20.06C Vancouver 20.06C VancouverNov 29, 2024 3:15 PM - The Canadian Press
ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਉਨ੍ਹਾਂ ਦੀ ਸਰਕਾਰ ਫੈਡਰਲ ਸਰਕਾਰ ਨੂੰ ਵਾਤਾਵਰਣ ਕਾਨੂੰਨ ਦੇ ਵਿਰੋਧ ਵਿਚ ਦੂਜੀ ਵਾਰ ਅਦਾਲਤ ਵਿਚ ਲੈ ਜਾਣ ਦੀ ਤਿਆਰੀ ਵਿਚ ਹੈ।
ਫੈਡਰਲ ਸਰਕਾਰ ਚਾਹੁੰਦੀ ਹੈ ਕਿ ਦੇਸ਼ ਵਿਚ ਫੈਕਟਰੀਆਂ ਅਤੇ ਕੰਪਨੀਆਂ ਜਾਂ ਕਿਸੇ ਵੀ ਕਾਰਨ ਨਿਕਲਣ ਵਾਲੇ ਰਸਾਇਣਕ ਗੈਸਾਂ ਦੀ ਨਿਕਾਸੀ ਨੂੰ 2030 ਤੱਕ ਬਹੁਤ ਜ਼ਿਆਦਾ ਘਟਾ ਲਿਆ ਜਾਵੇ ਪਰ ਐਲਬਰਟਾ ਦਾ ਕਹਿਣਾ ਹੈ ਕਿ ਅਜਿਹਾ ਜਾਇਜ਼ ਨਹੀਂ ਕਿਉਂਕਿ ਸੂਬੇ ਵਿਚ ਸਭ ਤੋਂ ਵੱਧ ਤੇਲ ਅਤੇ ਗੈਸ ਕੰਪਨੀਆਂ ਹਨ, ਜੋ ਵਿਦੇਸ਼ਾਂ ਨਾਲ ਵੀ ਵਪਾਰ ਕਰਦੀਆਂ ਹਨ।
ਦੱਸ ਦਈਏ ਕਿ ਪ੍ਰਭਾਵ ਮੁਲਾਂਕਣ ਐਕਟ ਨੂੰ 2019 ਵਿਚ ਲਿਆਂਦਾ ਗਿਆ ਸੀ ਜਿਸ ਵਿਚ ਫੈਡਰਲ ਸਰਕਾਰ ਨੂੰ ਇਜਾਜ਼ਤ ਮਿਲੀ ਸੀ ਕਿ ਉਹ ਤੇਲ ਅਤੇ ਗੈਸ ਯੋਜਨਾਵਾਂ, ਪਾਵਰ ਪਲਾਂਟ, ਖਾਨ ਅਤੇ ਹੋਰ ਵੱਡੇ ਪ੍ਰੋਜੈਕਟਸ ਲਈ ਵਿਚਾਰ ਪੇਸ਼ ਕਰ ਸਕਦੇ ਹਨ।
ਹਾਲਾਂਕਿ 2023 ਵਿਚ ਕੈਨੇਡਾ ਦੀ ਸੁਪਰੀਮ ਕੋਰਟ ਨੇ ਦੱਸਿਆ ਸੀ ਕਿ ਇਨ੍ਹਾਂ ਵਿਚੋਂ ਵਧੇਰੇ ਗੈਰ-ਸੰਵਿਧਾਨਕ ਹਨ। ਸਮਿਥ ਨੇ ਅਕਤੂਬਰ ਵਿਚ ਵੀ ਪੀ. ਐੱਮ. ਜਸਟਿਨ ਟਰੂਡੋ ਨੂੰ ਪੱਤਰ ਲਿਖ ਕੇ ਇਸ ਬਾਰੇ ਮੁੜ ਵਿਚਾਰ ਕਰਨ ਲਈ ਕਿਹਾ ਸੀ। ਹੁਣ ਮੁੜ ਦੋਵੇਂ ਸਰਕਾਰਾਂ ਇਸ ਮੁੱਦੇ ਨੂੰ ਲੈ ਕੇ ਆਹਮੋ-ਸਾਹਮਣੇ ਹਨ।
