18.91C Vancouver 18.91C VancouverApr 2, 2024 1:20 PM - The Associated Press
ਇਜ਼ਰਾਇਲ ਵਲੋਂ ਸੈਂਟਰਲ ਗਾਜ਼ਾ ਵਿਚ ਕੀਤੀ ਗਈ ਏਅਰ ਸਟ੍ਰਾਈਕ ਵਿਚ ਵਰਲਡ ਸੈਂਟਰਲ ਕਿਚਨ ਐਨ.ਜੀ.ਓ ਲਈ ਕੰਮ ਕਰਨ ਵਾਲੇ 7 ਅੰਤਰਰਾਸ਼ਟਰੀ ਸਹਾਇਤਾ ਕਰਮਚਾਰੀ ਦੀ ਮੌਤ ਹੋਣ ਦੀ ਪੁਸ਼ਟੀ ਕੀਤੀ ਗਈ ਹੈ, ਜਿਨ੍ਹਾਂ ਵਿਚ ਇੱਕ ਕੈਨੇਡੀਅਨ-ਅਮਰੀਕੀ ਨਾਗਰਿਕ ਵੀ ਸ਼ਾਮਲ ਸੀ। ਬਾਕੀ ਹੋਰ ਵਰਕਰ, ਆਸਟ੍ਰੇਲੀਆ, ਬਿ੍ਰਟੇਨ ਅਤੇ ਪੋਲੈਂਡ ਦੇ ਸਨ।
ਫੂਡ ਚੈਰਿਟੀ ਨੇ ਕਿਹਾ ਕਿ ਬੀਤੇ ਕੱਲ੍ਹ ਵਾਪਰੀ ਇਸ ਘਟਨਾ ਨੂੰ ਦੇਖਦੇ ਹੋਏ ਉਸ ਨੇ ਗਾਜ਼ਾ ਵਿਚ ਕਾਰਵਾਈ ਤੁਰੰਤ ਪ੍ਰਭਾਵ ਨਾਲ ਰੋਕ ਦਿੱਤੀ ਹੈ। ਚੈਰਿਟੀ ਨੇ ਕਿਹਾ ਕਿ ਉਸ ਦੀ ਟੀਮ ਤਿੰਨ ਕਾਰਾਂ ਵਿਚ ਟਰੈਵਲ ਕਰ ਰਹੀ ਸੀ ਜਦੋਂ ਹਵਾਈ ਹਮਲਾ ਹੋਇਆ ਅਤੇ ਟੀਮ ਆਪਣੀ ਮੂਵਮੈਂਟ ਦੇ ਸਬੰਧ ਵਿਚ ਇਜ਼ਰਾਇਲੀ ਫੌਜ ਨਾਲ ਤਾਲਮੇਲ ਵਿਚ ਵੀ ਸੀ।
ਉਥੇ ਹੀ, ਇਜ਼ਰਾਇਲੀ ਫੌਜ ਨੇ ਕਿਹਾ ਕਿ ਉਹ ਇਸ ਘਟਨਾ ਦੀ ਉੱਚ ਪੱਧਰੀ ਜਾਂਚ ਕਰ ਰਹੀ ਹੈ ਅਤੇ ਇਸ ਸਬੰਧ ਵਿਚ ਸੁਤੰਤਰ ਜਾਂਚ ਵੀ ਕਰਵਾਈ ਜਾਵੇਗੀ। ਉਥੇ ਹੀ,ਗਾਜ਼ਾ ਵਿਚ ਰਾਹਤ ਸਮੱਗਰੀ ਲਈ ਕੰਮ ਕਰਨ ਵਾਲੀ ਸੰਯੁਕਤ ਰਾਸ਼ਟਰ ਦੀ ਪ੍ਰਮੁੱਖ ਏਜੰਸੀ ਯੂ.ਐੱਨ.ਆਰ. ਡਬਲਿਊ.ਏ. ਨੇ ਆਪਣੀ ਇੱਕ ਲੇਟਸਟ ਰਿਪੋਰਟ ਵਿਚ ਕਿਹਾ ਕਿ ਇਜ਼ਰਾਇਲ-ਹਮਾਸ ਦੀ ਜੰਗ ਵਿਚ ਹੁਣ ਤੱਕ ਉਸ ਦੇ 173 ਵਰਕਰਜ਼ ਮਾਰੇ ਗਏ ਹਨ।
