16.6C Vancouver 16.6C VancouverSep 2, 2025 7:17 PM - The Canadian Press
ਐਲਬਰਟਾ ਸਰਕਾਰ ਨੇ ਲਾਈਬ੍ਰੇਰੀਸ ਵਿੱਚ ਮੌਜੂਦ ਸੈਕਸ਼ੂਅਲ ਕੰਟੈਂਟ ਵਾਲੀਆਂ ਕਿਤਾਬਾਂ 'ਤੇ ਰੋਕ ਲਗਾਉਣ ਸੰਬੰਧੀ ਨਿਰਦੇਸ਼ ਦਿੱਤੇ ਸਨ। ਹੁਣ ਸਰਕਾਰ ਨੇ ਤਾਜ਼ਾ ਨਿਰਦੇਸ਼ ਜਾਰੀ ਕਰਦਿਆਂ ਪਹਿਲਾਂ ਦੇ ਨਿਰਦੇਸ਼ ਨੂੰ ਪੌਜ਼ (pause) ਕਰ ਦਿੱਤਾ ਹੈ। ਇਸ ਦਾ ਅਰਥ ਹੈ ਕਿ ਅਗਲੇ ਨਿਰਦੇਸ਼ਾਂ ਤੱਕ ਲਾਈਬ੍ਰੇਰੀਸ ਵਿੱਚ ਕਥਿਤ ਸੈਕਸ਼ੂਅਲ ਕੰਟੈਂਟ ਵਾਲੀਆਂ ਕਿਤਾਬਾਂ 'ਤੇ ਹੁਣ ਕੋਈ ਰੋਕ ਨਹੀਂ ਹੋਵੇਗੀ।
ਸਿੱਖਿਆ ਮੰਤਰੀ ਡਿਮੀਟ੍ਰੀਓਸ ਨਿਕੋਲਾਇਡਸ ਨੇ ਇਸ ਸੰਬੰਧੀ ਸਕੂਲ ਡਿਵੀਜ਼ਨਸ ਅਤੇ ਅਧਿਕਾਰੀਆਂ ਨੂੰ ਇੱਕ ਈ-ਮੇਲ ਭੇਜੀ ਹੈ। ਇਸ ਈ-ਮੇਲ 'ਚ ਆਖਿਆ ਗਿਆ ਹੈ ਕਿ ਹਟਾਈਆਂ ਜਾਣ ਵਾਲੀਆਂ ਕਿਤਾਬਾਂ ਦੀ ਸੂਚੀ ਸੰਬੰਧੀ ਕਿਸੇ ਵੀ ਡਿਵੈਲਪਮੈਂਟ ਜਾਂ ਇਸ ਦੀ ਵੰਢ 'ਤੇ ਹਾਲ ਦੀ ਘੜੀ ਕੋਈ ਕਾਰਵਾਈ ਨਾ ਕੀਤੀ ਜਾਵੇ। ਇਹ ਰੋਕ ਕਿਸੇ ਵੀ ਅਗਲੇ ਨੋਟਿਸ ਤੱਕ ਜਾਰੀ ਰਵੇਗੀ। ਐਡਮਿੰਟਨ ਦੇ ਪਬਲਿਕ ਸਕੂਲਾਂ ਸੰਬੰਧੀ ਕਿਤਾਬਾਂ ਦੀ ਇਹ ਡ੍ਰਾਫਟ ਲਿਸਟ ਬੀਤੇ ਹਫਤੇ ਲੀਕ ਹੋ ਗਈ ਸੀ।
ਇਸ ਫੈਸਲੇ 'ਚ ਮਾਰਗ੍ਰੈਟ ਐਟਵੁਡ ਦੀ ਕਿਤਾਬ 'ਦ ਹੈਂਡਮੇਡਸ ਟੇਲ' ਸਮੇਤ ਕੁੱਲ 200 ਤੋਂ ਵਧੇਰੇ ਟਾਈਟਲਸ ਸ਼ਾਮਿਲ ਹਨ। ਆਥਰ ਮਾਰਗ੍ਰੈਟ ਐਟਵੁਡ ਨੇ ਐਲਬਰਟਾ ਸਰਕਾਰ ਦੇ ਫੈਸਲੇ ਸੰਬੰਧੀ ਇੱਕ ਔਨਲਾਈਨ ਪ੍ਰਤੀਕਿਰਿਆ 'ਚ ਸਵਾਲ ਚੁੱਕੇ ਸਨ। ਪ੍ਰੀਮਿਅਰ ਡੈਨੀਐਲ ਸਮਿਥ ਦਾ ਕਹਿਣਾ ਹੈ ਕਿ ਐਡਮਿੰਟਨ ਸਕੂਲ ਡਿਵੀਜ਼ਨ ਨੇ ਜੋ ਸੂਚੀ ਤਿਆਰ ਕੀਤੀ ਸੀ ਉਹ ਸਰਕਾਰ ਦੀ ਨੀਤੀ ਅਤੇ ਇਰਾਦੇ ਅਨੁਸਾਰ ਨਹੀਂ ਸੀ।
