7.96C Vancouver 7.96C VancouverOct 22, 2026 4:50 PM - Connect Newsroom - Ramandeep Kaur with files from The Canadian Press
ਏਅਰ ਕੈਨੇਡਾ ਨੇ ਅਮਰੀਕਾ ਲਈ ਆਪਣੀਆਂ ਹੋਰ ਉਡਾਣਾਂ ਨੂੰ ਪੜਾਅਵਾਰ ਤਰੀਕੇ ਨਾਲ ਬੰਦ ਕਰਨ ਦਾ ਐਲਾਨ ਕੀਤਾ ਹੈ, ਜਿਸ ਵਿਚ ਦੱਖਣੀ ਕੈਰੋਲੀਨਾ ਲਈ ਸਾਰੀਆਂ ਸਿੱਧੀਆਂ ਉਡਾਣਾਂ ਨੂੰ ਰੱਦ ਕਰਨਾ ਸ਼ਾਮਲ ਹੈ। ਇਹ ਫੈਸਲਾ ਅਮਰੀਕਾ ਜਾਣ ਵਾਲੇ ਮੁਸਾਫ਼ਰਾਂ ਦੀ ਘਟਦੀ ਗਿਣਤੀ ਅਤੇ ਵਧਦੀਆਂ ਲਾਗਤਾਂ ਕਾਰਨ ਲਿਆ ਗਿਆ ਹੈ।
ਏਅਰਲਾਈਨ ਸਾਲ 2027 ਤੋਂ ਪੰਜ ਹਵਾਈ ਰੂਟਾਂ 'ਤੇ ਆਪਣੀਆਂ ਸੇਵਾਵਾਂ ਰੱਦ ਕਰ ਰਹੀ ਹੈ, ਜਿਨ੍ਹਾਂ ਵਿਚ ਵੈਨਕੂਵਰ ਤੋਂ Nashville ਅਤੇ ਵੈਨਕੂਵਰ ਤੋਂ Raleigh-Durham ਲਈ ਚੱਲਣ ਵਾਲੀਆਂ ਉਡਾਣਾਂ ਤੋਂ ਇਲਾਵਾ ਟੋਰੌਂਟੋ ਪੀਅਰਸਨ ਤੋਂ ਚਾਰਲਸਟਨ ਦੀਆਂ ਫਲਾਈਟਸ ਵੀ ਸ਼ਾਮਲ ਹਨ। ਇਸ ਫੈਸਲੇ ਨਾਲ ਖਾਸ ਕਰ ਦੱਖਣੀ ਕੈਰੋਲੀਨਾ ਜਾਣ ਵਾਲੇ ਕੈਨੇਡੀਅਨ 'ਸਨੋਬਰਡਜ਼' ਨੂੰ ਝਟਕਾ ਲੱਗਾ ਹੈ ਕਿਉਂਕਿ Charleston ਲਈ ਇਹ ਕੈਨੇਡਾ ਦੀ ਇੱਕਮਾਤਰ ਸਿੱਧੀ ਫਲਾਈਟ ਸੀ।
ਹਾਲਾਂਕਿ, ਏਅਰ ਕੈਨੇਡਾ ਦੇ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਮੰਗ ਮੁਤਾਬਕ ਆਪਣੇ ਨੈੱਟਵਰਕ ਵਿਚ ਸੁਧਾਰ ਕਰ ਰਹੀ ਹੈ ਅਤੇ ਇਸੇ ਤਹਿਤ 2027 ਦੀਆਂ ਗਰਮੀਆਂ ਵਿਚ ਐਡਮਿੰਟਨ ਤੋਂ Newark ਵਰਗੇ ਕੁਝ ਨਵੇਂ ਰੂਟ ਵੀ ਸ਼ੁਰੂ ਕੀਤੇ ਜਾਣਗੇ।
