ਐਲਬਰਟਾ ਸਰਕਾਰ ਨੇ ਹਾਈਵੇਅਜ਼ 'ਤੇ ਫੋਟੋ ਰਾਡਾਰ ਘਟਾਉਣ ਦਾ ਲਿਆ ਫੈਸਲਾ

ਐਲਬਰਟਾ ਸਰਕਾਰ ਨੇ ਸੂਬੇ ਦੇ ਹਾਈਵੇਅਜ਼ ਅਤੇ ਕਈ ਚੌਰਾਹਿਆਂ 'ਤੇ ਲੱਗੇ ਕਈ ਫੋਟੋ ਰਡਾਰ ਹਟਾਉਣ ਦਾ ਫੈਸਲਾ ਲਿਆ ਹੈ। ਇਹ ਬਦਲਾਅ 1 ਅਪ੍ਰੈਲ, 2025 ਤੋਂ ਲਾਗੂ ਹੋਵੇਗਾ। ਸੂਬਾ ਸਰਕਾਰ ਪਹਿਲਾਂ ਵੀ ਇਸ ਨੂੰ ਸਿਰਫ ਪੈਸੇ ਠੱਗਣ ਵਾਲਾ ਤਰੀਕਾ ਦੱਸ ਕੇ ਇਸ ਨੂੰ ਹਟਾਉਣ ਲਈ ਉਪਰਾਲੇ ਕਰਦੀ ਰਹੀ ਹੈ।

ਔਫੀਸ਼ੀਅਲਜ਼ ਮੁਤਾਬਕ ਸਕੂਲ, ਖੇਡ ਮੈਦਾਨ ਅਤੇ ਉਸਾਰੀ ਜ਼ੋਨ 'ਤੇ ਵੀ ਇਨ੍ਹਾਂ ਨੂੰ ਘਟਾਉਣ ਦਾ ਫੈਸਲਾ ਲਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਦੀ ਗਿਣਤੀ ਵਿਚ ਕਮੀ ਨਹੀਂ ਆਈ। ਸੂਬੇ ਦੇ ਆਵਾਜਾਈ ਮੰਤਰੀ ਨੇ ਕਿਹਾ ਕਿ ਮਿਹਨਤੀ ਐਲਬਰਟਨਜ਼ ਦੀ ਕਮਾਈ ਨੂੰ ਜੁਰਮਾਨਿਆਂ ਵਿਚ ਇਸ ਤਰ੍ਹਾਂ ਖਰਾਬ ਨਹੀਂ ਕਰਨਾ ਚਾਹੁੰਦੇ। ਨਗਰ ਪਾਲਿਕਾਵਾਂ ਉਨ੍ਹਾਂ ਇਲ਼ਾਕਿਆਂ ਵਿਚ ਫੋਟੋ ਰਡਾਰ ਲਗਵਾਉਣ ਲਈ ਕਹਿ ਸਕਦੀਆਂ ਹਨ, ਜਿੱਥੇ ਬਹੁਤ ਜ਼ਿਆਦਾ ਸੜਕ ਹਾਦਸੇ ਵਾਪਰਦੇ ਹਨ। ਪਿਛਲੇ ਸਾਲ ਨਗਰ ਪਾਲਿਕਾਵਾਂ ਨੇ ਇਸ ਰਾਹੀਂ $145 ਮਿਲੀਅਨ ਦਾ ਜੁਰਮਾਨਾ ਇਕੱਠਾ ਕੀਤਾ ਸੀ।

ਐਡਮਿੰਟਨ ਦੇ ਕੁਝ ਔਫੀਸ਼ੀਅਲਜ਼ ਨੇ ਕਿਹਾ ਕਿ ਇਸ ਦਾ ਕਾਫੀ ਫਾਇਦਾ ਸੀ ਅਤੇ ਲੋਕ ਕਾਫੀ ਸੁਚੇਤ ਹੋ ਕੇ ਵਾਹਨ ਚਲਾਉਂਦੇ ਸਨ। ਇਸ ਤਰ੍ਹਾਂ ਫੋਟੋ ਰਡਾਰ ਹਟਾਉਣ ਨਾਲ ਲੋਕਾਂ ਦੇ ਦਿਲਾਂ ਵਿਚੋਂ ਡਰ ਨਿਕਲ ਜਾਵੇਗਾ।