
